Sam fɔlɔ 2:5 - ALA KA KUMA

⁵ Kɔngɔ tun te mɔgɔ minw na, olu be baara kɛ dumuni kosɔn. Kɔngɔ tun be mɔgɔ minw na, olu be lafiɲɛ na. Muso min tun te deen sɔrɔ, ale ye deen wolonwula wolo, min tun ye deen caaman sɔrɔ, ale te foyi sɔrɔla tugu.

Jula NT of Côte d’Ivoire

⁵ Minw tun fanin lo, olugu bɛ baara ɲinina ka o ta baro sɔrɔ; k’a sɔrɔ kɔngɔtɔw ta kɔngɔ banna. Muso denworobari ka den wolonfla sɔrɔ, k’a sɔrɔ denworomuso ta densɔrɔ lalɔra.

Sam fɔlɔ 2:5 Iomraidhean Croise

Zaburu 113:9

A be soɲuman di muso wolobali ma. A b'a kɛ woloba ye k'a nisɔn diya. Masaba ka tanu.

Zaburu 34:10

Aw minw ye Masaba ta ye, aw ka siran a ɲa, bari foyi te dɛsɛ a ɲasiranbaga la.

Ezayi 33:9

Dusukasi be jamana kɔnɔ, a be nagasira. Liban yiriw be fɔnsɔnfɔnsɔnna. Sarɔn kɔkɛnɛ kɛra i ko kongokolon, *Basan mara ni Karimɛli kulu yiriw furaburuw burunna.

Ezayi 54:1

«Nisɔndiyapɛrɛnkan bɔ, Zeruzalɛmu, e muso wolobali! Ele min tun te deen sɔrɔla tugu. Pɛrɛn! Nisɔndiyamankan ci, ele min tun te deen wolola tugu, bari gwalemuso deenw cayara ni baaramuso taw ye.» Masaba ko ten.

Yeremi 15:9

Deen cɛman wolonwula tun be muso min fɛ, ale bena nagasi, a ninakili bena degun. Suu bena ko ale fɛ k'a sɔrɔ tilefɛ lo. A bena maloya, a kuun bena surun. Mɔgɔ tɔɔ minw tora, ne bena u juguw bila u la ni murujan ye.» Masaba le ko ten.

Luka 1:53

A ye fɛnɲuman caaman di kɔngɔtɔw ma ka fɛntigiw bololakolon bila ka taga.

Luka 16:25

«Nga Ibrayima y'a fɔ a ye ko: ‹N deen, e yɛrɛ y'a lɔn ko k'i to diɲɛ na, i tun be ɲasuma na, ni Lazari be sigɛn na. Sisan, Lazari fana be ɲasuma na, e be sigɛn na.

Galasikaw 4:27

Bari a fɔra Ala ka kuma na ko: «E muso wolobali, e ka nisɔndiya. Ele min ma denwolo tɔɔrɔ lɔn, e ka nisɔndiya kosɔbɛ, bari gwalemuso deenw bena caya ka tɛmɛ baaramuso taw kan.»

Ruti 4:15

Deen nin bena i dusu saalo, ka kɛ i dɛmɛbaga ye n'i kɔrɔla tuma min na. Bari i biranmuso i koo ka di min ye haali ale ye deen sɔrɔ, o biranmuso nin ka fisa i fɛ ni dencɛ wolonwula ye.»

Sam fɔlɔ 1:20

O saan nin kɔnɔ, Annɛ ye kɔnɔ ta ka dencɛ wolo. A y'a tɔgɔ la ko Samuyɛli, ko bari ale y'a daali Masaba fɛ.

Sam fɔlɔ 1:6

Annɛ sinamuso tun be to k'a darabɔ janko a ka dimi, bari Masaba tun y'a kɛ deen sɔrɔbali ye.