Sam fɔlɔ 26:10 - ALA KA KUMA

¹⁰ O kɔ, Dawuda y'a fɔ tugu ko: «Masaba le ben'a faga, n'a taalon sera, a bena taga, walima a bena taga kɛlɛ kɛ yɔrɔ dɔ la ka sa yen Masaba kosɔn.

Jula NT of Côte d’Ivoire

¹⁰ Dawuda ko: «Ne bɛ kari Matigi Ala ɲanaman tɔgɔ ra, ko Matigi Ala yɛrɛ kelenpe le bɛna a faga; ni a salon sera, a bɛna sa a yɛrɛ ma, walama a bɛna taga sa kɛrɛ dɔ le ra.

Sam fɔlɔ 26:10 Iomraidhean Croise

Damina 47:29

Yakuba y'a lɔn ko a saya tuma surunyana minkɛ, a y'a deen Yusufu wele k'a fɔ a ye ko: «N'o y'a sɔrɔ ne koo ka di e ye, e k'i ka ɲumanya n'i ka kantigiya yira ne la, k'i bolo don ne woto kɔrɔ k'a yira ko i b'i daa di ko i tena ne suu don Ezipiti jamana na.

Ayuba 14:14

Adamaden min sara, o be se ka kunun tugu wa? Ne tun bena muɲu ka kɔnɔni kɛ n ka baarawaati la, fɔɔ ne nɔtawaati ka se.

Ayuba 14:5

Adamaden sii daan lɔnin lo, ele Ala yɛrɛ le y'a sii kaloda latigɛ, a te se ka tɛmɛ min kan.

Ayuba 7:1

«Adamaden ta ye tɔɔrɔ le ye a sii kɔnɔ dugukolo kan, a ka loonw be i ko baaraden ta.

Zaburu 37:10

Yanni dɔɔni, mɔgɔjugu bena tunu. E ben'a ɲini, i ten'a ye tugu.

Zaburu 37:13

Matigi be yɛlɛ a ma, bari Matigi ɲaa b'a ka tɔɔrɔlon nata la.

Zaburu 94:23

A bena u ka kojuguw juru sara u ye. A bena u halaki u ka kojugu kosɔn. Tiɲɛ na, Masaba an ka Ala bena u halaki.

Waajurikɛbaga 3:2

Deen wolo waati be yen, a sawaati fana be yen. Yiri tutuwaati be yen, a bɔnwaati fana be yen.

Luka 18:7

Ayiwa, Ala ye minw woloma k'u kɛ a ta ye, ni olu be dɛmɛ ɲini a fɛ suu ni tile, yala a bena mɛn k'u dɛmɛ wa?

Rɔmukaw 12:19

Ne teriw, aw kana aw mɔnɛ bɔ, aw k'o to Ala ma, bari a fɔra Ala ka kuma na ko: «Mɔnɛbɔko ye ne ta ye, ne le be juru sara.» Matigi ko ten.

Sariya 31:14

Masaba y'a fɔ Musa ye ko: «I satuma surunyana. Zozuwe wele, aw ka na ɲɔgɔn fɛ Ɲɔgɔnkunbɛn fanibugu la. N bena n ka ciiw fɔ a ye.» O la, Musa ni Zozuwe tagara Ɲɔgɔnkunbɛn fanibugu la.

Sariya 32:35

N'u benlon nana se, ne le ka kan ka mɔnɛ bɔ, ne bena u sara. U ka lonjugu sera. Min labɛnna u kama, o tena mɛn n'o ma kɛ.»

Heburuw 10:30

Bari, min y'a fɔ ko: «Ne le ka kan ka mɔnɛ bɔ, ne bena u sara,» an b'o tigi lɔn. A y'a fɔ tugu ko: «Ne Matigi le bena n ka mɔgɔw kiti.»

Heburuw 9:27

Adamadenw be sa siɲɛ kelenpe cogo min na, Ala be sɔrɔ k'u kiti,

Yirari 18:8

O kama, dugu mɔgɔw bena tɔɔrɔ dɔw sɔrɔ tile kelen kɔnɔ. U bena banajugu sɔrɔ, sanga bena bɔ u fɛ, kɔngɔ bena don u fɛ. Tasuma bena dugu jɛni. O bɛɛ bena kɛ bari Matigi Ala min b'a ɲaa gwanna, see b'o ye.»

Sam fɔlɔ 24:12

N faa a filɛ sa, i ka foroca dagolo filɛ ne bolo la. Ne y'i ka foroca dagolo tigɛ, ne ma i faga. I k'a lɔn ka l'a la ko ne te kojugu si labɛnna i kama, ne fana te murutibaga ye, ne fana ma i hakɛ ta koo si la. Nga ele kɔni, e be tugura ne kɔ ka ne fagayɔrɔ ɲini.

Sam fɔlɔ 24:15

Isirayɛlidenw ka masacɛ nana jɔn le kama? I be tugura jɔn le kɔ? Wulusu wa? Walima tɛtɛ?

Sam fɔlɔ 25:26

Ne matigi, Masaba kosɔn, n'i yɛrɛ kosɔn, Masaba yɛrɛ le y'i bali ka mɔgɔ faga ani k'i yɛrɛ mɔnɛ bɔ i yɛrɛ ka fanga barika la. I jugu minw b'a fɛ ka kojugu kɛ i la, fɛɛn min be Nabali sɔrɔ, o ɲɔgɔn k'olu fana sɔrɔ.

Sam fɔlɔ 25:38

Tile tan ɲɔgɔn tɛmɛnin kɔ, Masaba ye Nabali faga.

Sam fɔlɔ 25:39

Dawuda y'a mɛn ko Nabali sara. A y'a fɔ ko: «Ne be barika la Masaba ye kosɔbɛ, ale min ye ne bali Nabali ka kɛwalijugu tuma na, ne ma kojugu kɛ. A y'a kɛ Nabali ka juguya benn'a yɛrɛ kunna.» O kɔ, Dawuda ye mɔgɔw bila ka ta'a fɔ Abigayɛli ye ko ale b'a fɛ a ka kɛ a muso ye.

Sam fɔlɔ 31:4

Sayuli y'a fɔ a ka kɛlɛkɛminanw tabaga ye ko a ka murujan bɔ k'ale faga janko kɛnɛkɛnɛbali nunu kana ale minɛ ka tolon kɛ ale la. Nga cɛɛ nin ma sɔn, bari a tun siranna kosɔbɛ. O la, Sayuli ye murujan juu tutu k'a yɛrɛ bila ka ben a kan.

Sam fɔlɔ 31:6

A kɛra ten, Sayuli n'a dencɛ saba n'a ka kɛlɛkɛminanw tabaga, ani a ka mɔgɔw bɛɛ sara o loon kelen na.