Sam fɔlɔ 23:4 - ALA KA KUMA

⁴ Dawuda ye Masaba ɲininga tugu, Masaba y'a jaabi ko a ka taga Keyila, ko ale bena filisiw don a bolo.

Jula NT of Côte d’Ivoire

⁴ Dawuda ka Matigi Ala ɲininka tuun. Matigi Ala k’a fɔ a ye ko: «Wuri, aw ye taga Keyila, sabu ne bɛna Filisikaw don i boro.»

Sam fɔlɔ 23:4 Iomraidhean Croise

Sam 2nan 2:1

O koo nunu tɛmɛnin kɔ, Dawuda ye Masaba ɲininga ko: «N ka taga Zuda mara dugu dɔ la wa?» Masaba y'a jaabi ko a ka taga. A y'a fɔ tugu ko ale ka taga dugu jumɛn na. Masaba y'a jaabi ko Eburɔn dugu kɔnɔ.

Sam 2nan 5:19

Dawuda ye Masaba daali ko: «Ne ka kan ka taga filisi nunu kɛlɛ wa? E bena u don ne bolo wa?» Masaba y'a jaabi ko a ka taga, ko ale bena filisiw don a bolo, siga t'a la.

Mas 2nan 3:18

K'o yɛrɛ te foyi ye ale Masaba ɲana. Ko ale bena mowabuw don aw bolo.

Lok fɔlɔ 14:10

Dawuda ye Ala ɲininga ko: «Ne ka kan ka taga filisi nunu kɛlɛ wa? E bena u don ne bolo wa?» Masaba y'a jaabi ko a ka taga, ko ale bena u don a bolo.

Yosuwe 8:7

O tuma na, aw ka bɔ aw ka dogoyɔrɔ la, ka dugu nin minɛ, o la Masaba aw ka Ala bena dugu nin don aw bolo.

Kititigɛbagaw 6:39

Zedeyɔn y'a fɔ Ala ye tugu ko: «Kana dimi ne kɔrɔ ni n kumana tugu. A to n k'o koo sɛgɛsɛgɛ ni golo nin koo ye tugu, golo nin janin ka to, komiji ka yɛlɛ dugukolo kan.»

Kititigɛbagaw 7:7

O kɔ, Masaba y'a fɔ Zedeyɔn ye ko: «Ne bena aw kisi ka madiyanw don i bolo, mɔgɔ kɛmɛ saba nunu le barika la, minw ye jii min n'u tigɛ ye. A to mɔgɔ tɔw bɛɛ ka taga u ka yɔrɔw la.»

Kititigɛbagaw 7:9

Sufɛ, Masaba y'a fɔ Zedeyɔn ye ko: «Wili ka taga madiyanw ka sigiyɔrɔ la. Ne y'u don i bolo.

Sam fɔlɔ 10:22

U tilara ka Masaba daali tugu ko: «Mɔgɔ dɔwɛrɛ be yan tugu wa?» Masaba ko: «A dogonin be minanw jukɔrɔ.»

Sam fɔlɔ 23:2

Dawuda ye Masaba ɲininga ko ale ka kan ka taga wa, ko ale bena se filisi nunu kɔrɔ wa. Masaba y'a jaabi ko a ka taga, ko a bena se u kɔrɔ ka Keyilakaw kisi.

Sam fɔlɔ 23:3

Nga Dawuda kɔmɔgɔw y'a fɔ a ye ko: «Hali ka an to yan Zude mara la, an be siran. N'an bɔra yan ka taga filisiw kama Keyila, o bena kɛ di?»

Sam fɔlɔ 23:5

O la, Dawuda tagara n'a ka jama ye Keyila ka filisiw kɛlɛ. A y'u ka begɛnw minɛ ka segi n'u ye. A kɛra ten, a ye see sɔrɔ u kan kosɔbɛ, ka Keyilakaw kisi.

Sam fɔlɔ 28:6

A ye Masaba ɲininga. Masaba m'a jaabi, a ma kuma a fɛ siko la, a fana m'a jaabi *Urimu barika la, a ma kira si ci a ma.

Sam fɔlɔ 30:8

Dawuda ye Masaba ɲininga ko ni ale tugura jɛnkulu nin kɔ, ko a bena u sɔrɔ wa. Masaba y'a jaabi ko a ka tugu a kɔ, ko a bena u sɔrɔ ani k'a ka mɔgɔw bɔsi.