Sam fɔlɔ 13:4 - ALA KA KUMA

⁴ Isirayɛlidenw bɛɛ y'a mɛn ko Sayuli ye filisiw ka lasigiden kɛlɛ ka se a kɔrɔ. K'o la, filisiw tun te se k'u ka koo muɲu tugu. Isirayɛli jama tagara ɲɔgɔn lajɛn Sayuli fɛ Giligali.

Jula NT of Côte d’Ivoire

⁴ A kɛra ten, Izirayɛlimɔgɔw bɛɛ ka o kibaroya mɛn, ko Sawuli tagara ben Filisikaw ta kɛrɛkɛdenw ta sigiyɔrɔ kan, ani ko o kosɔn Filisikaw dimina Izirayɛlimɔgɔw kɔrɔ kosɛbɛ. Izirayɛli ta kɛrɛkɛdenw bɛɛ welera ka taga lajɛn Giligali, Sawuli kɔrɔ.

Sam fɔlɔ 13:4 Iomraidhean Croise

Damina 34:30

Yakuba y'a fɔ Simeyɔn ni Levi ye ko: «Aw ye ne bila koo la ka ne koo goya jamana nin mɔgɔw ye, minw ye kanaanw ni periziw ye. Anw man ca. U bena ɲɔgɔn lajɛn ne kama ka ne kɛlɛ, ka ne ni n ka soo halaki.»

Damina 46:34

aw k'a fɔ a ye ko aw ye begɛnmaralaw ye kabini aw denmisɛn tuma i n'a fɔ aw faaw. O la, aw bena se ka sigi Gosɛn mara la, bari begɛnmarabaga koo man di Ezipitikaw ye fewu.»

Sam 2nan 10:6

Amoniw y'a ye ko Dawuda tun te se k'u ka koo nin muɲu tugu minkɛ, u wilila ka taga mɔgɔw ta kɛlɛdenya la. U tagara mɔgɔ waa mugan (20 000) ta Sirikaw fɛ Bɛtirewɔbu mara la ani Soba mara la fana, ka mɔgɔ waa kelen (1 000) ta Maaka mara masacɛ fɛ, ani ka mɔgɔ waa tan ni fila (12 000) ta Tɔbukaw fɛ.

Bɔri 5:21

U y'a fɔ u ye ko: «Aw ye baara min kɛ, Masaba k'o filɛ ka kiti tigɛ aw kan! Aw y'an koo goya masacɛ n'a ka mɔgɔbabaw ye, a kɛra i n'a fɔ aw ye murujan le don u bolo waasa k'an faga.»

Jakariya 11:8

O kɔ, ne ye dɛndɛbaga mɔgɔ saba gwɛn kalo kelen kɔnɔ. Sagaw nigɛ tun bɔra ne la, ne fana nigɛ bɔra u la.

Yosuwe 5:9

O kɔ, Masaba y'a fɔ Zozuwe ye ko: «Maloya min tun be aw kan Ezipiti, ne y'o bɔ aw kunna bii.» O la, u y'o yɔrɔ tɔgɔ la ko Giligali, halibi, u b'a wele ten.

Sam fɔlɔ 10:8

I bena taga ne ɲa Giligali, ne bena na i sɔrɔ yen, ka saraka jɛnitaw ni jɛnɲɔgɔnya sarakaw bɔ. I bena kɔnɔni kɛ tile wolonwula fɔɔ ne ka na i sɔrɔ. O waati la, e bena fɛɛn min kɛ, ne bena o fɔ i ye.»

Sam fɔlɔ 27:12

Akisi tun y'a jigi la Dawuda kan. A tun b'a kɔnɔ ko Dawuda koo tun man di a ka siya Isirayɛlidenw ye tugu, k'o la, a bena kɛ ale ka baarakɛla ye tuma bɛɛ.