Sam fɔlɔ 19:10 - ALA KA KUMA

¹⁰ Sayuli tun b'a fɛ k'a kori ni kogo ye k'a sɔgɔ n'a ka taman ye. Nga Dawuda y'a yɛrɛ jɛngɛ taman ɲakɔrɔ, Sayuli ka taman tagara kogo sɔrɔ. Dawuda bɔra ka boli o suu kelen na.

Jula NT of Côte d’Ivoire

¹⁰ Sawuli barara ka wuri ka Dawuda bon ni taman ye ko a bɛ Dawuda sɔgɔ nin taman ye k’a gbengben kogo ra. Nka Dawuda jɛngɛra ka bɔ a ɲa, k’a to taman tagara kogo sɔgɔ. O lon su fɛ, Dawuda borira ka bɔ k’a yɛrɛ kisi.

Sam fɔlɔ 19:10 Iomraidhean Croise

Zaburu 124:7

Kɔnɔ be bɔsi donsocɛ ka jaan kɔnɔ cogo min na, o cogo la, an bɔsira, jaan cɛnna, an y'an yɛrɛ sɔrɔ ka taga.

Zaburu 18:17

Ka Masaba to sankolo la, a ye ne minɛ. A ye ne sama ka n bɔ jiba kɔnɔ.

Zaburu 34:19

Masaba be dusukasibagaw gɛrɛfɛ. A be mɔgɔ jigitigɛninw kisi.

Zaburu 37:32

Mɔgɔjugu be mɔgɔtilennin dɛndɛ, a b'a fɛ k'a faga,

Zanaw 1:16

Sabu, u ka teli kojugukɛ la, u ka teli ka mɔgɔ faga.

Zanaw 21:30

Adamaden ka lɔnniya, a ka hakilitigiya, walima a ka miiriya te yɛlɛmani don Masaba sago la.

Ezayi 54:17

Kɛlɛkɛminan fɛɛn o fɛɛn dilanna i kama, o si tena foyi ɲa. Daa o daa man'a fɔ ko a b'i jalaki kititigɛyɔrɔ la, i ben'a ka kuma kɔɔ kari. O le bena kɛ ne Masaba ka baarakɛlaw niyɔrɔ ye. Ne bena u kɛ sesɔrɔbagaw ye.» Masaba le ko ten!

Oze ta kitabu 6:4

«Ne bena mun le kɛ aw la sa, Efarayimu kɔmɔgɔw? Zuda mara mɔgɔw, ne bena mun kɛ aw la sa? Aw ka kanuya kɛra i ko sɔgɔma kabaforoko, i ko komiji min be tunu joona.

Matiyu 10:23

Ni mɔgɔw be aw tɔɔrɔ dugu dɔ la, aw ye boli ka taga dugu wɛrɛ la. Tiɲɛ na, ne b'a fɔ aw ye ko aw tena Isirayɛli duguw bɛɛ kɛ ɲɔgɔn kan ka ban ni Mɔgɔ Dencɛ ma segi ka na.

Luka 4:30

Nga Yezu kɔni tɛmɛna u furancɛ la ka taga.

Yuhana 10:39

O la, u tun b'a fɛ k'a minɛ tugu nga a sera k'a yɛrɛ bɔsi u bolo.

Heburuw 11:34

tasuma dɛsɛra u kɔrɔ, u kisira murujan ma, u ye barika sɔrɔ bana sɔrɔnin kɔ. U kɛra kɛlɛdenŋanaw ye, u y'u juguw gwɛn.

Sam fɔlɔ 18:10

O dususagwɛ, Ala y'a kɛ nii kuntan dɔ wilila Sayuli la. K'a to a ka soo kɔnɔ, a tun t'a yɛrɛ kala ma tugu. A ka taman tun b'a bolo. O y'a sɔrɔ Dawuda tun b'a ka gɔni fɔra i n'a fɔ a tun be deli k'a kɛ cogo min na.

Sam fɔlɔ 18:11

Sayuli y'a ka taman kɔrɔta ko a be Dawuda kori ni kogo ye k'a sɔgɔ, nga Dawuda sera k'a yɛrɛ bɔ Sayuli ka taman ɲakɔrɔ siɲɛ fila.

Sam fɔlɔ 19:6

Sayuli y'a dencɛ Zonatan ka kuma mɛn ka sɔn a ma. A kalila ko Masaba kosɔn, ko Dawuda tena faga tugu.

Sam fɔlɔ 20:33

Sayuli y'a ka taman ta ko a be Zonatan faga. O la, Zonatan y'a faamu ko a facɛ tun y'a latigɛ sɔbɛ la ko a be Dawuda faga.