Sam fɔlɔ 2:18 - ALA KA KUMA

¹⁸ Samuyɛli kɔni, ale tora ka baara kɛ Masaba ye. Sarakalasefani tun be deen nin kaan na, min dilanna ni jeseɲuman ye.

Jula NT of Côte d’Ivoire

¹⁸ Samawilu kɔni tun bɛ baara kɛra Matigi Ala ɲa kɔrɔ; denmisɛn tun lo; a tun ka saninderege dɔ le don, min tun lalagara ni lɛnfani ye.

Sam fɔlɔ 2:18 Iomraidhean Croise

Sam 2nan 6:14

Dawuda tun be dɔɔn kɛ n'a barika bɛɛ ye Masaba ɲakɔrɔ. A tun y'a yɛrɛ cɛɛ dama siri ni faniɲuman dɔ ye.

Lok fɔlɔ 15:27

Foroca ɲanaman tun be Dawuda kaan na, o ɲɔgɔn le tun be kɛsu nin tabagaw bɛɛ kaan na fana, ani dɔnkililabagaw, ni Kenaniya fana, min tun ye kɛsu nin tabagaw kuntigi ye. Sarakalasebagaw ka cɛsirifani dɔ tun be Dawuda cɛɛ la.

Bɔri 28:4

U ka kan ka fani minw dilan, olu filɛ nin ye: disilafani, ni sarakalasebagaw kuntigi ka fani, ani forocadennin, ni forocaba kansɔgɔnin, ni kunmelekefani ni cɛsirilan. U ka sarakalasefani nunu dilan i kɔrɔcɛ Arɔn n'a deenw ye, janko u ka se ka sarakalasebaara kɛ ne ye.

Sarakalasebagaw 8:7

A ye forocaba don Arɔn na, k'a cɛɛ siri n'o cɛsirilan ye, ka forocadennin l'a kan, ka sarakalasebagaw kuntigi ka fani don a la, k'a cɛɛ siri n'o cɛsirilan ye.

Sam fɔlɔ 14:3

Eli min tun ye sarakalasebaga ye Silo, ale ka deen Pinasi ka deen Ikabɔdi kɔrɔcɛ Ayitubi dencɛ Aya tun ye sarakalasefani don. Jama tun m'a lɔn ko Zonatan tagara.

Sam fɔlɔ 2:11

O kɔ, Ɛlikana kɔsegira ka ta'a ka soo Arama. Samuyɛli tora ka baara kɛ Masaba ye sarakalasebaga Eli gɛrɛfɛ.

Sam fɔlɔ 2:28

Ko ale y'a woloma k'a bɔ Isirayɛlidenw bɛɛ cɛma janko a ka kɛ ale ka sarakalasebaga ye, ka to ka yɛlɛ ale ka sarakabɔyɔrɔ kan, ka wusulan jɛni, ani ka sarakalasebagaw kuntigi ka fani don a ɲakɔrɔ. Ko ale ye Isirayɛlidenw ka sarakasogo jɛnita bɛɛ d'a ma.

Sam fɔlɔ 22:18

O la, masacɛ y'a fɔ Dowɛgi ye ko ale ka na sarakalasebaga nunu faga. Edɔmucɛ Dowɛgi y'u faga. A ye sarakalasebaga bi seegi ni duuru faga o loon na minw tun be se ka sarakalasefani don.

Sam fɔlɔ 3:1

Kanbelennin Samuyɛli kɔni, ale tun be baara kɛra Masaba ye Eli gɛrɛfɛ. O tuma na, Masaba tun te to ka kuma u fɛ tuma bɛɛ, a tun te foyi yira u la tuma caaman fana.