Sam fɔlɔ 11:11 - ALA KA KUMA

¹¹ O dugusagwɛ, Sayuli ye jama tilan sigiyɔrɔ saba. U tagara don amoniw ka kɛlɛbolo sigiyɔrɔ la, dugu tun ma gwɛ fɔlɔ, k'u kɛlɛ fɔɔ ka na se tilegwan ma. Mɔgɔ minw sera ka kisi, olu bɛɛ bolila u yɛrɛ kunfɛ, hali mɔgɔ fila yɛrɛ ma se ka to ɲɔgɔn fɛ.

Jula NT of Côte d’Ivoire

¹¹ O dugusagbɛ, Sawuli k’a ta kɛrɛkɛdenw taran ka o kɛ jɛnkuru saba. Su dugutarama fɛ, o tagara don Amɔnkaw cɛ ra, ka o faga fɔ ka taga se teregban wagati ma. Minw sera ka bɔsi, olugu borira ka janjan; o bɛɛ tagara o ta fan na kelen kelen; mɔgɔ fla ma taga fan kelen na.

Sam fɔlɔ 11:11 Iomraidhean Croise

Damina 22:14

Ibrayima y'o yɔrɔ nin tɔgɔ la ko Masaba bena o ɲanabɔ. Fɔɔ ka se bii ma, u b'a fɔ ko: «Masaba bena o ɲanabɔ a ka kulu kan.»

Sam 2nan 18:2

A ye kɛlɛdenw tilan saba ka Zowabu bila kelen kunna, k'a dɔgɔcɛ Abisayi bila kelen kunna, ani ka Gatika Itayi bila kelen kunna. O kɔ, a ko ale fana bena taga n'u ye kɛlɛ la.

Zaburu 46:1

Dɔnkililabagaw kuntigi ka dɔnkili. Kore kɔmɔgɔw ka dɔnkili dɔ. A be la ni muso kaan ye.

Bɔri 14:24

Dugugwɛdafɛ, ka Masaba to tasuma ni sankaba la, a ye Ezipiti kɛlɛdenw ka koo ɲagami.

Matiyu 7:2

Aw be tɔw kiti cogo min na, Ala bena aw kiti ten. Aw be tɔw ta suma ni sumanikɛfɛn min ye, Ala fana bena aw ta suma n'o le ye.

Yakuba 2:13

Bari mɔgɔ min te makari tɔw la, kiti tigɛlon na, Ala fana tena makari o tigi la. Nga minw be makari, olu te siran kiti ɲa.

Kititigɛbagaw 1:7

A y'a fɔ ko: «Masacɛ bi wolonwula bolokunnadenbaw ni senkunnadenbaw tigɛninw le tun be to ka ne ka dumuni murumuruw tɔmɔ duguma. Ne ye fɛɛn min kɛ, Ala y'o ɲɔgɔn le juru sara ne ye.» U y'a minɛ ka taga n'a ye Zeruzalɛmu, a sara o yɔrɔ la.

Kititigɛbagaw 4:16

Baraki tugura kɛlɛden nunu ni wotoro nunu kɔ fɔɔ ka taga se Arosɛtigoyimu. U ye Sizera ka kɛlɛdenw bɛɛ faga ni murujan ye, hali mɔgɔ kelen ma to.

Kititigɛbagaw 7:16

Zedeyɔn ye mɔgɔ kɛmɛ saba tilan sigiyɔrɔ saba, ka buru fiyɛta, ni daganinlakolon di u kelen kelen bɛɛ ma. Kala mananinw tun be o daga nunu kɔnɔ.

Kititigɛbagaw 7:20

Jɛnkulu saba nunu ye buruw fiyɛ, k'u ka daganinw cici, ka kala mananinw minɛ u numanbolow la, buru fiyɛtaw b'u kinibolow la. U pɛrɛnna ko: «Masaba ka murujan, ni Zedeyɔn ta!»

Kititigɛbagaw 9:43

Ale wilila k'a ka jama tilan saba, ka taga u dogo kongo kɔnɔ. A y'a ye dugu mɔgɔw be bɔra dugu kɔnɔ tuma min na, a wilila k'u kɛlɛ.

Sam fɔlɔ 11:2

Nga a y'u jaabi ko sanni ale ka sɔn ka teriya nin don n'u ye, k'u ka sɔn ale b'u kelen kelen bɛɛ kinibolo ɲaden cici, k'o la, ale bena Isirayɛlidenw bɛɛ maloya.

Sam fɔlɔ 14:47

Sayuli sigira masaya la Isirayɛlidenw kunna tuma min na, a y'a juguw bɛɛ kɛlɛ a lamini na. A ye mowabuw kɛlɛ, ka amoniw kɛlɛ, ka edɔmuw fana kɛlɛ, ka Soba masacɛw kɛlɛ, ka filisiw fana kɛlɛ. A mana taga kɛlɛ kɛ yɔrɔ o yɔrɔ, a tun be see sɔrɔ.