Sam fɔlɔ 4:3 - ALA KA KUMA

³ Isirayɛli jama kɔsegira ka na u sigiyɔrɔ la. U ka cɛkɔrɔbaw ko mun na Masaba y'a to filisiw sera olu kɔrɔ bii. U ko: «An ka taga Silo ka Masaba ka layidu taamasiɲɛ kɛsu ta, ka na n'a ye an cɛma, a ka na an bɔsi an juguw bolo.»

Jula NT of Côte d’Ivoire

³ Izirayɛlimɔgɔ tɔw sekɔra ka taga o sigiyɔrɔ ra. Izirayɛli cɛkɔrɔbaw ko: «Mun kosɔn Matigi Ala k’a to Filisikaw sera an na bi?» O ko: «An ye taga Matigi Ala ta jɛnɲɔgɔnya kɛsu* ta Silo dugu kɔnɔ ka na ni a ye. An ye na a bla an cɛ ra yan, janko a ye an bɔsi an juguw boro.»

Sam fɔlɔ 4:3 Iomraidhean Croise

Sam 2nan 15:25

Masacɛ y'a fɔ Sadɔki ye ko: «Kɔsegi ni Ala ka layidu taamasiɲɛ kɛsu ye dugu kɔnɔ. Ni Masaba b'a fɛ ka ɲa ne ma, a bena ne kɔsegi ani k'a to ne be kɛsu nin ye tugu, ani ale ka sigiyɔrɔ.

Lok fɔlɔ 17:1

Dawuda ye sigiyɔrɔ sɔrɔ a yɛrɛ ka soo tuma min na, a y'a fɔ kira Natan ye ko: «A filɛ, ne ka soo lɔnin be ni sɛdiriyiri ye, k'a sɔrɔ Masaba ka layidu taamasiɲɛ kɛsu be fanibugu le kɔnɔ.»

Zaburu 74:1

Azafu ka dɔnkili dɔ. Ala, mun na e y'an bila sa? Mun na e dimina i ka sagakulu kɔrɔ?

Zaburu 74:11

Mun na i te wili ka dɔ kɛ? E y'i bolo to i yɛrɛ kan ten.

Ezayi 50:1

Masaba ko: «Ne ye aw bamuso Zeruzalɛmu gwɛn ni furusasɛbɛ min ye, o be min? Walima jɔn ka juru be ne kan ni ne y'aw feere o tigi ma? Aw ka kojuguw kosɔn lo aw feerela, aw ka murutiliw kosɔn, ne y'aw bamuso gwɛn.

Ezayi 58:3

U b'a fɔ ko: ‹Kuun t'a la an ka suun don n'i t'a ye. Ka tɔɔrɔ la an yɛrɛ kan k'an yɛrɛ majigi k'a sɔrɔ a ma bɔ o kala ma!› Ayiwa, aw be suun don loon min na, aw b'aw yɛrɛ diyanakow le kɛ, k'aw ka baaradenw bɛɛ tɔɔrɔ.

Ezayi 59:1

A ma kɛ ko Masaba te se k'aw kisi dɛ! A tulo fana ma gweren k'a fɔ ko a t'aw kaan mɛnna.

Ezayi 59:2

Nga aw ka kojuguw le ye furancɛba don aw n'aw ka Ala cɛ. Aw ka kojuguw le y'a to a y'a yɛrɛ dogo aw la. O la, a te mɛnni kɛ aw fɛ.

Yeremi 3:16

«N'aw nana buguya kosɔbɛ jamana kɔnɔ tuma min na, ne Masaba le ko ten. U tena Masaba ka layidu taamasiɲɛ kɛsu koo fɔ tugu. U tena miiri a la tugu, u hakili tena jigi a la tugu. U mako tena kɛ a la tugu, u ten'a bɔɲɔgɔnko wɛrɛ dilan tugu.

Yeremi 7:4

Aw kana aw yɛrɛ nigɛ ni namarakuma ye ka to k'a fɔ ko: Yan ye Masaba ka soo ye, yan ye Masaba ka soo ye, yan ye Masaba ka soo ye!

Jateri 10:33

U wilila ka bɔ Masaba ka kulu kɔrɔ ka tile saba taama kɛ. Masaba ka layidu taamasiɲɛ kɛsu bilara u ɲa o tile saba kɔnɔ ka lafiɲɛyɔrɔ ɲini u ye.

