Sam fɔlɔ 10:6 - ALA KA KUMA

⁶ Masaba ka Nii bena don i la, e bena fara u kan ka kirayakuma fɔ fana. O la, i cogo bena yɛlɛma.

Jula NT of Côte d’Ivoire

⁶ Matigi Ala Nin* bɛna jigi i kan; ele fana bɛna ciraya kɛ ni o ye; i bɛna yɛlɛma ka kɛ i ko mɔgɔ suguya wɛrɛ.

Sam fɔlɔ 10:6 Iomraidhean Croise

Jateri 11:17

Ne bena jigi ka kuma i fɛ o yɔrɔ la. See min b'i fɛ, ne bena o ɲɔgɔn di u ma. U bena i dɛmɛ ka mɔgɔ nunu ka doni ta, janko i kana o ta i kelen.

Jateri 11:25

O kɔ, Masaba jigira sankaba la ka kuma a fɛ. See min tun be Musa fɛ, Masaba y'o ɲɔgɔn di cɛkɔrɔba bi wolonwula nunu ma. Ala ka Nii jigira u kan tuma min na dɔrɔn, u ye kiraya kɛ, nga o kɔ, u ma o kɛ tugu.

Jateri 11:26

Cɛɛ fila tun tora jama ka sigiyɔrɔ la, kelen tɔgɔ ko Ɛlidadi, kelen tɔgɔ ko Medadi. Olu niin tun be cɛkɔrɔba nunu na, nga u ma taga fanibugu daa la. O n'a ta bɛɛ, Ala Nii jigira u kan fana, u ye kiraya kɛ k'u to jama ka sigiyɔrɔ la.

Jateri 11:29

Musa y'a jaabi ko: «Keliya b'i la ne kosɔn wa? Ala m'a kɛra, Masaba ka mɔgɔw bɛɛ ka kɛ kiraw ye, Masaba k'a ka Nii don u bɛɛ la!»

Matiyu 7:22

Ni Ala ka kitilon nana se, mɔgɔ caaman ben'a fɔ ne ye ko: ‹Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.›

Kititigɛbagaw 14:6

Masaba ka Nii donna Samusɔn na, a ye jara nin minɛ k'a faran i n'a fɔ baden. O y'a sɔrɔ foyi tun t'a bolo. A fana ma foyi fɔ a facɛ n'a bamuso ye.

Kititigɛbagaw 15:14

A setɔ Lɛyi mara la, filisiw bɔra k'a kunbɛn n'u be pɛrɛnna. Masaba ka Nii donn'a la. A bolow tun sirinin be ni juru minw ye, olu kɛra i n'a fɔ biin jɛninin ka bɔ ka ben.

Kititigɛbagaw 3:10

Masaba ka Nii jigir'a kan. A kɛra cɛfari ye Isirayɛlidenw cɛma, a tagara kɛlɛ la. Masaba ye Mezopotami masacɛ Kusan Iriseyatayimu don a bolo, a fanga tɛmɛna ale ta kan.

Sam fɔlɔ 10:10

U sera Gibeya tuma min na, kiraw ka jɛnkulu dɔ nan'a kunbɛn. Ala ka Nii donn'a la, a y'a daminɛ ka kirayakuma fɔ fana u cɛma.

Sam fɔlɔ 10:9

Sayuli bɔra Samuyɛli kɔrɔ dɔrɔn, Ala ye Sayuli cogo yɛlɛma. Taamasiɲɛ nunu bɛɛ kɛra o loon kelen na.

Sam fɔlɔ 11:6

Sayuli y'o kuma mɛn dɔrɔn, Ala ka Nii donn'a la, a dimina kosɔbɛ.

Sam fɔlɔ 16:13

Samuyɛli ye gɔɔn ta, tulu be min kɔnɔ, k'a bɔn a kuun na a kɔrɔw ɲana. Masaba ka Nii donna Dawuda la kabini o loon na ani waati tɔɔ bɛɛ la. O kɔ, Samuyɛli wilila ka taga Arama.

Sam fɔlɔ 19:20

Sayuli ye mɔgɔw bila ko u ka taga Dawuda minɛ. Olu tagara kira jɛnkulu dɔ sɔrɔ, ni u be kiraya kɛra. Samuyɛli le tun be u ɲafɛ. Ala ka Nii ye Sayuli ka cidenw minɛ, olu fana y'a daminɛ n'u be kiraya kɛra.