Sam fɔlɔ 15:1 - ALA KA KUMA

¹ Samuyɛli y'a fɔ Sayuli ye ko: «Masaba ye ne le ci ko ne ka na tulu bɔn i kuun na k'i kɛ masacɛ ye a ka jama, Isirayɛli kunna. Masaba be fɛɛn min fɔ, o mɛn sa.

Jula NT of Côte d’Ivoire

¹ Samawilu k’a fɔ Sawuli ye ko: «Matigi Ala ka ne le ci, ka na turu kɛ ele kun na ka i sigi masaya ra a ta mɔgɔw kunna, minw ye Izirayɛlimɔgɔw ye. O ra, Matigi Ala bɛna kuma min fɔ i ye sisan, o lamɛn.

Sam fɔlɔ 15:1 Iomraidhean Croise

Mas 2nan 7:1

Elize y'a fɔ ko u ka mɛnni kɛ Masaba ka kuma na, ko Masaba y'a fɔ ko sini nin waati kelen nin ɲɔgɔn na, ko mugu kilo tan ni fila bena feere warigwɛ kuru kelen na, ka suman kilo mugan ni naani feere warigwɛ kuru kelen na Samari dugu donda la.

Sam fɔlɔ 10:1

Samuyɛli ye daganin dɔ bɔ tulu tun be min kɔnɔ. A ye tulu nin yɛlɛma Sayuli kuun na. O kɔ, a y'a bolo meleke a la k'a fɔ a ye ko: «Masaba y'i woloma ka kɛ a yɛrɛ ka jama ɲamɔgɔ ye.

Sam fɔlɔ 12:14

Ni aw tora ka siran Masaba ɲa, n'aw be ale kelen bato, ka mɛnni kɛ a fɛ, ni aw ma muruti ka ban a ka kuma ma, aw n'aw ka masacɛ, min siginin be aw kunna, aw bena se ka bɛɛn ni Masaba aw ka Ala ye.

Sam fɔlɔ 13:13

Samuyɛli y'a fɔ a ye ko: «I ye nalomanyabaara kɛ, Masaba i ka Ala y'a ka sariya min sigi i ye, i ma o bato. N'i tun y'o bato, a tun ben'a kɛ i ka masaya be yiriwa Isirayɛlidenw kunna tuma bɛɛ.

Sam fɔlɔ 9:15

O y'a sɔrɔ kunun ɲɔgɔn, Masaba tun ye Samuyɛli lasɔmi k'a fɔ a ye ko:

Sam fɔlɔ 9:16

«Sini nin waati nin ɲɔgɔn na, ne bena Bɛnzamɛn kɔmɔgɔw ka mara mɔgɔ dɔ ci i fɛ. I bena tulu mɔn a la, a ka kɛ ne ka jama Isirayɛli kuntigi ye. Ale lo bena ne ka jama bɔsi filisiw bolo. U kasikan sera ne ma, ne makarila u la.»