Sam fɔlɔ 2:3 - ALA KA KUMA

³ Aw kana yɛrɛboɲakuma fɔ tugu, wansokuma kana bɔ aw daa la tugu. Masaba ye Ala ye, a be koo lɔn, ale lo be kɛwaliw filɛ.

Jula NT of Côte d’Ivoire

³ «Aw ye yɛrɛbonya kumaw dabla, Aw kana wasoyakumaw bɔ aw da ra tuun; sabu Matigi Ala ye Ala le ye, min bɛ fɛn bɛɛ lɔn. A bɛ bɛɛ ta kɛwalew lɔn.

Sam fɔlɔ 2:3 Iomraidhean Croise

Mas fɔlɔ 8:39

k'i to i sigiyɔrɔ la sankolo la, mɛnni kɛ ka yafa u ma, k'u dɛmɛ ka kɛɲɛ n'u kelen kelen bɛɛ ka kɛtaw ye, e min b'u bɛɛ kɔnɔnako lɔn. Bari ele kelen le be adamadenw bɛɛ kɔnɔnakow lɔn.

Ayuba 31:6

Ala yɛrɛ ka ne sɛgɛsɛgɛ ni tilenninya ye, a bena n ka mɔgɔɲumanya ye.

Zaburu 147:5

An Matigi ka bon, barika b'a la haali. Daan t'a ka lɔnniya la.

Zaburu 17:10

U te makari fewu. U ka kuma ye yɛrɛboɲakuma ye.

Zaburu 31:18

Masaba, e kana ne maloya e daalituma na ne fɛ. Mɔgɔjuguw maloya, a to u kana se ka foyi fɔ, fɔɔ u ka taga se lahara.

Zaburu 44:21

N'a kɛra ko an le ɲinɛna an ka Ala kɔ, n'a kɛra ko an ye batofɛn wɛrɛ le daali,

Zaburu 75:5

Ne ko yɛrɛboɲabagaw ma: ‹Aw kana aw yɛrɛ boɲa tugu.› Ne ko mɔgɔjuguw ma: ‹Aw ka yɛrɛboɲa ser'a daan na.›

Zaburu 94:4

U be kumababaw fɔra, kojugukɛla nunu bɛɛ b'u yɛrɛ boɲa.

Zanaw 16:2

Mɔgɔ ka kɛwaliw bɛɛ ka ɲi a yɛrɛ ɲana, nga Masaba le be mɔgɔw kɔnɔnakow cogoya lɔn.

Zanaw 24:12

N'i ko: «A filɛ! Ne tun ma bɔ a kala ma!», o tuma, mɔgɔw kɔnɔnako lɔnbaga m'o faamu wa? Ale min b'i tanga, a b'a lɔn do. A bena mɔgɔ kelen kelen bɛɛ ka kɛta sara.

Zanaw 8:13

Ka siran Masaba ɲa, o kɔrɔ ko i ka kojugu goya i yɛrɛ ye. Yɛrɛboɲa, yada, kojugu, dajugu, olu koo ka go ne ye.

Ezayi 26:7

Masaba, i be siratilennin don mɔgɔtilennin seen kɔrɔ, i ye o sira min labɛn a ye.

Ezayi 37:23

I ye jɔn le nɛni k'a tɔgɔ cɛn? I y'i kaan kɔrɔta jɔn kama? I y'i ɲaa don jɔn la yɛrɛboɲa fɛ? I y'o kɛ ne le la, Isirayɛli ka Ala.

Yeremi 17:10

«Ne Masaba le be mɔgɔ kɔnɔnako n'a ka miiriya sɛgɛsɛgɛ. Ne le be mɔgɔ kelen kelen bɛɛ sara ka kɛɲɛ n'a taamacogo, n'a ka kɛwaliw ye.»

Ezekiyɛli 35:13

Aw kumana ne fɛ ni ɲadonya ye, aw ye kumajugu fɔ ne koo la. Ne yɛrɛ le y'o mɛn!›

Daniyɛli 5:27

Tekɛli kɔrɔ ko: sumani kɛ. O kɔrɔ ko u y'i suma kilo kan, u y'a ye ko i man gwili kosɔbɛ.

Malaki 3:13

Masaba ko: «Aw be minw fɔra ne ka koo la, o ka jugu. Aw be tila k'a fɔ ko: ‹An ye mun le fɔ ɲɔgɔnw ye i ka koo la?›

Heburuw 4:12

Ala ka kuma ɲanaman lo, fanga b'a la. A ka fari ni muru faan fila dadiman ye. A be don mɔgɔ dusu la fɔɔ ka nii faran ka bɔ adamadenya la, ani ka kolo ni sɛnmɛ bɔ ɲɔgɔn na. A be mɔgɔ ka miiri, n'a kɔnɔnako bɛɛ sɛgɛsɛgɛ k'u lɔn.

Yosuwe 22:22

«Setigi Ala, Masaba! Setigi Ala, Masaba b'a lɔn, ani Isirayɛlidenw ben'a lɔn fana. Ni murutiko lo, walima ni kojugu lo n'an y'a kɛ Masaba la, a kana an to bii.

Yirari 2:23

N bena saya lase a deenw ma, o la Krista ka jama bɛɛ ben'a lɔn ko ne le be mɔgɔ bɛɛ kɔnɔnako n'u ka ŋaniyaw lɔn. N bena aw kelen kelen bɛɛ sara ka kɛɲɛ n'aw ka kɛwaliw ye.

Kititigɛbagaw 9:38

Zebuli y'a jaabi ko: «I ka dabayakuma kuun kɛra jumɛn ye? E min tun b'a fɔra ko Abimelɛki ye jɔn ye n'an bena baara kɛ ale ye. E tun be jama min lɔgɔbɔra, o tɛ wa? Wili ka taga o kunbɛn ka kɛlɛ kɛ n'u ye sa!»

Sam fɔlɔ 16:7

Nga Masaba y'a fɔ a ye ko: «I kan'a filɛ a ɲada ma n'a ka jaɲa ma, bari ne banna ale la. Mɔgɔ be fɛɛn min jati, ne, Masaba te o jati. Mɔgɔ b'a tɔɲɔgɔn filɛ a ɲaa ma dama, nga ne, Masaba be dusu le filɛ.»