Sam fɔlɔ 20:3 - ALA KA KUMA

³ Dawuda kalila k'a fɔ Zonatan ye ko: «I faa y'a lɔn tiɲɛ na ko ne koo ka d'i ye. O la, a y'a fɔ a yɛrɛ kɔnɔ ko e man kan ka nin mɛn, bari a bena i hakili ɲagami. Nga Masaba kosɔn, ani ele fana be yen! Ne b'a fɔ ko a tora dɔɔni dɔrɔn ne be sa.»

Jula NT of Côte d’Ivoire

³ Dawuda ko: «Ne bɛ kari Matigi Ala ɲanaman tɔgɔ ra, ko i facɛ k’a lɔn cɔ ko ne ko ka di i ye. O ra, i b’a sɔrɔ ko a k’a fɔ a yɛrɛ kɔnɔ ko: ‹Yonatan man kan ka dɔ lɔn nin ko ra, ni o tɛ, a bɛna digi a ra.› O kosɔn ne bɛ kari Matigi Ala ra ko sentako kelen dɔrɔn le bɛ ne ni saya cɛ sisan.»

Sam fɔlɔ 20:3 Iomraidhean Croise

Sam 2nan 15:21

Itayi y'a fɔ masacɛ ye ko: «Masaba kosɔn, ani ka masacɛ, ne matigi to sii la! Ele masacɛ, ne matigi mana taga yɔrɔ o yɔrɔ, saya lo wo, hɛrɛ lo wo, ne, e ka baaraden be tugu e kɔ.»

Mas 2nan 2:2

Eli y'a fɔ Elize ye ko: «N b'a ɲini e fɛ e ka to yan, bari Masaba ye ne ci Betɛli.» Elize y'a fɔ a ye ko: «Masaba kosɔn, ani k'i to sii la, ne tena bɔ i kɔ!» O la, u korila ka taga Betɛli.

Mas 2nan 2:4

Eli y'a fɔ a ye tugu ko: «Elize, n b'a ɲini e fɛ e ka to yan, bari Masaba ye ne ci Zeriko.» A ye Eli jaabi ko: «Masaba kosɔn, ani k'i to sii la, ne tena bɔ i kɔ!» U korila ka taga Zeriko.

Mas 2nan 2:6

Eli y'a fɔ a ye ko: «N b'a ɲini e fɛ, e ka to yan, bari Masaba ye ne ci Zurudɛn baji daa la.» A ye Eli jaabi ko: «Masaba kosɔn, ani k'i to sii la, ne tena bɔ e kɔ!» U fila bɛɛ ye sira minɛ ɲɔgɔn fɛ.

Zaburu 116:3

Saya tun sera ne ma ka ban, lahara siranya tun ye ne minɛ. Dusukasi ni hakiliɲagami tun ye ne sɔrɔ kosɔbɛ.

Yeremi 38:16

O tuma na, masacɛ Sedesiyasi ye layidu ta Zeremi ye gundo la ko: «Masaba kosɔn, ale min be nii don an na, ne tena i faga. Mɔgɔ minw b'a fɛ k'i faga, n tena i don olu bolo.»

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Sariya 28:66

Aw bena siga aw nii koo la, siranya bena aw minɛ suu ni tile, aw bena kɔrɔtɔ aw nii koo la.

Sariya 6:13

Aw ka siran Masaba aw ka Ala ɲa, ka baara kɛ ale kelenpe ye. Aw ka kali ale tɔgɔ la.

Heburuw 6:16

Ni adamadenw k'u be kali, fɛɛn min ka bon n'u yɛrɛ ye, u b'o le tɔgɔ wele ka kɛ u seere ye, waasa u y'u daa di koo min na, sigasiga kana sɔrɔ o la.

Sam fɔlɔ 1:26

Annɛ y'a fɔ Eli ye ko: «Matigi, hakɛ to, Ala k'i mɛn an kɔrɔ. Muso min tun nana lɔ i gɛrɛfɛ yan ka Masaba daali loon dɔ, ne be tiɲɛ fɔ i ye, ne lo.

Sam fɔlɔ 17:55

Dawuda tun be taga Goliyati kɛlɛyɔrɔ la tuma min na, Sayuli y'a ye. A tun y'a fɔ kɛlɛdenw kuntigi Abinɛri ye ko: «Abinɛri, kanbelen nin ye jɔn ka deen ye?» Abinɛri ko: «N matigi, tiɲɛ na, n m'a lɔn.»

Sam fɔlɔ 20:2

Zonatan y'a fɔ a ye ko: «O te se ka kɛ, i tena sa. Bari ne facɛ te koo si kɛ n'a m'a sara ne la, a koba fara a fitini kan. Mun na ne faa bena nin dogo ne la? O te se ka kɛ.»

Sam fɔlɔ 20:4

Zonatan y'a fɔ Dawuda ye ko: «I be fɛɛn min fɛ, ne bena o kɛ i ye.»

Sam fɔlɔ 25:26

Ne matigi, Masaba kosɔn, n'i yɛrɛ kosɔn, Masaba yɛrɛ le y'i bali ka mɔgɔ faga ani k'i yɛrɛ mɔnɛ bɔ i yɛrɛ ka fanga barika la. I jugu minw b'a fɛ ka kojugu kɛ i la, fɛɛn min be Nabali sɔrɔ, o ɲɔgɔn k'olu fana sɔrɔ.

Sam fɔlɔ 27:1

Dawuda y'a miiri a yɛrɛ kɔnɔ ko loon dɔ, Sayuli bena ale sɔrɔ k'a faga, ko min ka fisa, ko ale ka kan ka bɔ ka taga filisiw ka mara la, janko Sayuli ka se k'ale ɲiniko dabila Isirayɛli jamana bɛɛ kɔnɔ. K'o la, ale bena kisi a ma.