Sam fɔlɔ 13:5 - ALA KA KUMA

⁵ Filisiw fana ye ɲɔgɔn lajɛn janko ka Isirayɛlidenw kɛlɛ. Kɛlɛkɛwotoro waa bi saba (30 000) ni sotigi waa wɔɔrɔ (6 000) tun b'u fɛ, u ka jama tun ka ca kosɔbɛ i n'a fɔ kɔgɔjida la cɛncɛn. U nana sigi Mikimasi, Bɛtavɛni mara kɔrɔn ɲafan fɛ.

Jula NT of Côte d’Ivoire

⁵ Filisikaw tagara lajɛn ko o bɛ Izirayɛlimɔgɔw kɛrɛ. Sowotoro waga saba le tun bɛ o fɛ, ani sowotorotigi waga wɔɔrɔ; o tun ka ca i ko kɔgɔjida kɛnkɛn. O nana sigi Mikimasi, Bɛti Avɛni terebɔyanfan na.

Sam fɔlɔ 13:5 Iomraidhean Croise

Damina 22:17

ko ne kɔni bena hɛrɛ kɛ i ye k'i kɔmɔgɔw caya i n'a fɔ lolow ni kɔgɔjida la cɛncɛn. I kɔmɔgɔw bena u juguw ka duguw minɛ k'a kɛ u yɛrɛ ta ye.

Sam 2nan 17:11

O la, ne b'i ladi ko Isirayɛlidenw bɛɛ ka ɲɔgɔn lajɛn i gɛrɛfɛ, k'a ta Dan mara la kɔgɔdugu faan fɛ fɔɔ ka taga se Bɛriseba, worodugu faan fɛ. U ka caya i n'a fɔ kɔgɔjida la cɛncɛn. I yɛrɛ be wili ka taga kɛlɛ la.

Mas fɔlɔ 20:27

Isirayɛlidenw kuntigi y'u lajɛn k'u filɛ, k'u makoyafɛnw d'u ma. U bɔra ka taga Sirikaw kunbɛn. U tagara sigi u ɲa. U tun be i n'a fɔ bakulufitinifitini fila, Sirikaw tun ye yɔrɔ bɛɛ fa.

Lok 2nan 1:9

Masa Ala, e tun ye kuma min fɔ ne facɛ Dawuda ye, a t'o ka kɛ sisan, bari ele ye ne sigi jama kunna min ka ca i n'a fɔ dugukolo kan cɛncɛn.

Ezayi 10:28

Juguw sera Ayati, u be Migurɔn cɛɛ tigɛra, u bena u ka minan dɔw bila Mikimasi.

Ezayi 48:19

Aw kɔmɔgɔw tun bena caya i ko cɛncɛn. U tɔgɔ tun tena tunu, a tun tena nagasi ne ɲakɔrɔ.»

Yeremi 15:8

Ne bena u ka firiyamusow caya ka tɛmɛ kɔgɔji daa la cɛncɛn kan. Ne bena cɛnnikɛla bila ka na tilegwangwan fɛ ka na kanbelen bamuso kama. Dusukasi ni jatigɛko bena cun a kan.

Oze ta kitabu 10:5

Samarikaw be yɛrɛyɛrɛ misiden jaa kosɔn, min be Bɛtavɛni. A sɔnbagaw be dusukasi la a kosɔn, murutigiw be kasir'a kosɔn. Bari boɲa min tun b'a kan, o bɔra.

Oze ta kitabu 4:15

Ni aw Isirayɛli mara mɔgɔw be to ka kakalaya kɛ, Zuda mara mɔgɔw kan'a to u niin be sɔrɔ o kunko la! Aw kana taga Giligali batoli kɛyɔrɔ la, aw kana taga Bɛtavɛni. Aw kana kali fana ko: ‹Masaba kosɔn!›

Oze ta kitabu 5:8

«Aw ka buru fiyɛ Gibeya dugu kɔnɔ! Aw k'a fiyɛ Arama kɔnɔ! Aw ka mɔgɔw lasɔmi Bɛtavɛni! Bɛnzamɛn kɔmɔgɔw, aw ka kɔlɔsili kɛ aw kɔfɛ!

