Sam fɔlɔ 23:6 - ALA KA KUMA

⁶ Ayimelɛki dencɛ Abiyatari tun be bolila ka taga Dawuda fɛ Keyila tuma min na, a tun ye sarakalasebagaw kuntigi ka fani ta a bolo.

Jula NT of Côte d’Ivoire

⁶ Wagati min na Ahimelɛki dencɛ Abiyatari tun borira ka taga Dawuda fɛ Keyila, a tun tagara ni saninderege ye a boro.

Sam fɔlɔ 23:6 Iomraidhean Croise

Mas fɔlɔ 2:26

Masacɛ y'a fɔ sarakalasebaga Abiyatari ye ko: «Bɔ ka taga Anatɔti, i ka yɔrɔ la, bari, i ka kan ka faga yɛrɛ le. Nga, i ye Matigi, Masaba ka layidu taamasiɲɛ kɛsu ta ne facɛ Dawuda ka waati la minkɛ, an'i sigɛnna fana ni ne facɛ ye, o kama n b'i to.»

Bɔri 28:6

«A to baaralɔnbaga ɲanaman dɔ ka sarakalasebagaw kuntigi ka fani dan ni jese kɔlɔbolaman, ni jese wulenman, ani jesewulen cɔncɔn, ni jese ɲanaman ye, ka sanu kɛ a la.

Sam fɔlɔ 14:18

A y'a fɔ Aya ye ko a ka Ala ka layidu taamasiɲɛ kɛsu ta ka na n'a ye. O y'a sɔrɔ kɛsu nin tun be Isirayɛlidenw fɛ o tuma na.

Sam fɔlɔ 14:3

Eli min tun ye sarakalasebaga ye Silo, ale ka deen Pinasi ka deen Ikabɔdi kɔrɔcɛ Ayitubi dencɛ Aya tun ye sarakalasefani don. Jama tun m'a lɔn ko Zonatan tagara.

Sam fɔlɔ 22:20

Ayitubi dencɛ Ayimelɛki dencɛ kelen le sera ka boli u fɛ, ka taga Dawuda fɛ, a tɔgɔ tun ko Abiyatari.

Sam fɔlɔ 23:2

Dawuda ye Masaba ɲininga ko ale ka kan ka taga wa, ko ale bena se filisi nunu kɔrɔ wa. Masaba y'a jaabi ko a ka taga, ko a bena se u kɔrɔ ka Keyilakaw kisi.

Sam fɔlɔ 23:5

O la, Dawuda tagara n'a ka jama ye Keyila ka filisiw kɛlɛ. A y'u ka begɛnw minɛ ka segi n'u ye. A kɛra ten, a ye see sɔrɔ u kan kosɔbɛ, ka Keyilakaw kisi.

Sam fɔlɔ 23:7

Sayuli y'a mɛn ko Dawuda be Keyila tuma min na, a y'a fɔ ko Ala y'a di ale ma, ko bari a nan'a yɛrɛ datugu dugu kɔnɔ min lamininin lo ni kogo ye, a daaw fana be tugu.

Sam fɔlɔ 23:9

Dawuda y'a mɛn ko Sayuli be kojugu le labɛnna ale kama minkɛ, a ko sarakalasebaga Abiyatari ma ko a ka na ni sarakalasebagaw kuntigi ka fani ye.

Sam fɔlɔ 30:7

A y'a fɔ sarakalasebaga Ayimelɛki dencɛ Abiyatari ye ko a ka sarakalasebagaw kuntigi ka fani ta ka na n'a ye. Ale y'o ta ka n'a di Dawuda ma.