Sam fɔlɔ 17:12 - ALA KA KUMA

¹² Dawuda tun ye Efaratika deen ye ka bɔ Bɛtilehɛmu, Zuda mara la, a tɔgɔ tun ko Zese. Dencɛ seegi tun b'a fɛ. Sayuli ka waati la, a tun kɛra cɛkɔrɔba ye kosɔbɛ.

Jula NT of Côte d’Ivoire

¹² Ayiwa, Dawuda tun ye Efiratakacɛ dɔ dencɛ le ye, min tun bɛ bɔ Bɛtilɛhɛmu, Zude mara ra. A tɔgɔ tun ye ko Yese. Dencɛ seegi le tun b’a fɛ. Sawuli ta wagati ra, Yese tun ye cɛkɔrɔba ye, a si tun kɔrɔra kosɛbɛ.

Sam fɔlɔ 17:12 Iomraidhean Croise

Damina 35:19

Arasɛli sara, u y'a suu don Efarata sira daa la, dugu min be wele fana ko Bɛtilehɛmu.

Sam 2nan 23:1

Dawuda ka kuma laban filɛ nin ye: «Zese dencɛ Dawuda ka kuma, mɔgɔ min kɛra mɔgɔbaba ye, ale ka kuma lo, Yakuba ka Ala ka mɔgɔ wolomanin, Isirayɛlidenw be min la dɔnkili la ni nisɔndiya ye.

Zaburu 132:6

An y'a ka layidu taamasiɲɛ kɛsu koo mɛn Efarata, an y'a sɔrɔ Yaari mara la.

Mise 5:2

O kama, Ala ben'a ka mɔgɔw bila a bolo kɔfɛ fɔɔ tuma min na, muso min ka kan ka deen wolo, ale ka deen sɔrɔ. O tuma na, a badenw tɔɔ min bena to sii la, olu bena kɔsegi ka na fara Isirayɛliden tɔw kan.

Matiyu 1:6

Zese tun ye masacɛ Dawuda facɛ ye. Dawuda tun ye Solomani facɛ ye. Solomani bamuso tun ye Uri ka muso ye.

Matiyu 2:1

Yezu wolola Bɛtilehɛmu, Zude mara la. O waati la, *Erɔdi tun ye o yɔrɔ masacɛ ye. A wolola minkɛ, lɔnnikɛla dɔw bɔra kɔrɔn fɛ ka taga Zeruzalɛmu

Matiyu 2:6

‹Bɛtilehɛmu min ye Zude mara dugubabaw la fitini ye, kuntigi bena bɔ yen ka ne ka jama Isirayɛli mara.› »

Ruti 1:2

Cɛɛ nin tɔgɔ tun ko Elimelɛki, a muso tɔgɔ ko Nawomi, a deen fila nunu tɔgɔ tun ko Malɔn ni Kiliyɔn. U tun ye Efarata ka mɔgɔw ye ka bɔ Bɛtilehɛmu, Zuda mara la. U tagara sigi yen.

Ruti 4:17

Nawomi tɔɲɔgɔnw ko dencɛ sɔrɔla Nawomi ye! U y'a tɔgɔ la ko Obɛdi. Ale lo ye Zese facɛ ye, Zese fana ye Dawuda facɛ ye.

Ruti 4:22

Obɛdi ye Zese wolo, Zese ye Dawuda wolo.

Sam fɔlɔ 1:1

Cɛɛ dɔ tun be Aramatayimusofimu dugu kɔnɔ, Efarayimu mara kuluyɔrɔ la, a tɔgɔ ko Ɛlikana. A facɛ tɔgɔ tun ko Yerowamu, ale fana faa tɔgɔ tun ko Eliwu, Eliwu faa fana tun ye Towu ye, ale faa fana tun ye Sufu ye. Sufu tun ye Efaratika ye.

Sam fɔlɔ 16:1

Masaba y'a fɔ Samuyɛli ye ko: «I bena to ka kasi Sayuli kosɔn fɔɔ tuma jumɛn? Ne bann'a la, a te se ka kɛ masacɛ ye Isirayɛlidenw kunna tugu. Wili k'i ka gɔɔn fa tulu la ka taga. Ne b'i ci Zese fɛ ka bɔ Bɛtilehɛmu, bari ne ye masacɛ woloma a deenw cɛma.»

Sam fɔlɔ 16:18

Sayuli ka baaraden dɔ y'a fɔ ko ale ye Zese ka bɔ Bɛtilehɛmu deen dɔ ye. A be se fɔli la kosɔbɛ, a jaa ka gwɛlɛ fana, a be se kɛlɛ la, a ka kuma ka di, a fana ɲada ka ɲi. Masaba fana be n'a ye.

Sam fɔlɔ 17:11

Sayuli ni Isirayɛlidenw bɛɛ ye filisicɛ nin ka kuma mɛn, u hakili ɲagamina, u siranna kosɔbɛ.

Sam fɔlɔ 17:58

Sayuli ye Dawuda ɲininga ko: «N deen, e ye joon ka deen ye?» Dawuda y'a jaabi ko ale ye a ka baaraden Zese deen ye ka bɔ Bɛtilehɛmu.