Sam fɔlɔ 4:10 - ALA KA KUMA

¹⁰ Filisiw ye kɛlɛ wili, u sera Isirayɛlidenw kɔrɔ. Olu kelen kelen bɛɛ bolila ka taga u ka sigiyɔrɔ la. U barika tun boɲana Isirayɛlidenw ma kosɔbɛ fɔɔ u ye mɔgɔ waa bi saba (30 000) faga u cɛma.

Jula NT of Côte d’Ivoire

¹⁰ Filisikaw ka Izirayɛlimɔgɔw kɛrɛ, ka se o ra tuun. Izirayɛlimɔgɔw bɛɛ borira ka taga o sigiyɔrɔw ra. Kɛrɛ digira Izirayɛlimɔgɔw ra kosɛbɛ. Izirayɛlimɔgɔw ta kɛrɛkɛden sennaman waga bisaba (30 000) le fagara.

Sam fɔlɔ 4:10 Iomraidhean Croise

Sam 2nan 18:17

U ye Abisalɔn suu ta k'a fili dingɛba dɔ kɔnɔ tuu nin kɔnɔ yen, ka kabakuru caaman ton a kan. Isirayɛlidenw bɛɛ bolila, ka taga u ka soow kɔnɔ.

Sam 2nan 18:7

O yɔrɔ la, Dawuda ka kɛlɛdenw ye see sɔrɔ Abisalɔn ka kɛlɛdenw kan. Mɔgɔ waa mugan (20 000) sara. Cɛnniba kɛra o loon na kosɔbɛ.

Sam 2nan 19:8

Wili sisan sa, ka bɔ k'i ka kɛlɛdenw jigi tugu. N'o tɛ, ne be kali ni Masaba tɔgɔ ye ko dugu te na gwɛ ka mɔgɔ si sɔrɔ i gɛrɛfɛ fewu. O fana bena gwɛlɛya i ma ka tɛmɛ gwɛlɛya kan minw bɛɛ y'i sɔrɔ kabini i kanbelentuma na fɔɔ ka na se bii ma.»

Sam 2nan 20:1

O y'a sɔrɔ mɔgɔkolon dɔ tun be yen, Bɛnzamɛn kɔmɔgɔ Bikiri dencɛ tun lo, a tɔgɔ ko Seba. Ale ye buru fiyɛ k'a fɔ ko niyɔrɔ te olu fɛ Dawuda fɛ, ko cɛɛn t'u fɛ Zese dencɛ nin fɛ. Ko Isirayɛlidenw bɛɛ ka taga u ka soo.

Mas fɔlɔ 12:16

Isirayɛlidenw bɛɛ y'a ye ko masacɛ t'a fɛ ka mɛnni kɛ u fɛ minkɛ, u y'a fɔ a ye ko: «Mun le be anw ni Dawuda cɛ? Foyi te an ni Zese dencɛ cɛ! Isirayɛlidenw, aw ka taga aw ka soow kɔnɔ! Sisan Dawuda ka banba n'a ka soo ye!» O la, u segira ka taga u ka soow kɔnɔ.

Mas fɔlɔ 22:36

Tilekun dontuma na, u ye wango la Isirayɛlidenw ka kɛlɛbolo sigiyɔrɔ bɛɛ la ko mɔgɔ kelen kelen bɛɛ ka kɔsegi u ka dugu la, n'u ka mara la.

Mas 2nan 14:12

Isirayɛli mara kɛlɛdenw sera Zuda mara taw kɔrɔ, u kelen kelen bɛɛ bolila ka taga u ka soow kɔnɔ.

Lok 2nan 13:17

Abiya n'a ka mɔgɔw sera u kɔrɔ kosɔbɛ. Mɔgɔ waa kɛmɛ duuru (500 000) sara Isirayɛli mara kɛlɛdenŋanaw cɛma.

Lok 2nan 25:22

Isirayɛli mara mɔgɔw sera Zuda mara taw kɔrɔ, u kelen kelen bɛɛ bolila ka taga u ka soow kɔnɔ.

Zaburu 78:9

Efarayimu kɔmɔgɔ minw ye kɛlɛden kalatigiw ye, olu bolila ka kɔsegi kɛlɛ loon na.

Yeremi 7:12

« ‹Aw ka taga ne ka yɔrɔ la Silo, ne y'a kɛ ne tɔgɔ kɔnna ka to min kan. Ne ye min kɛ a la ne ka jama Isirayɛli ka juguya kosɔn, aw ka taga o filɛ.

Sarakalasebagaw 26:17

Ne bena wili aw kama. O la, aw juguw bena se aw kɔrɔ, aw kɔniyabagaw bena kɛ aw kuntigiw ye. Aw bena boli hali ni mɔgɔ si te aw nɔɔ fɛ.

Sariya 28:15

«Ne be Masaba aw ka Ala ka kuma n'a ka sariya minw bɛɛ fɔra aw ye bii, n'aw m'o mara ka ɲa, n'aw ma sɔn a ta ma, a bena kojugu minw lase aw ma, o filɛ nin ye:

Sariya 28:25

«Masaba ben'a kɛ aw juguw ka se aw kɔrɔ. Aw bena taga u kama ni sira kelen ye, ka sɔrɔ ka boli ka segi ni sira wolonwula ye. Aw ka koo bena kɛ siranyako ye jamana tɔw bɛɛ fɛ.

Sam fɔlɔ 3:11

Masaba y'a fɔ a ye ko: «Ne bena koo dɔ kɛ Isirayɛlidenw cɛma min bena digi a mɛnbagaw la.

Sam fɔlɔ 4:2

Filisiw y'u yɛrɛ labɛn kɛlɛ kama ni Isirayɛlidenw ye. U ye kɛlɛ daminɛ. U sera Isirayɛlidenw kɔrɔ ka mɔgɔ waa naani (4 000) faga kɛlɛ yɔrɔ la.