Sam fɔlɔ 2:25 - ALA KA KUMA

²⁵ Ni mɔgɔ dɔ y'a tɔɲɔgɔn hakɛ ta, Ala le b'o ɲanabɔ. N'a do ye Masaba hakɛ ta, jɔn le bena sabali kɛ a la?» U ma sɔn ka mɛnni kɛ u faa fɛ, bari Masaba tun b'a fɛ k'u faga.

Jula NT of Côte d’Ivoire

²⁵ Ni mɔgɔ dɔ ka mɔgɔ wɛrɛ hakɛ ta, Ala le bɛ se ka soronari kɛ o fla cɛ. Nka ni mɔgɔ ka Ala yɛrɛ hakɛ ta, jɔn wɛrɛ le bɛna sɔrɔ ka Ala sorona o tigi ye?» Ayiwa, o bɛɛ n’a ta, Eli dencɛw ma o facɛ ta kuma lamɛn, sabu Matigi Ala tun ka o fagako latigɛ ka ban.

Sam fɔlɔ 2:25 Iomraidhean Croise

Damina 38:10

A ye min kɛ, o tun ka jugu Masaba ɲakɔrɔ, o la, a y'ale fana faga.

Damina 38:7

Ɛri tun ka jugu Masaba ɲakɔrɔ, o la, Masaba y'a faga.

Mas fɔlɔ 8:31

«Ni mɔgɔ dɔ y'a tɔɲɔgɔn hakɛ ta, n'u y'a wajibiya ko a ka kali, n'a tigi nana kali sarakabɔyɔrɔ nin ɲafɛ, i ka soo kɔnɔ,

Mas fɔlɔ 8:32

k'i to sankolo la, i ka mɛnni kɛ. I ka kiti tigɛ i ka baarakɛlaw cɛ, koo cɛnna min fɛ, i k'ale jalaki, a ka lɔ n'a ka baarajugu kunko ye. I ka mɔgɔɲuman ka tiɲɛ d'a ma.

Lok 2nan 10:15

A kɛra ten, masacɛ ma sɔn ka mɛnni kɛ jama fɛ, bari Ala le y'a kɛ ten janko a tun ye kuma min fɔ kira Ayiya ye ka bɔ Silo ko a k'a fɔ Nebati dencɛ Zerobowamu ye, o ka kɛ.

Lok 2nan 25:16

K'a to kuma na, Amaziyasi y'a fɔ a ye ko: «An y'i sigi k'i kɛ masacɛ ladibaga ye wa? I daa tugu! Mun na i b'a fɛ u k'i bugɔ?» O la, kira nin y'a ka kuma laban ko: «Ne y'a lɔn ko Ala le y'a latigɛ ko a bena i halaki, bari, e ye nin kɛ, e ma sɔn ne ka ladili ma fana.»

Ayuba 9:33

Ni mɔgɔ dɔ tun be yen k'an bɔ ɲɔgɔn na, min ben'a bolo la an fila kan,

Zaburu 51:16

Ala, ne kisibaga Ala, mɔgɔfaga kunko bɔ ne kan, ne ka se k'i ka tilenninya fɔ ni nisɔndiya ye.

Zaburu 51:4

E ka ne ko ka n ka fili nɔgɔ bɔ n na pewu. Ne ka hakɛ yafa ne ma, ka n saniya.

Zanaw 13:1

Deen hakiliman b'a faa ka fɔta bato. Nga deen tulogwɛlɛn mako te ladili si la.

Zanaw 15:10

Ɲagwan ye sira bilabagaw ta ye. Ladili gwɛlɛman ka go mɔgɔ min ye, o tigi bena sa.

Zanaw 29:1

Mɔgɔ min te sɔn ka ye ladili ma, o tigi bena bari ka halaki, fura tena sɔrɔ a la.

Waajurikɛbaga 3:3

Mɔgɔ fagawaati be yen, a furakɛwaati fana be yen. Fɛɛn ciwaati be yen, a lɔwaati fana be yen.

Jateri 15:30

Nga mɔgɔ o mɔgɔ, dugulen fara lonan kan, n'a tugura ka kojugu kɛ, o tigi ye ne Masaba hakɛ ta, a ka kan ka gwɛn ka bɔ a ka mɔgɔw cɛma.

Sariya 1:17

Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Sariya 2:30

Nga Ɛsibɔn masacɛ Siŋɔn tun ma sɔn an ka tɛmɛ a ka mara kɔnɔ, bari Masaba aw ka Ala y'a kɛ a y'a dusu gwɛlɛya kosɔbɛ, janko ka se k'a don aw bolo i n'a fɔ aw ɲaa b'a la cogo min na bii.

Tim fɔlɔ 2:5

Bari Ala kelen le be yen, ani soronanikɛla kelen dama le be yen Ala ni mɔgɔw cɛ. O ye Yezu Krista ye, min ye mɔgɔ ye.

Heburuw 10:26

An minw be tiɲɛ lɔn ka ban, n'an be to ka tugu ka hakɛ kɛ, saraka wɛrɛ te yen min be se ka hakɛw yafa.

Heburuw 10:27

Siranyako le tora sisan, o ye kiti ni tasumaba ye minw bena Ala juguw halaki.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Yosuwe 11:20

Bari Masaba le tun y'a kɛ siya nunu y'u jaa gwɛlɛya ka kɛlɛ kɛ ni Isirayɛlidenw ye, janko Isirayɛlidenw k'u halaki pewu, u kana makari u la, u k'u halaki pewu i ko Masaba tun y'a fɔ Musa ye cogo min na.

Sam fɔlɔ 3:14

O le y'a to ne y'a fɔ k'a gwɛlɛya a ka soo kama ko a ka somɔgɔw ka kojugu nin tena yafa sarakaw barika la, walima boɲafɛn barika la abada.»