Sam fɔlɔ 16:7 - ALA KA KUMA

⁷ Nga Masaba y'a fɔ a ye ko: «I kan'a filɛ a ɲada ma n'a ka jaɲa ma, bari ne banna ale la. Mɔgɔ be fɛɛn min jati, ne, Masaba te o jati. Mɔgɔ b'a tɔɲɔgɔn filɛ a ɲaa ma dama, nga ne, Masaba be dusu le filɛ.»

Jula NT of Côte d’Ivoire

⁷ Nka Matigi Ala k’a fɔ Samawilu ye ko: «I kana a fari cogoya flɛ, walama a janya; sabu ne ma ale le ɲanawoloma. Adamadenw bɛ min jate fɛn ye, Ala tɛ o jate foyi ye; sabu adamaden ɲa bɛ min ye, a bɛ ɲabɔ o le fɛ, k’a sɔrɔ Matigi Ala bɛ mɔgɔ jusukun le flɛ.»

Sam fɔlɔ 16:7 Iomraidhean Croise

Damina 4:5

nga a ma sɔn Kayɛn n'a ta la. O la, Kayɛn dimina kosɔbɛ, a ɲaa kumuna.

Sam 2nan 14:25

Isirayɛlidenw bɛɛ cɛma, Abisalɔn ɲɔgɔn tun te yen cɛɲa na, ani kodiya la. K'a ta a seen na, fɔɔ ka ta'a bila a kuun na, fiɲɛ tun t'a la.

Sam 2nan 7:20

Ne Dawuda be se ka mun le fɔ i ye sa? Bari e b'i ka baarakɛla lɔn, Matigi, Masaba.

Mas fɔlɔ 8:39

k'i to i sigiyɔrɔ la sankolo la, mɛnni kɛ ka yafa u ma, k'u dɛmɛ ka kɛɲɛ n'u kelen kelen bɛɛ ka kɛtaw ye, e min b'u bɛɛ kɔnɔnako lɔn. Bari ele kelen le be adamadenw bɛɛ kɔnɔnakow lɔn.

Lok fɔlɔ 17:18

Ne Dawuda be se ka mun le fɔ i ye tugu boɲako la, i be min lara ne, i ka baarakɛla kan? E b'i ka baarakɛla lɔn.

Lok fɔlɔ 28:9

«Ayiwa, ne deen Solomani, ele kɔni, i ka banba k'i faa ka Ala lɔn, ani ka baara kɛ a ye ni kɔnɔgwɛ ye, k'i yɛrɛ bɛɛ d'a ma, bari Masaba be adamadenw bɛɛ kɔnɔnako sɛgɛsɛgɛ ani k'u ka miiriya bɛɛ lɔn. N'i y'a ɲini, a ben'a yɛrɛ yira i la, nga n'i bann'a la, a fana bena ban i la pewu.

Lok 2nan 16:9

Masaba ɲaa be diɲɛ bɛɛ la, a ka koo be mɔgɔ minw dusu la, a be barika don olu la. I ye nalomanya kɛ dɛ. O la, kabini sisan i bena kɛlɛ sɔrɔ.»

Lok 2nan 6:30

k'i to i sigiyɔrɔ la sankolo la, mɛnni kɛ ka yafa u ma ka kɛɲɛ n'u kelen kelen bɛɛ ka kɛtaw ye, e min b'u bɛɛ kɔnɔnako lɔn. Bari ele kelen le be adamadenw bɛɛ kɔnɔnako lɔn.

Ayuba 10:4

E be yeli kɛra i ko adamaden le wa? E be yeli kɛra i ko mɔgɔ le wa?

Ayuba 35:5

Sankolo filɛ ka ɲa, sankabaw filɛ u be cogo min na i sanfɛ.

Zaburu 139:2

I be ne latuma ni n wilituma kala ma. I be n ka miiriyaw lɔn kabini tumajan.

Zaburu 7:9

Masaba, ele lo ye siyaw kitibaga ye. Ne ka kan ni min ye, o kɛ n ye. I k'o kɛ k'a kɛɲɛ ni ne ka tilenninya, ni n ka ɲumanya ye.

Zanaw 15:11

Lahara koo be Masaba ɲakɔrɔ, kuma te adamadenw kɔnɔnakow ma.

Zanaw 16:2

Mɔgɔ ka kɛwaliw bɛɛ ka ɲi a yɛrɛ ɲana, nga Masaba le be mɔgɔw kɔnɔnakow cogoya lɔn.

