Sam fɔlɔ 19:5 - ALA KA KUMA

⁵ A tun y'a yɛrɛ nii di ka Goliyati faga, Masaba ye see di Isirayɛlidenw bɛɛ ma kosɔbɛ. E yɛrɛ y'o ye, ka nisɔndiya. Mun na sa, i b'a fɛ ka hakɛ kɛ ka mɔgɔtilennin faga, i ka Dawuda faga ni kuun t'a la wa?»

Jula NT of Côte d’Ivoire

⁵ A tun ka a nin fiyeere le ka taga Filisikacɛ faga. O lon na, Matigi Ala ka koba kɛ Izirayɛlimɔgɔw bɛɛ ye ka se di o ma. Ele yɛrɛ ka o ko ye, a diyara i ye fana. O tuma mun kosɔn i b’a fɛ ka nin kojugu kɛ Dawuda ra, ko i b’a faga k’a sɔrɔ a ma jaraki?»

Sam fɔlɔ 19:5 Iomraidhean Croise

Sam 2nan 23:10

Ale lo lɔra kelen kan ka filisiw faga fɔɔ a tigɛ jara ka nɔrɔ a ka murujan na. Masaba ye see di u ma kosɔbɛ o loon na. Kɛlɛdenw kɔsegira ka na tugu Eleyazari kɔ k'u juguw bololafɛnw le ta dɔrɔn.

Lok fɔlɔ 11:14

Ale n'a kɔmɔgɔw lɔra foro nin cɛmancɛ la, k'a tanga cɛnni ma. U ye filisiw faga. Masaba ye see di u ma kosɔbɛ.

Lok fɔlɔ 11:18

O mɔgɔ saba nunu tagara tɛmɛ filisiw ka kɛlɛdenw sigiyɔrɔ cɛma ka taga jii bɔ kɔlɔn nin kɔnɔ ka na n'a ye Dawuda fɛ, nga Dawuda ma sɔn k'a min. A y'a bɔn Masaba ye.

Zaburu 109:5

U be ne sara ni kojugu ye n ka koɲuman nɔɔ na. Ne ka kanuya nɔɔ na, o ye kɔniyali ye.

Zaburu 119:109

Ne be farati la tuma bɛɛ, nga ne te ɲinɛ i ka sariya kɔ.

Zaburu 25:3

Mɔgɔ minw jigi b'i kan, olu si tena maloya. E janfabagaw ta lo ye maloya ye.

Zaburu 69:4

Ne ye weleli kɛ ka dɛsɛ fɔɔ ne kaan nagara. Ne ye n ka Ala sira filɛ ka dɛsɛ.

Zaburu 94:21

U be bɛn ka mɔgɔtilennin le kɛlɛ, u be mɔgɔ jalakibali le jalaki.

Bɔri 14:13

Musa y'a fɔ jama ye ko: «Aw kana siran. Aw y'aw jaa gwɛlɛya. Masaba bena aw kisi cogo min na, aw bena o ye. Aw ɲaa be Ezipitika minw na bii, aw tena u ye tugu abada.

Yeremi 26:15

Nga aw k'a lɔn ko n'aw ye ne faga, mɔgɔ jalakibali joli b'aw kan, ani dugu nin mɔgɔw. Bari, Masaba le ye ne ci tiɲɛ na, ka na kuma nunu bɛɛ fɔ aw ye.»

Matiyu 27:24

Pilati y'a ye ko jama be murutira ka taga minkɛ, ko ale tena se ka foyi kɛ, a ye jii ɲini k'a tigɛ ko u bɛɛ ɲana, k'a fɔ u ye ko: «Ne seen te mɔgɔtilennin nin ka fagako la, o y'aw yɛrɛ ka koo ye.»

Matiyu 27:4

k'a fɔ u ye ko: «Ne ye hakɛ kɛ ka mɔgɔ jalakibali don aw bolo n'a bena faga.» Olu y'a jaabi ko: «O te an ka sira la, o y'i ka koo ye.»

Yuhana 15:25

Nga kuma min fɔra u ka sariyasɛbɛ kɔnɔ, fɔɔ o ka kɛ. A fɔra ko: ‹U ye ne kɔniya ni kuun t'a la.›

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Filipikaw 2:30

bari a tun be ɲini ka sa Krista ka baara kosɔn, a m'a yɛrɛ nii jati fɛɛn ye, aw tun te se ka dɛmɛ min ɲɔgɔn kɛ ne ye, a y'o le kɛ ne ye.

Heburuw 2:3

Matigi kɔnna ka kisili min koo fɔ, n'o mɛnbagaw nana o gwɛya an ye, min ye koba ye, n'an m'o jati, an bena se ka kisi cogo di?

Kititigɛbagaw 12:3

Ne y'a ye tuma min na aw tun te nana ka ne dɛmɛ, ne ye n yɛrɛ nii di, ka taga amoniw kɛlɛ. Masaba farala ne kan, ne sera u kɔrɔ. Mun na aw nana ne kɛlɛyɔrɔ la bii?»

Kititigɛbagaw 9:17

Ne faa y'a yɛrɛ nii saraka ka kɛlɛ kɛ, ka sɔrɔ k'aw bɔsi madiyanw bolo.

Sam fɔlɔ 11:13

Nga Sayuli y'a fɔ ko: «Mɔgɔ si tena faga bii loon nin na, bari Masaba ye Isirayɛlidenw kisi.»

Sam fɔlɔ 14:45

Jama y'a fɔ a ye ko: «Ka Zonatan faga wa? O te kɛ! Ale min ye Isirayɛlidenw bɔsi u juguw bolo. Masaba kosɔn! Bolo yɛrɛ tena se Zonatan ma sankofɛrɛ k'a faga bari Ala le tun be n'a ye bii nin na n'a sera ka nin kɛ.» Jama ye Zonatan kisi ten, u m'a faga tugu.

Sam fɔlɔ 19:6

Sayuli y'a dencɛ Zonatan ka kuma mɛn ka sɔn a ma. A kalila ko Masaba kosɔn, ko Dawuda tena faga tugu.

Sam fɔlɔ 20:32

Zonatan y'a facɛ jaabi ko: «Mun na a bena faga do? A ye mun le kɛ?»

Sam fɔlɔ 22:14

Ayimelɛki y'a jaabi ko: «I ka baarakɛla bɛɛ cɛma, masacɛ birancɛ Dawuda mɔgɔsɔbɛ ɲɔgɔn be sɔrɔ yen wa? I kɔlɔsibagaw kuntigi lo, boɲa fana b'a kan i ka soo kɔnɔ.

Sam fɔlɔ 28:21

Muso nin nan'a gɛrɛfɛ, k'a ye ko a hakili bɛɛ ɲagaminin lo. A y'a fɔ a ye ko: «A filɛ sa, i ka baaraden ye mɛnni kɛ i fɛ ka sɔn i ta ma, k'a yɛrɛ bila koo la.