Sam fɔlɔ 24:12 - ALA KA KUMA

¹² N faa a filɛ sa, i ka foroca dagolo filɛ ne bolo la. Ne y'i ka foroca dagolo tigɛ, ne ma i faga. I k'a lɔn ka l'a la ko ne te kojugu si labɛnna i kama, ne fana te murutibaga ye, ne fana ma i hakɛ ta koo si la. Nga ele kɔni, e be tugura ne kɔ ka ne fagayɔrɔ ɲini.

Jula NT of Côte d’Ivoire

¹² Ne facɛ, ele yɛrɛ y’a flɛ kɛ! I ta deregeba senkɔrɔyɔrɔ tigɛnin flɛ nin ye ne boro. Ni ne ka i ta deregeba senkɔrɔyɔrɔ tigɛ ka i yɛrɛ to yi, ne ma i faga, i yɛrɛ ka kan k’a jate mina k’a lɔn ko juguya si tɛ ne kɔnɔ, ne fana t’a fɛ ka muruti i kama, ne fana ma kojugu si kɛ i ra, k’a sɔrɔ ele bɛ ne gbɛnna ko i bɛ ne faga.

Sam fɔlɔ 24:12 Iomraidhean Croise

Damina 16:5

Sarayi y'a fɔ Abramu ye ko: «Ele le kɛra sababu ye tɔɔrɔ nin ye ne sɔrɔ gwansan. Ne le ye n ka jɔnmuso d'i ma. Sisan a y'a ye ko a kɔnɔman lo minkɛ, a te ne jatira tugu. Masaba le bena ne ni ele bɔ ɲɔgɔn na.»

Damina 31:53

Ibrayima ka Ala, ni Nawɔri ta, n'u faa ka Ala ka kiti tigɛ an ni ɲɔgɔn cɛ.» Yakuba faa Isiyaka tun be siran Ala min ɲa, Yakuba kalila ale tɔgɔ la.

Sam 2nan 22:48

Ala le be ne mɔnɛ bɔ, ale lo be siyaw kolo ne ye.

Lok fɔlɔ 12:18

Dawuda bɔra k'u kunbɛn k'a fɔ u ye ko: «Ni hɛrɛ kama lo aw be nana ne fɛ, ani ka na ne dɛmɛ, ne sɔnna aw ma. Nga n'a kɛra ko aw nana janko ka ne namara, ka n di n juguw ma, k'a sɔrɔ n ma kojugu kɛ, an faaw ka Ala ɲaa b'aw la. Ale k'an bɔ ɲɔgɔn na.»

Ayuba 5:8

Ni ne tun lo, ne tun bena n ɲaa sin Ala le ma, ne tun bena n ka koo ɲafɔ Ala le ye.

Zaburu 35:1

Dawuda ka dɔnkili dɔ. Masaba, kɛ ne juguw kɛlɛbaga ye, ne kɛlɛbagaw kɛlɛ.

Zaburu 43:1

Ala, ne ka tiɲɛ fɔ. Ne tanga mɔgɔjuguw ma. Ne kisi galontigɛlaw ni kojugukɛlaw ma.

Zaburu 94:1

Masa Ala, mɔnɛbɔbaga, i yɛrɛ yira Ala, mɔnɛbɔbaga.

Rɔmukaw 12:19

Ne teriw, aw kana aw mɔnɛ bɔ, aw k'o to Ala ma, bari a fɔra Ala ka kuma na ko: «Mɔnɛbɔko ye ne ta ye, ne le be juru sara.» Matigi ko ten.

Piy fɔlɔ 2:23

U tun y'a nɛni tuma min na, a ma sɔn k'u nɛni. U tun b'a tɔɔrɔla tuma min na, a ma kumajugu fɔ u ye. Nga, a y'a ta to Ala ma dɔrɔn, ale min be kiti tigɛ ka tilen.

Yirari 6:10

Olu y'u kaan kɔrɔta k'a fɔ ko: «Matigiɲuman, e min tilennin lo, ani e be tiɲɛ fɛ, e be waati jumɛn le kɔnɔna ka diɲɛ mɔgɔw kiti k'u ɲaa gwan? Bari u tun ye anw faga.»

Kititigɛbagaw 11:27

Ne ma i hakɛ ta, e do be kojugu kɛra ne la ka kɛlɛ ɲini ne fɛ. Masaba tiɲɛfɔla ka Isirayɛlidenw ni amoniw faran ka bɔ ɲɔgɔn na bii.»

Sam fɔlɔ 20:1

Dawuda bɔra Nayɔti, Arama gɛrɛfɛ ka boli ka taga Zonatan fɛ, k'a fɔ a ye ko: «Ne ye mun kɛ? Ne ye mun le cɛn, walima ne y'i facɛ hakɛ ta koo jumɛn le la, n'a be ne fagayɔrɔ ɲinina?»

Sam fɔlɔ 24:15

Isirayɛlidenw ka masacɛ nana jɔn le kama? I be tugura jɔn le kɔ? Wulusu wa? Walima tɛtɛ?

Sam fɔlɔ 26:23

Masaba le bena an kelen kelen bɛɛ sara ka kɛɲɛ n'a ka tilenninya n'a ka ɲumanya ye. Masaba tun y'i di ne ma bii, nga ne ma sɔn k'a ka mɔgɔ wolomanin faga.