Zanaw 24:12

N'i ko: «A filɛ! Ne tun ma bɔ a kala ma!», o tuma, mɔgɔw kɔnɔnako lɔnbaga m'o faamu wa? Ale min b'i tanga, a b'a lɔn do. A bena mɔgɔ kelen kelen bɛɛ ka kɛta sara.

Zanaw 31:30

Muso ka ɲumanya be mɔgɔ fili, cɛɲa be tɛmɛ. Nga muso min be siran Masaba ɲa, ale lo ka kan ni tanuli ye.

Yeremi 11:20

Masaba, Setigi, e min be kiti tigɛ ni hɔrɔnya ye, e min be adamaden kɔnɔnako n'a ka miiriyaw sɛgɛsɛgɛ, e bena min kɛ u la, ne bena o ye bari, ne ye n ka koo to i bolo.

Yeremi 17:10

«Ne Masaba le be mɔgɔ kɔnɔnako n'a ka miiriya sɛgɛsɛgɛ. Ne le be mɔgɔ kelen kelen bɛɛ sara ka kɛɲɛ n'a taamacogo, n'a ka kɛwaliw ye.»

Yeremi 20:12

Masaba, Setigi, ele min be mɔgɔtilenninw ka koo sɛgɛsɛgɛ, ele min be mɔgɔw kɔnɔnako n'u ka miiriyaw lɔn, i k'i mɔnɛ bɔ n juguw la, ne k'o ye. Bari ne ye n ka koo to i bolo.

Luka 16:15

A y'a fɔ u ye ko: «Mɔgɔw ɲana, aw kɔni b'aw yɛrɛw kɛ mɔgɔtilenninw ye, nga min b'aw dusu la, Ala b'o lɔn, bari adamadenw be fɛɛn min jati fɛnba ye, o ye fɛɛn nafatan ye Ala ɲana.

Yuhana 7:24

Aw kana koo yeta dama filɛ ka mɔgɔ jalaki. Nga, aw k'o kɛ ni tilenninya ye.»

Yuhana 8:15

Aw kɔni be mɔgɔw jalaki ka kɛɲɛ ni adamadenya ye. Ne te mɔgɔ si jalaki.

Kɛwalew 1:24

O kɔ, u ye Ala daali ko: «Matigi, e min be mɔgɔ bɛɛ kɔnɔnako lɔn, n'i b'a fɛ mɔgɔ fila nunu na min ka kɛ i ka baarakɛla ye, o yira an na.

Kor 2nan 10:10

bari u b'a fɔra ko ne Pɔli be kuma gwɛlɛmanw n'a farimanw le fɔ n ka batakiw kɔnɔ, nga ko ni ne yɛrɛ le nana, fanga te n ka kuma na ani ko mɔgɔ be se k'o kɔɔ kari.

Kor 2nan 10:7

An be koow filɛ o kɔɔ kan dama. Ni mɔgɔ dɔ lanin b'a la ko ale ye Krista ta ye, o tigi ka kan k'a lɔn fana ko ni ale ye Krista ta ye, an fana ye a taw ye.

Heburuw 4:13

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Piy fɔlɔ 2:4

Aw ye gwɛrɛ Matigi la ale min ye Kabakuru ɲanaman ye. Mɔgɔw banna ale min na i n'a fɔ bonlɔbagaw be ban kabakuru dɔ la cogo min na. Nga Ala y'a woloma, a koo ka gwɛlɛ a ma.

Piy fɔlɔ 3:4

Nga, aw ka kɛ sɔnɲumantigiw ye, hakili siginin, minw ka koo ka nɔgɔ. O le ka di Ala ye haali.

Yirari 2:23

N bena saya lase a deenw ma, o la Krista ka jama bɛɛ ben'a lɔn ko ne le be mɔgɔ bɛɛ kɔnɔnako n'u ka ŋaniyaw lɔn. N bena aw kelen kelen bɛɛ sara ka kɛɲɛ n'aw ka kɛwaliw ye.

Sam fɔlɔ 2:3

Aw kana yɛrɛboɲakuma fɔ tugu, wansokuma kana bɔ aw daa la tugu. Masaba ye Ala ye, a be koo lɔn, ale lo be kɛwaliw filɛ.

Sam fɔlɔ 9:2

Deen dɔ tun be ale Kisi fɛ, a tɔgɔ ko Sayuli. Kanbelenɲuman tun lo fɔɔ a ɲɔgɔn tun te sɔrɔ Isirayɛlidenw cɛma. A tun ka jan kosɔbɛ, a kuun tɛmɛna u bɛɛ ta kan.