Jateri 10:35

Ni kɛsu nin tun kɔrɔtara ka taga tuma o tuma, Musa tun be to k'a fɔ ko: «Masaba, wili! I juguw ka jɛnsɛn, i kɔniyabagaw ka boli i ɲa.»

Jateri 31:6

Musa y'u ci ka taga kɛlɛ la, cɛɛ waa kelen kelen ka bɔ Isirayɛli deen tan ni fila nunu kɔmɔgɔw kelen kelen bɛɛ la, ka sarakalasebaga Eleyazari dencɛ Pinasi bila ka taga n'u ye. Ale tagara ni Masaba sigiyɔrɔ minanw ye, ni buruw ye u be minw fiyɛ ka jama lasɔmi.

Sariya 29:24

U bena u jaabi ko: ‹Nin kɛra bari, Masaba, u bɛmaw ka Ala ye bɛɛn min kɛ n'o ye tuma min na a y'u bɔ Ezipiti, u y'o cɛn.

Sariya 31:26

«Aw ka sariyasɛbɛ nin ta, k'a bila Masaba aw ka Ala ka layidu taamasiɲɛ kɛsu gɛrɛfɛ. A bena kɛ seereyafɛn ye aw kama o yɔrɔ la.

Tim 2nan 3:5

U bena u yɛrɛ kɛ Ala ɲasiranbagaw ye, nga o te sɔn tiɲɛ ma min ye see sɔrɔyɔrɔ ye. E k'i yɛrɛ kɔlɔsi o mɔgɔ sugu nunu na.

Heburuw 9:4

Wusulandaga sanulaman, ani Ala ka bɛɛn taamasiɲɛ kɛsu tun be ale kɔnɔ, o kɛsu nin yɔrɔ bɛɛ tun ye sanu ye. Daga sanulaman tun b'a kɔnɔ maanɛ be min na, ani Arɔn ka bere, min feerenna, ani walaka kabakurulamanw, Ala ka sariya tun be minw kan.

Yosuwe 4:7

o tuma na, aw bena to k'u jaabi ko u tun be Zurudɛn baji tigɛra tuma min na ni Masaba ka layidu taamasiɲɛ kɛsu ye, ko Zurudɛn baji tun tigɛra ka lɔ. A kɛra ten, kabakuru nunu bena kɛ hakilijigifɛn ye Isirayɛlidenw fɛ tuma bɛɛ.»

Yosuwe 6:6

O la, Nun dencɛ Zozuwe ye sarakalasebagaw wele k'a fɔ u ye ko: «Aw ka Masaba ka layidu taamasiɲɛ kɛsu ta, aw la mɔgɔ wolonwula ka buru fiyɛtaw ta ka bila a ɲafɛ.»

Yosuwe 7:7

A y'a fɔ ko: «Ee! Matigi, Masaba, mun na i y'a to jama nin ye Zurudɛn baji tigɛ? Janko k'an don amoriw bolo u k'an halaki wa? Aa! Ni an tun tora Zurudɛn baji kɔfɛ, o tun ka fisa!

Yosuwe 7:8

Matigi, makari an na, ne bena mun le fɔ sa, Isirayɛlidenw bolinin kɔ u juguw ɲa?

Piy fɔlɔ 3:21

O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Zude 1:5

Aw be koo nin bɛɛ lɔn kosɔbɛ, nga ne b'a fɛ k'aw hakili jigi a la, ko Matigi ye a ka jama Isirayɛli kisi k'u bɔ Ezipiti jamana na tuma min na, mɔgɔ minw tun ma l'a la, ale yɛrɛ ye olu faga.

Sam fɔlɔ 1:24

Deen daa bɔra siin na tuma min na, a tagara n'a ye Masaba ka soo Silo ni tura saba ye, ni fiyɛ ɲaa kelen mugu, ani duvɛn ye, foroko kɔnɔ. Deen nin tun ye denfitini ye.

Sam fɔlɔ 14:18

A y'a fɔ Aya ye ko a ka Ala ka layidu taamasiɲɛ kɛsu ta ka na n'a ye. O y'a sɔrɔ kɛsu nin tun be Isirayɛlidenw fɛ o tuma na.

Sam fɔlɔ 4:2

Filisiw y'u yɛrɛ labɛn kɛlɛ kama ni Isirayɛlidenw ye. U ye kɛlɛ daminɛ. U sera Isirayɛlidenw kɔrɔ ka mɔgɔ waa naani (4 000) faga kɛlɛ yɔrɔ la.