Rɔmukaw 9:27

Kira Ezayi fana y'a fɔ Isirayɛlidenw ka koo la ko: «Hali ni Isirayɛlidenw cayara i ko kɔgɔjida la cɛncɛn, u tɔɔ dama le bena kisi.

Yosuwe 11:4

U bɔra n'u ka kɛlɛdenw bɛɛ ye, ka ɲɔgɔn lajɛn caaman. U tun ka ca i n'a fɔ kɔgɔjida la cɛncɛn. Soow ni wotorow tun ka ca kosɔbɛ.

Yosuwe 18:12

U ka mara daan, kɔgɔdugu ɲafan na, ale tun be ta Zurudɛn baji ma, ka tɛmɛ ka taga Zeriko kɔgɔdugu ɲafan fɛ, ka tɛmɛ ka taga kuluyɔrɔ la, tileben fɛ, ka tɛmɛ ka taga gun Bɛtavɛni kongokolon na,

Yosuwe 7:2

Zozuwe ye mɔgɔ dɔw ci k'u to Zeriko k'u ka taga Ayi, min be Bɛtavɛni gɛrɛfɛ Betɛli kɔrɔn ɲafan na. A y'a fɔ u ye ko: «Aw ye taga jamana nin ka koow kɔlɔsi.» Mɔgɔ nunu tagara Ayi dugu kɔlɔsi.

Kititigɛbagaw 7:12

Madiyanw, ni amalɛkiw ani mɔgɔ minw bɛɛ be kɔrɔn ɲafan na, u tun nana sigi caaman kɔkɛnɛ na i n'a fɔ tɔɔn, u ka ɲɔgɔmɛw tun ka ca i n'a fɔ kɔgɔjida la cɛncɛn.

Sam fɔlɔ 13:11

Samuyɛli y'a fɔ a ye ko: «I ye mun le kɛ ten?» A ye Samuyɛli jaabi ko: «Ne ye jama ye n'u be jɛnsɛnna ka bɔ ne kɔrɔ. O y'a sɔrɔ waati min tun fɔra, ale fana tɛmɛna, e tun ma se, filisiw lajɛnnin tun be Mikimasi.

Sam fɔlɔ 13:2

Sayuli ye kɛlɛden waa saba (3 000) woloma. Waa fila (2 000) tora n'a ye Mikimasi, ani Betɛli mara kuluyɔrɔ la, waa kelen (1 000) tora ni Zonatan ye Gibeya Bɛnzamɛn kɔmɔgɔw ka mara la. O kɔ, a ye jama tɔɔ bila ka taga u ka soo.

Sam fɔlɔ 14:23

Masaba ye see di Isirayɛlidenw ma o loon na, kɛlɛ tagara ɲafɛ ka taga tɛmɛ Bɛtavɛni kɔfɛ.

Sam fɔlɔ 14:52

Sayuli ka masaya tile bɛɛ la, a ye kɛlɛ fariman kɛ ni filisiw ye. O le y'a to n'a tun ye cɛɛ jagwɛlɛman ye ani fanga be min na dɔrɔn, a b'o minɛ k'a don a ka kɛlɛdenw na.

Sam fɔlɔ 17:1

Filisiw ye ɲɔgɔn lajɛn janko ka taga kɛlɛ la. U tun ye ɲɔgɔn lajɛn Soko, Zuda mara la. U tun siginin be Efɛsidamimu, Soko ni Azeka cɛ.

Sam fɔlɔ 7:13

U sera filisiw kɔrɔ, filisiw ma kɔsegi ka na Isirayɛlidenw ka jamana na tugu. Ka Samuyɛli to sii la, Masaba y'a bolo la filisiw kan.