Sam fɔlɔ 18:5 - ALA KA KUMA

⁵ Sayuli tun be Dawuda ci kɛlɛkɛyɔrɔ o kɛlɛkɛyɔrɔ, Dawuda tun be see sɔrɔ. O la, Sayuli y'a sigi a ka kɛlɛdenw kunna. O tun diyara jama bɛɛ ye, ani Sayuli ka kɛlɛdenw fana.

Jula NT of Côte d’Ivoire

⁵ Ni Sawuli tun ka Dawuda ci ka taga kɛrɛ o kɛrɛ ra, Dawuda tun bɛ taga se sɔrɔ o bɛɛ ra. O kosɔn Sawuli tun k’a kɛ kɛrɛkɛcɛfariw bɛɛ kuntigi ye. A ko diyara mɔgɔw bɛɛ ye; a ko diyara Sawuli ta jamana ɲamɔgɔw fana ye.

Sam fɔlɔ 18:5 Iomraidhean Croise

Damina 39:23

Ni kasobon kɔlɔsibaga tun ye min to Yusufu bolo, a tun te o filɛ tugu, bari Masaba tun be ni Yusufu ye, ka to ka koo bɛɛ ɲa a bolo.

Sam 2nan 5:10

O tuma na, Dawuda tun be barika sɔrɔla ka taga ɲa, bari Masaba, Setigi Ala tun be n'a ye.

Sam 2nan 5:2

Waati tɛmɛnin na, Sayuli tun ye an ka masacɛ ye, ele lo tun be to ka bila Isirayɛlidenw ɲa ka taga kɛlɛyɔrɔ la. Masaba y'a fɔ i ye ko ele le ben'a ka jama Isirayɛli mara, ko e bena kɛ an kuntigi ye.»

Lok 2nan 17:3

Masaba tora Zozafati fɛ, bari a tun tugur'a bɛma Dawuda kɔ k'a ka sirakɔrɔw ta. A ma *Baali ɲininga.

Zaburu 1:3

A tigi be i ko yiri min tutunin be kɔda la, a be den a dentuma na, a furaburu fana te fɔnsɔnfɔnsɔn. A be koo o koo kɛ, o be ɲa.

Zaburu 101:2

Ne b'a fɛ ka to mɔgɔɲumanya la. E bena na ne fɛ tuma jumɛn? Ne bena taama n ka soo ka kɛɲɛ ni n ka dusuɲumanya ye.

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Kɛwalew 7:10

A y'a kunmabɔ tɔɔrɔw bɛɛ la. Ala ye Yusufu dɛmɛ, ka hakilitigiya d'a ma, a koo diyara Ezipiti masacɛ ye fɔɔ ale y'a kɛ masacɛlankan ye Ezipiti jamana bɛɛ kunna, ani k'a kɛ a yɛrɛ ka soo ɲamɔgɔ ye.

Ɛfɛsikaw 5:17

O la, aw kana kɛ kolɔnbaliw ye, nga aw ka Matigi sago ɲini k'o lɔn.

Kɔlɔsikaw 4:5

Minw ma la Matigi la, aw ka taama ni hakilitigiya ye olu cɛma, n'aw ye sababuɲuman sɔrɔ, aw ka banba ka Matigi koo fɔ u ye.

Kititigɛbagaw 1:19

Masaba tun tora Zuda kɔmɔgɔw fɛ. U sera ka kuluyɔrɔ minɛ, nga u ma se ka kɔkɛnɛ minɛ k'o yɔrɔ mɔgɔw gwɛn, bari wotoro nigɛlamanw tun be olu fɛ.

Sam fɔlɔ 13:2

Sayuli ye kɛlɛden waa saba (3 000) woloma. Waa fila (2 000) tora n'a ye Mikimasi, ani Betɛli mara kuluyɔrɔ la, waa kelen (1 000) tora ni Zonatan ye Gibeya Bɛnzamɛn kɔmɔgɔw ka mara la. O kɔ, a ye jama tɔɔ bila ka taga u ka soo.

Sam fɔlɔ 14:52

Sayuli ka masaya tile bɛɛ la, a ye kɛlɛ fariman kɛ ni filisiw ye. O le y'a to n'a tun ye cɛɛ jagwɛlɛman ye ani fanga be min na dɔrɔn, a b'o minɛ k'a don a ka kɛlɛdenw na.

Sam fɔlɔ 18:16

Nga Dawuda koo tun ka di Isirayɛli ni Zuda mara mɔgɔw bɛɛ ye, bari a tun be to ka bɔ ka taga kɛlɛ kɛ n'u ye ka segi ka na.

Sam fɔlɔ 18:30

Filisiw kuntigiw tun be bɔ ka kɛlɛ kɛ ni Isirayɛlidenw ye. Tuma o tuma nu tun be kɛlɛ kɛ, Dawuda le tun be see sɔrɔ ka tɛmɛ Sayuli ka baarakɛla tɔw bɛɛ kan. A kɛra ten, a tɔgɔ bɔra kosɔbɛ.

Sam fɔlɔ 18:4

Zonatan y'a yɛrɛ ka foroca bɔ a kaan na, k'a di Dawuda ma ani faniw. A fana y'a ka murujan n'a ka kala n'a ka cɛsirinan d'a ma.

Sam fɔlɔ 18:6

Dawuda tun ye Goliyati faga ka ban tuma min na, k'u to n'u be kɔsegira ka na, musow bɔra Isirayɛlidenw ka duguw bɛɛ kɔnɔ ka masacɛ Sayuli kunbɛn, n'u be dɔnkili lara, ka dundunw ni fɔlikɛminaw dɔw fɔ ka dɔɔn kɛ, ka to ka mankan kɛ nisɔndiya bolo.

Sam fɔlɔ 3:19

Samuyɛli tun be boɲana ka taga ɲa, Masaba tun be n'a ye. Masaba ye kuma min bɛɛ fɔ, o bɛɛ tun be kɛ.