Sam fɔlɔ 2:12 - ALA KA KUMA

¹² Eli ka deenw tun ye mɔgɔkolonw ye. U tun te Masaba lɔn.

Jula NT of Côte d’Ivoire

¹² Eli dencɛw tun ye mɔgɔ sɔnkolon dɔw le ye. O tun tɛ Matigi Ala bonya.

Sam fɔlɔ 2:12 Iomraidhean Croise

Mas fɔlɔ 21:10

K'o kɔ, u ka mɔgɔjugu fila dɔ sigi a ɲafɛ, k'u kɔnɔnasu a kama, u k'a fɔ ko a ye Ala nɛni, ka masacɛ danga. K'o kɔ, u k'a minɛ ka taga n'a ye dugu kɔfɛ, k'a bon ni kabakuruw ye k'a faga.

Mas fɔlɔ 21:13

Mɔgɔjugu fila nana sigi Nabɔti ɲafɛ, k'a fɔ jama ɲana ko: «Nabɔti ye Ala nɛni, ka masacɛ danga.» O kɔ, u ye Nabɔti minɛ ka taga n'a ye dugu kɔfɛ k'a bon ni kabakuruw ye k'a faga.

Yeremi 2:8

Sarakalasebagaw ma u yɛrɛ ɲininga ko: ‹Masaba be min?› Sariya lɔnbagaw ma ne lɔn. Ɲamɔgɔw murutira ne ma. Kiraw kumana *Baali tɔgɔ la, u tugura fɛɛn fufafuw kɔ.

Yeremi 22:16

A tun be janto fantanw ni dɛsɛbagatɔw ka koo la k'o ɲanabɔ. O la, a ka koo bɛɛ tun be ɲa. O le te ne lɔnbaga cogo ye wa? Ne Masaba le ko ten.

Yeremi 9:3

Bɛɛ k'a yɛrɛ kɔlɔsi a teri la, mɔgɔ si kana la a balima la. Bari balima bɛɛ ye janfamɔgɔ le ye, teri bɛɛ b'a fɛ ka galon tigɛ ka mɔgɔ tɔgɔ cɛn.

Yeremi 9:6

O la, Masaba, Setigi ko: «Ne bena u sɛgɛsɛgɛ k'u sɛnsɛn. N'o tɛ, ne bena mun le kɛ u ka juguya kama?

Ezekiyɛli 22:26

A sarakalasebagaw te ne ka sariya bato, u be ne ka sigiyɔrɔw nɔgɔ. U te fɛɛn senumanw faranfasi ka bɔ tɔw la. U te fɛɛn saniyanin ni fɛɛn nɔgɔninw faranfasi ka yira mɔgɔw la. U te ne ka lafiɲɛlonw bato, ne ka kan ni boɲa min ye, ne t'o sɔrɔ mɔgɔ si fɛ.

Yuhana 16:3

U bena o baara sugu nunu kɛ bari u te ne lɔn, u te n Faa fana lɔn.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 8:55

K'a sɔrɔ aw do t'a lɔn. Ne kɔni b'a lɔn. Ni ne y'a fɔ ko n t'a lɔn, an bɛɛ be kɛ kelen ye, ne fana be kɛ galontigɛla ye. Nga, ne b'a lɔn, n b'a ka kuma bato fana.

Rɔmukaw 1:21

Bari u ye Ala lɔn, nga u ma sɔn k'a bato i n'a fɔ Ala, ani u ma sɔn ka barika la a ye a cogo la. U filila u ka miiriyaw la ka kɛ nalomanw ye ka tunu dibi la.

Kor 2nan 6:15

Bɛɛn jumɛn le be sɔrɔ Krista ni Sutana cɛ? Min lara Krista la ni min ma l'a la, jɛnɲɔgɔnya jumɛn bɛ sɔrɔ olu ni ɲɔgɔn cɛ?

Sariya 13:13

«Masaba aw ka Ala be dugu minw dira aw ma ka kɛ aw ka sigiyɔrɔ ye, n'aw y'a mɛn olu dɔ kɔnɔ

Sariya 13:14

ko mɔgɔkuntan dɔw b'aw cɛma minw y'u ka dugu mɔgɔw bila fɛɛn wɛrɛw batoli la, aw te minw lɔn,

Kititigɛbagaw 19:22

K'u to dumuni na, dugumɔgɔkolonw nana soo lamini, ka daa gosi kosɔbɛ, k'a fɔ cɛkɔrɔba ye, min tun ye sotigi ye ko: «Cɛɛ min donna i fɛ, a to a ka bɔ an be la n'a ye i n'a fɔ muso.»

Kititigɛbagaw 2:10

O waati mɔgɔw bɛɛ sara. Mɔgɔ minw wilila olu kɔfɛ, olu tun te Masaba lɔn, a tun ye kabako minw kɛ Isirayɛlidenw ye, u tun ma o fana ye.

Sam fɔlɔ 10:27

Mɔgɔkolon dɔw tun be yen minw b'a fɔra ko: «Cɛɛ nin bena kɛ di k'an kisi?» U tun b'a lɔgɔbɔ, u ma sɔn ka boɲafɛn si d'a ma. Nga Sayuli m'a daa don u daa la.

Sam fɔlɔ 25:17

Sisan i ka miiri o la, i ka kan ka fɛɛn min kɛ, i k'o filɛ. N'o tɛ, an kuntigi n'a ka somɔgɔw bɛɛ halakituma le sera. Ale do ye mɔgɔkolon ye, a te mɔgɔ ka kuma mɛn.»

Sam fɔlɔ 3:13

Ne y'a fɔ a ye ko ne b'a ka soo jalaki, n tena u to ɲasuma la tugu fewu, a ka kojugu kama. A deenw tun be ne Ala dɔgɔya, a tun b'o kala ma, nga a ma u jalaki.

Sam fɔlɔ 3:7

O y'a sɔrɔ Samuyɛli tun ma Masaba lɔn fɔlɔ, ani Masaba tun ma kuma a fɛ fɔlɔ ka ye.