Sam fɔlɔ 1:8 - ALA KA KUMA

⁸ A cɛɛ Ɛlikana y'a fɔ a ye ko: «Annɛ, mun na i be kasira? Mun na i te dumuni kɛ? Mun na i dusu cɛnnin lo ten? Ne man fisa ni deen tan ye i fɛ wa?»

Jula NT of Côte d’Ivoire

⁸ A cɛ Ɛlikana tun b’a fɔ a ye ko: «Ane, mun le ka i jusu kasi? Mun na i bɛ kasi ka ban domuni ma? O tuma ne kelen man fisa ele fɛ ni hali dencɛ tan ye wa?»

Sam fɔlɔ 1:8 Iomraidhean Croise

Mas 2nan 8:12

Azayɛli y'a fɔ ko: «Mun na e be kasira, matigi?» Elize y'a jaabi ko: «Bari i bena kojugu min kɛ Isirayɛlidenw na, ne y'o lɔn. I bena u ka dugu barikamanw jɛni, i bena u ka kanbelenw faga ni murujan ye, k'u ka denɲɛninw tereke ani k'u ka muso kɔnɔmanw kɔnɔw faran.»

Ayuba 6:14

Mɔgɔ min be tɔɔrɔ la, o tigi mako b'a teri ka makari la. N'o tɛ, a bena Setigi ɲasiranko dabila.

Zaburu 43:4

Ne bena taga e ka sarakabɔyɔrɔ kɔrɔ, ele Ala yɛrɛyɛrɛ kɔrɔ, ne ka nisɔndiya be bɔ ele min fɛ. Ne bena gɔni fɔ k'i tanu, e min ye ne ka Ala ye.

Ezayi 54:1

«Nisɔndiyapɛrɛnkan bɔ, Zeruzalɛmu, e muso wolobali! Ele min tun te deen sɔrɔla tugu. Pɛrɛn! Nisɔndiyamankan ci, ele min tun te deen wolola tugu, bari gwalemuso deenw cayara ni baaramuso taw ye.» Masaba ko ten.

Ezayi 54:6

I kɛra i ko muso, min cɛɛ mako t'a la, i dusukasinin lo. Masaba y'i wele ko i ka kɔsegi. I ka Ala ko: «Mɔgɔ be se k'a ka kanbelenya waati muso ka furu cɛn wa?

Yuhana 20:13

Mɛlɛkɛ nunu y'a ɲininga ko: «Muso, mun na i be kasira?» A y'u jaabi ko: «Dɔw ye ne Matigi suu ta ka bɔ a layɔrɔ la, ne m'a lɔn u y'a bila yɔrɔ min na.»

Yuhana 20:15

Yezu y'a fɔ a ye ko: «Muso, mun na i be kasira? I be jɔn le yɔrɔ ɲinina?» Mariyamu tun be miiri ko nankɔ kɔlɔsibaga lo, o la a y'a fɔ a ye ko: «Baba, ni ele lo y'a ta, e k'a bilayɔrɔ fɔ n ye n be taga ta.»

Tes fɔlɔ 5:14

An b'a ɲini aw fɛ n balimaw, ko aw ka mɔgɔkolonw ladi, ka siranbagatɔw jaa gwɛlɛya, ka barikatanw dɛmɛ, ani ka muɲu bɛɛ kɔrɔ.

Ruti 4:15

Deen nin bena i dusu saalo, ka kɛ i dɛmɛbaga ye n'i kɔrɔla tuma min na. Bari i biranmuso i koo ka di min ye haali ale ye deen sɔrɔ, o biranmuso nin ka fisa i fɛ ni dencɛ wolonwula ye.»

Sam fɔlɔ 1:7

Saan o saan, Ɛlikana tun be to k'a kɛ ten. Tuma o tuma ni Annɛ tagara Masaba ka soo, Penina tun be to k'o ɲɔgɔn kɛ a la. Saan dɔ la sa, Annɛ kasira ka ban dumuni na.