Sam fɔlɔ 22:2 - ALA KA KUMA

² Mɔgɔ minw tun be gwɛlɛya la, juruw tun be minw kaan na, ani minw dusu tun cɛnnin be, olu bɛɛ nana ɲɔgɔn kunbɛn Dawuda fɛ, a kɛra olu kuntigi ye. Mɔgɔ minw tun nan'a fɛ, olu tun sera mɔgɔ kɛmɛ naani ɲɔgɔn.

Jula NT of Côte d’Ivoire

² A kɛra ten, minw bɛɛ tun ye dɛsɛbagatɔw ye, ani juruw tun bɛ minw na ni o tun tɛ sera k’a sara, ani minw bɛɛ tun jusu kasinin lo jamana ɲamɔgɔw ta kow kosɔn, olugu bɛɛ nana fara a kan; a kɛra o kuntigi ye. Mɔgɔ kɛmɛ naani ɲɔgɔn le tun bɛ ni a ye.

Sam fɔlɔ 22:2 Iomraidhean Croise

Sam 2nan 17:8

I yɛrɛ b'i facɛ n'a ka mɔgɔw lɔn. Cɛfariw lo. U ka fari i n'a fɔ waraba, u ye min deen minɛ. I facɛ be kɛlɛ ɲaa lɔn, a tena sɔn ka la sufɛ n'a ka jama ye.

Sam 2nan 5:2

Waati tɛmɛnin na, Sayuli tun ye an ka masacɛ ye, ele lo tun be to ka bila Isirayɛlidenw ɲa ka taga kɛlɛyɔrɔ la. Masaba y'a fɔ i ye ko ele le ben'a ka jama Isirayɛli mara, ko e bena kɛ an kuntigi ye.»

Mas 2nan 20:5

«Kɔsegi ka taga fɔ ne ka jama ɲamɔgɔ Ezekiyasi ye ko ne Masaba, a bɛma Dawuda ka Ala y'a ka daalilikan mɛn k'a ɲaji ye. K'o la, n ben'a kɛnɛya. Yanni tile saba, a bena taga ne Masaba ka soo la.

Mas 2nan 4:1

Loon dɔ, kiraw jɛnkulu deen dɔ ka muso bɔra ka pɛrɛn k'a fɔ Elize ye ko: «Ne cɛɛ, i ka baarakɛla sara. I y'a lɔn ko a tun be siran Masaba ɲa. Jurutigi nana ko a be na n dencɛ fila minɛ ka taga u kɛ a ka jɔɔnw ye.»

Zanaw 31:6

Mɔgɔ min be tagara sayɔrɔ, minnifɛn fariman d'a le ma. Mɔgɔ min dusu kasinin lo, duvɛn d'a le ma.

Matiyu 11:12

K'a ta Zan ka waajuli kɛtuma ma fɔɔ ka na se bii ma, mɔgɔ bɛɛ be jijara ka donyɔrɔ sɔrɔ sankolo masaya la. Ni mɔgɔ minw jijara, olu le bena don yen.

Matiyu 11:28

«Aw minw nii tɔɔrɔnin lo, ni sigɛn b'aw kan, aw ka na ne fɛ, ne bena lafiya di aw ma.

Heburuw 2:10

Ala min ye fɛɛn bɛɛ dan a yɛrɛ ye, a tun ka kan ka Kisibaga nakun dafa tɔɔrɔ barika la ka mɔgɔ caaman sama ka se a ka nɔɔrɔ yɔrɔ la.

Kititigɛbagaw 11:3

O la, Zɛfite bolil'a fadenw ɲa ka taga sigi yɔrɔjan. A tun siginin be Tɔbu jamana na. Mɔgɔkolonw tagara ɲɔgɔn lajɛn a fɛ. U tun be to ka taga cɛnni kɛ ɲɔgɔn fɛ.

Kititigɛbagaw 18:25

Dan kɔmɔgɔ nunu y'a fɔ a ye ko: «I daje! I kaan kana mɛn tugu! N'o tɛ, mɔgɔdimininw mana yɛlɛma k'i sɔrɔ, e yɛrɛ le ben'a kɛ e n'i ka soo be halaki.»

Sam fɔlɔ 1:10

A dusu tun cɛnnin be kosɔbɛ, a ye Masaba daali ni ɲaji ye.

Sam fɔlɔ 22:3

Dawuda bɔra o yɔrɔ la ka taga Misipe, Mowabu jamana na. A y'a fɔ Mowabu masacɛ ye ko: «N b'i daali ko i ka sabali ka sɔn n facɛ ni n bamuso ka sigi i ka yɔrɔ la, yanni n k'a lɔn Ala bena min kɛ n ye.»

Sam fɔlɔ 23:13

O la, Dawuda wilila n'a kɔmɔgɔw ye ka bɔ Keyila ka taga u be se ka taga yɔrɔ min na. A kɔmɔgɔ nunu tun be se mɔgɔ kɛmɛ wɔɔrɔ ɲɔgɔn ma. Sayuli y'a mɛn ko Dawuda tun bolila ka bɔ Keyila, a y'a ka taama dabila.

Sam fɔlɔ 25:13

O la, Dawuda y'a fɔ a kɔmɔgɔw ye ko u kelen kelen bɛɛ k'u ka murujanjanw siri u cɛɛ la. U y'o kɛ, Dawuda fana y'a ta siri. Mɔgɔ kɛmɛ naani ɲɔgɔn le tugura Dawuda kɔ. Mɔgɔ kɛmɛ fila tora u ka minanw kɔrɔ.

Sam fɔlɔ 30:6

Dawuda hakili ɲagamina kosɔbɛ, bari jama tun b'a fɔra k'olu b'a bon ni kabakuru ye k'a faga. U bɛɛ dusu tun cɛnna kosɔbɛ, u dencɛw n'u denmusow kosɔn. Nga Dawuda y'a yɛrɛ jaa gwɛlɛya Masaba a ka Ala barika la.

Sam fɔlɔ 9:16

«Sini nin waati nin ɲɔgɔn na, ne bena Bɛnzamɛn kɔmɔgɔw ka mara mɔgɔ dɔ ci i fɛ. I bena tulu mɔn a la, a ka kɛ ne ka jama Isirayɛli kuntigi ye. Ale lo bena ne ka jama bɔsi filisiw bolo. U kasikan sera ne ma, ne makarila u la.»