Sam fɔlɔ 22:6 - ALA KA KUMA

⁶ Sayuli y'a mɛn ko mɔgɔ dɔ be Dawuda n'a kɔmɔgɔw ka koo kala ma. O y'a sɔrɔ Sayuli tun be Gibeya, a siginin tun be tintin kan joyiri dɔ kɔrɔ. A ka taman b'a bolo, ani a ka baarakɛlaw bɛɛ lɔnin tun be a gɛrɛfɛ.

Jula NT of Côte d’Ivoire

⁶ Ayiwa, Sawuli nana a mɛn ko dɔw ka Dawuda ni a nɔfɛmɔgɔw yɔrɔ lɔn. O y’a sɔrɔ Sawuli tun siginin bɛ Gibeha dugu kɔnɔ, tintin kan, tamarisun dɔ suma ra, ni a ta taman ye a boro. A ta jamana kuntigiw tun lɔnin bɛ k’a lamini.

Sam fɔlɔ 22:6 Iomraidhean Croise

Damina 21:33

Ibrayima ye yiri dɔ tutu Bɛriseba k'o kɛ hakilijigifɛn ye koo nin na. O yiri tɔgɔ ko tamarisi. A ye Masa Ala bato yen, ale min be yen tuma bɛɛ.

Kititigɛbagaw 4:5

A tun siginin be tamarosun dɔ kɔrɔ o tun be min wele Debora ta. O tun be Arama ni Betɛli furancɛ la Efarayimu mara kuluyɔrɔ la. Isirayɛlidenw tun be to ka ta'a fɛ n'a be olu ka kitikow ɲanabɔ.

Sam fɔlɔ 14:2

Sayuli tun siginin be Gibeya dugu daan na, Migurɔn gerenadiyiri kɔrɔ. A ka kɛlɛden minw tun be n'a ye, olu tun be mɔgɔ kɛmɛ wɔɔrɔ ɲɔgɔn bɔ.

Sam fɔlɔ 18:10

O dususagwɛ, Ala y'a kɛ nii kuntan dɔ wilila Sayuli la. K'a to a ka soo kɔnɔ, a tun t'a yɛrɛ kala ma tugu. A ka taman tun b'a bolo. O y'a sɔrɔ Dawuda tun b'a ka gɔni fɔra i n'a fɔ a tun be deli k'a kɛ cogo min na.

Sam fɔlɔ 19:9

O kɔ, ka Sayuli siginin to a ka soo kɔnɔ n'a ka taman b'a bolo la, Masaba y'a kɛ nii kuntan dɔ wilil'a la. O y'a sɔrɔ Dawuda tun b'a ka gɔni fɔra.

Sam fɔlɔ 20:33

Sayuli y'a ka taman ta ko a be Zonatan faga. O la, Zonatan y'a faamu ko a facɛ tun y'a latigɛ sɔbɛ la ko a be Dawuda faga.

Sam fɔlɔ 31:13

U y'u kolow ta ka taga u don joyiri dɔ kɔrɔ Yabɛsi, ani ka suun don tile wolonwula.