Sam fɔlɔ 18:1 - ALA KA KUMA

¹ Yanni Dawuda be tila a ka kuma na ni Sayuli ye, a koo diyara Zonatan ye i n'a fɔ a yɛrɛ, Zonatan nɔrɔl'a la.

Jula NT of Côte d’Ivoire

¹ Ayiwa, Dawuda kumana ni Sawuli ye ka ban tuma min na, o wagati yɛrɛ ra, Yonatan nin sirira Dawuda ra. Yonatan ka Dawuda kanu i ko a yɛrɛ nin.

Sam fɔlɔ 18:1 Iomraidhean Croise

Damina 44:30

«Sisan ni ne segira ka taga i ka baaraden ne facɛ sɔrɔ ni kanbelen nin te n'anw ye, k'a sɔrɔ a jigi bɛɛ be ale lo kan,

Sam 2nan 1:26

Ne nii tɔɔrɔnin be e kosɔn Zonatan, ne balimacɛ, e koo tun ka di ne ye kosɔbɛ. E ka teriya tun ka di ne ye haali, o tun tɛmɛna muso ta kan.

Lok fɔlɔ 12:17

Bɛnzamɛn ni Zuda kɔmɔgɔw dɔw tagara Dawuda kɔ a ka dogoyɔrɔ la.

Zaburu 86:11

Masaba, i ka sira yira ne la. Ne bena i ka tiɲɛko kɛ. Kɔnɔgwɛ di ne ma, n ka siran i ɲa.

Zanaw 18:24

Mɔgɔ teriw be se ka na ni bɔnɛ ye. Nga terisɔbɛ be se ka fisaya ni baden ye.

Sariya 13:6

O kira, walima o yelikɛla nin ka kan ka faga, bari a tun b'a fɔra ko aw ka muruti Masaba aw ka Ala ma. Ale min y'aw bɔ Ezipiti jamana na jɔnya la. A b'a fɛ k'aw faran ka bɔ Masaba aw ka Ala ka sira la. Masaba ko aw ka min taama. Aw ka kan ka kojugu bɔ aw cɛma.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Kititigɛbagaw 20:11

A kɛra ten, Isirayɛlidenw bɛɛ ye ɲɔgɔn lajɛn o dugu kama, k'u kɔnɔ kɛ kelen ye.

Sam fɔlɔ 14:45

Jama y'a fɔ a ye ko: «Ka Zonatan faga wa? O te kɛ! Ale min ye Isirayɛlidenw bɔsi u juguw bolo. Masaba kosɔn! Bolo yɛrɛ tena se Zonatan ma sankofɛrɛ k'a faga bari Ala le tun be n'a ye bii nin na n'a sera ka nin kɛ.» Jama ye Zonatan kisi ten, u m'a faga tugu.

Sam fɔlɔ 18:3

Zonatan ye teriya don ni Dawuda ye, bari a koo tun ka di a ye i n'a fɔ a yɛrɛ.

Sam fɔlɔ 19:1

Sayuli y'a fɔ a dencɛ Zonatan n'a ka baarakɛlaw bɛɛ ye ko ale b'a fɛ ka Dawuda faga. Nga Zonatan tun be Dawuda kanu kosɔbɛ.

Sam fɔlɔ 19:2

Ale tagar'a fɔ Dawuda ye ko: «Ne facɛ Sayuli b'a fɛ k'i faga. O la do, sini sɔgɔma i k'i yɛrɛ minɛ, taga dogo yɔrɔ dɔ la.

Sam fɔlɔ 20:17

O waati la tugu, Zonatan y'a kɛ Dawuda kalil'a ka teriya kosɔn, bari Dawuda koo tun ka d'a ye i n'a fɔ a yɛrɛ.

Sam fɔlɔ 20:8

I k'i ka mɔgɔsɔbɛya yira i ka baarakɛla la, bari i y'a kɛ an ye layidu ta ɲɔgɔn ye Masaba tɔgɔ la. Ni ne ye kojugu dɔ kɛ, e yɛrɛ ka n faga. Mun na i be taga ni n ye i facɛ fɛ?»

Sam fɔlɔ 22:8

N'o tɛ, mun na aw bɛɛ wilila ne kama? Ne dencɛ bɛnna ni Zese deen ye tuma min na, mɔgɔ si ma sɔrɔ min y'o fɔ ne ye. Mɔgɔ si ma sɔrɔ aw cɛma min be hami ne ka koo la, o tigi k'a se k'a fɔ ne ye ko ne deen yɛrɛ le be ne ka baarakɛla kɔnɔnasura ne kama, ka wili ne kama i n'a fɔ a be kɛra cogo min na bii.»

Sam fɔlɔ 23:18

U fila bɛɛ ye layidu ta ɲɔgɔn ye Masaba ɲakɔrɔ. O kɔ, Zonatan kɔsegir'a ka soo, Dawuda tora Oresa.