Sam fɔlɔ 2:10 - ALA KA KUMA

¹⁰ Minw ye Masaba juguw ye, olu bena halaki, k'a to sankolo la, a b'a to saan be pɛrɛn u kama. A bena diɲɛ bɛɛ kiti. A ye mɔgɔ min sigi masaya la, a be fanga di ale ma, a ye masacɛ min woloma, a be barika don ale la.»

Jula NT of Côte d’Ivoire

¹⁰ «Matigi Ala bɛna a juguw bɛɛ halaki, a bɛna sanpɛrɛn lajigi o kan ka bɔ san fɛ; Matigi Ala bɛna kiti tigɛ ka se fɔ dugukolo danw bɛɛ ra. A bɛna se di a ta jamana masacɛ ma; a bɛna a ta mɔgɔ ɲanawolomanin baraka lawuri.»

Sam fɔlɔ 2:10 Iomraidhean Croise

Sam 2nan 22:14

Masaba y'a kɛ san pɛrɛnna. Fɛɛn bɛɛ kuntigi y'a kaan bɔ.

Sam 2nan 7:13

Ko ale lo bena soo lɔ ne ye, ani ne ben'a ka masaya sabati kudayi.

Sam 2nan 7:8

«Sisan, a fɔ ne ka baarakɛla Dawuda ye ko ne Masaba, Setigi le y'a fɔ ko ne le y'a minɛ ka bɔ kongo kɔnɔ sagadɛndɛyɔrɔ la, ka n'a kɛ ne ka jama Isirayɛli kuntigi ye.

Ayuba 40:9

Fanga b'i fɛ min be ne Ala ta bɔ wa? E kaan boɲa be ne ta bɔ wa?

Zaburu 132:17

Ne bena masacɛ setigi sigi ka bɔ Dawuda deenw cɛma. Ne ye masacɛ min woloma, ale bena to yen ka kɛ i ko fitinɛ mananin.

Zaburu 148:14

A ye barika don a ka jama na. O ye kunkɔrɔta ye a ɲasiranbagaw bɛɛ fɛ, a ka jama Isirayɛli fɛ, min koo ka gwɛlɛ a ma. Aw ka Masaba tanu.

Zaburu 2:2

Masacɛw wilila, jamana ɲamɔgɔw y'u kaan bɛn ka Masaba n'a ka mɔgɔwolomanin kɛlɛ.

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 2:9

I bena nigɛbere kɛ k'u halaki. Dagadilanbaga ka daga be ci ka mugumugu cogo min na, i bena u kɛ ten.»

Zaburu 20:6

An bena nisɔndiya i ka sesɔrɔ la, an bena nisɔndiya an ka Ala tɔgɔ la. Masaba k'i ka daaliliw bɛɛ jaabi.

Zaburu 20:7

Ne y'a lɔn sisan tiɲɛ na ko Masaba b'a ka mɔgɔwolomanin kisi. Hali k'a to a sigiyɔrɔ la sankolo la, a b'a bɔsi sɔbɛ la.

Zaburu 21:1

Dɔnkililabagaw kuntigi ka dɔnkili. Dawuda ka dɔnkili dɔ.

Zaburu 28:8

Ale lo be fanga di a ka jama ma. A ka mɔgɔwolomanin dogoyɔrɔ n'a kisiyɔrɔ lo.

Zaburu 45:7

Ala, e ka masaya be to seen kan kudayi! I ka masabere ye tilenninya ta ye.

Zaburu 89:17

U bena nisɔndiya loon bɛɛ e barika la. U bena wili e ka tilenninya kosɔn.

Zaburu 89:24

Ne ben'a juguw halaki a ɲafɛ, ne ben'a kɔniyabagaw gosi.

Zaburu 89:25

Ne ben'a to kantigiya la ka koɲuman kɛ a ye. Ne tɔgɔ kosɔn, a bena fanga sɔrɔ a ka masaya la.

Zaburu 96:13

O ka kɛ Masaba ɲafɛ, bari a be nana. A be nana dugukolo kan mɔgɔw kiti. A bena diɲɛ kiti ni tilenninya ye, a bena siyaw kiti ka kɛɲɛ n'a ka kantigiya ye.

Zaburu 98:9

U k'o kɛ Masaba ɲakɔrɔ, bari a be na diɲɛ kiti. A bena diɲɛ kiti ni tilenninya ye, a bena jamanadenw kiti ni tiɲɛ ye.

Bɔri 15:6

Masaba, i kinibolo y'i ka sebagaya yira. Masaba, i kinibolo y'an jugu nɔɔni.

Waajurikɛbaga 11:9

Kanbelen, i nisɔn diya i denmisɛn tile la. I dusu ka diya i kanbelenya waati la. Fɛɛn o fɛɛn diyara i ye, o kɛ. I ɲaa be bɔ fɛɛn o fɛɛn fɛ, o kɛ. Nga i k'a lɔn ko Ala bena e ɲininga o bɛɛ la.

Waajurikɛbaga 12:14

Bari, Ala bena mɔgɔw ɲininga u ka kɛwaliw kelen kelen bɛɛ la, hali minw kɛra dogo la, a ɲuman fara jugumanw kan.

