Sam fɔlɔ 12:12 - ALA KA KUMA

¹² Nga tuma min na aw y'a ye ko amoniw ka masacɛ Naasi be nana aw kama, aw ko ne ma: ‹Ayi! Masacɛ bena sigi an kunna.› O y'a sɔrɔ Masaba aw ka Ala le tun ye aw ka masa ye.

Jula NT of Côte d’Ivoire

¹² «O kɔ, aw nana a ye ko Amɔnkaw ta masacɛ Nahasi bɛ wurira aw kama ka aw kɛrɛ minkɛ, aw k’a fɔ ne ye ko: ‹An t’a fɛ ka to tan, an b’a fɛ masacɛ dɔ le ye sigi an kunna›; k’a sɔrɔ Matigi Ala, aw ta Ala yɛrɛ le ye aw ta masacɛ ye.

Sam fɔlɔ 12:12 Iomraidhean Croise

Damina 17:7

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

Zaburu 74:12

Ala, ele le ye ne ka Masa ye kabini fɔlɔfɔlɔ. Ele le be kisili kɛ jamana nin kɔnɔ.

Ezayi 33:22

Sɔbɛ la, Masaba y'an ka kiti tigɛbaga ye, Masaba y'an ka sariya sigibaga ye. Masaba le y'an ka Masa ye, ale lo b'an kisi.

Yeremi 40:11

Zuwifu minw bɛɛ tun be Mowabu mara la, ni Amɔn, ni Edɔmu mara la, ani jamana tɔw bɛɛ kɔnɔ y'a mɛn ko Babilɔni masacɛ ye mɔgɔ damani to Zuda mara la, ani ka Safan dencɛ Ayikamu ka deen Gedaliya bila u kunna,

Oze ta kitabu 13:10

Aw ka masacɛ be min, waasa a k'aw kisi? Aw ka duguw ɲamɔgɔw bɛɛ be min? Aw le tun y'a ɲini n fɛ ko n ka masacɛ ni ɲamɔgɔw d'aw ma.

Jateri 23:21

A ma tilenbaliyako ye Yakuba kɔmɔgɔw la, a ma kojugu ye Isirayɛlidenw fɛ. Masaba u ka Ala tora u fɛ, Masaba ka folikan be bɔra u fɛ.

Kititigɛbagaw 8:23

Nga Zedeyɔn y'a fɔ u ye ko: «Ne tena sigi aw kunna, ne deen fana tena sigi aw kunna. Masaba le ye aw kuntigi ye.»

Kititigɛbagaw 9:18

Aw do wilila ne facɛ ka soo kama, k'a deen mɔgɔ bi wolonwula faga kabakuru kelen kan, k'a ka jɔnmuso deen Abimelɛki minɛ k'ale sigi masaya la, bari aw balima lo.

Sam fɔlɔ 10:19

Bii aw banna aw ka Ala la, ale min ye aw kisi aw ka tɔɔrɔw, n'aw ka sigɛn bɛɛ ma. Aw y'a fɔ a ye ko a ka masacɛ di aw ma. Ayiwa, sisan aw ye na Masaba ɲakɔrɔ sokala sokala ani fadenyabolo fadenyabolo.»

Sam fɔlɔ 8:3

Nga u ma sɔn k'u facɛ sɔɔn ta, u donna namara la ka to ka fɛɛnw minɛ mɔgɔw fɛ, u tun te kititilennin tigɛ tugu.