Ezayi 29:6

Masaba, Setigi bena i dɛmɛ, a bena na ni sanpɛrɛn ye, ni dugukolo yɛrɛyɛrɛ ye, ni mankanba ye, ni fununfunun ni fɔɲɔba ye, ani tasumaba ye.

Ezayi 32:1

Masa bena kɛ hɔrɔn ye a ka baara la, kuntigiw bena kuntigiya kɛ ni tilenninya ye.

Ezayi 45:24

k'a fɔ ne koo la ko: ‹Tilenninya ni fanga be sɔrɔ Masaba kelenpe le fɛ.› Mɔgɔ minw bɛɛ tun dimin'a kɔrɔ, olu maloyanin le bena na a fɛ.

Ezekiyɛli 29:21

«O loon na, ne bena Isirayɛlidenw barika boɲa. Ele adamaden, ne ben'a to i be kuma Isirayɛlidenw cɛma. O tuma na, u ben'a lɔn ko ne ye Masaba le ye.»

Matiyu 25:34

O kɔ, a ben'a fɔ a kinibolo la taw ye ko: ‹Aw ye na ne Faa ka dubadenw, ka don a ka masaya la min tun labɛnna aw ye kabini diɲɛ dantuma.

Matiyu 28:18

Yezu gwɛrɛla u la k'a fɔ u ye ko: «Ala ye sebagaya bɛɛ di ne ma sankolo la ani dugukolo kan.

Luka 1:69

A ye kisibaga barikaman lawili an ye, a y'a bɔ a ka baarakɛla Dawuda buruju la,

Luka 19:27

Sisan, ne jugu minw tun t'a fɛ ne ka kɛ u ka masacɛ ye, aw ka na ni olu ye yan k'u faga ne ɲana.› »

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 4:27

Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

Kor 2nan 5:10

bari an bɛɛ ka kan ka lɔ Krista ɲakɔrɔ a k'an kiti, waasa mɔgɔ kelen kelen bɛɛ ye baara min kɛ k'u to diɲɛ na, a kɛra baaraɲuman ye wo, baarajugu lo wo, u k'o sara sɔrɔ.

Kititigɛbagaw 5:31

Masaba, i juguw bɛɛ ka halaki ten! E koo ka di mɔgɔ minw ye, olu ka kɛ i ko tile, a gwantuma papapa.» O kɔ, jamana nin tora hɛrɛ la saan bi naani kɔnɔ.

Sam fɔlɔ 12:13

«Aw ye masacɛ min woloma, aw tun ye min ɲini, ale filɛ sa, Masaba ye masacɛ sigi aw kunna.

Sam fɔlɔ 12:17

Tilemanawaati te nin ye wa? Ne bena Masaba daali, a ben'a kɛ saan be pɛrɛn, sanji be ben. O la, aw ben'a lɔn ko aw ye masacɛ ɲini minkɛ, aw ye kojuguba kɛ Masaba ɲakɔrɔ.»

Sam fɔlɔ 12:18

Samuyɛli ye Masaba daali, Masaba y'a kɛ saan pɛrɛnna, sanji benna o loon yɛrɛ la. Mɔgɔ bɛɛ siranna kosɔbɛ Masaba ni Samuyɛli ɲa.

Sam fɔlɔ 12:3

Ne filɛ aw ɲa. Ne ye koo minw kɛ aw la, aw k'o bɛɛ fɔ Masaba n'a ka mɔgɔ wolomanin ɲakɔrɔ. Ni n ye min ka misi bɔsi, a k'a fɔ, ni n ye min ka fali bɔsi, o tigi k'a fɔ. N ye min tɔɲɔ, o fana k'a fɔ, n ye min tɔɔrɔ, o tigi k'a fɔ fana. Ne ye n ɲaa tugu min ka kojugu kan a ka boɲafɛn kama, o tigi k'a yɛrɛ yira. Ne ben'a ɲɔgɔn kɔsegi aw ma.»

Sam fɔlɔ 15:28

Samuyɛli y'a fɔ a ye ko: «Bii Masaba ye masaya bɔsi i la k'a di mɔgɔ dɔ wɛrɛ ma min ka fisa n'i ye.

Sam fɔlɔ 16:1

Masaba y'a fɔ Samuyɛli ye ko: «I bena to ka kasi Sayuli kosɔn fɔɔ tuma jumɛn? Ne bann'a la, a te se ka kɛ masacɛ ye Isirayɛlidenw kunna tugu. Wili k'i ka gɔɔn fa tulu la ka taga. Ne b'i ci Zese fɛ ka bɔ Bɛtilehɛmu, bari ne ye masacɛ woloma a deenw cɛma.»

Sam fɔlɔ 7:10

Tuma min na Samuyɛli tun be saraka jɛnita nin bɔra, filisiw gwɛrɛla janko ka Isirayɛlidenw kɛlɛ. Nga Masaba y'a kɛ saan pɛrɛnna u kan kosɔbɛ o loon na, k'u hakili ɲagami. U barika dɛsɛra Isirayɛlidenw ɲakɔrɔ.