Sam fɔlɔ 1:18 - ALA KA KUMA

¹⁸ Annɛ y'a fɔ Eli ye ko: «I ka makari i ka jɔnmuso la.» O kɔ, muso nin tagara dumuni kɛ, a ɲada yɛlɛmana.

Jula NT of Côte d’Ivoire

¹⁸ Ane ko Eli ma ko: «Ala y’a kɛ i ye i hakiri to i ta jɔnmuso ra.» O kɔ, Ane tagara domuni kɛ; a m’a ɲa sisi tuun.

Sam fɔlɔ 1:18 Iomraidhean Croise

Damina 32:5

A y'a fɔ u ye ko u ka ta'a fɔ ale matigi Ezawu ye ko a ka jɔncɛ Yakuba y'a fɔ ko: «Ne tagara sigi Laban fɛ ka mɛn yen fɔɔ ka se sisan ma.

Damina 32:6

Misiw ni faliw ni begɛnmisɛnw, ni jɔncɛw ani jɔnmusow be ne fɛ. Ne be cii nin sama e, ne matigi Ezawu ma janko ne koo ka diya i ye.»

Damina 33:15

Ezawu ko: «Ne bena n ka mɔgɔ dɔw to n'i ye.» Yakuba ko: «Mun na? Min ka gwɛlɛ, o ye ne koo ka diya i ye dɔrɔn, ne matigi.»

Damina 33:8

Ezawu ko: «Ne ye begɛnkulu minw kunbɛn, o kɔrɔ ye mun ye?» Yakuba y'a jaabi ko: «Janko ne koo ka diya i ye, ne matigi.»

Zaburu 34:6

N'i y'i ɲaa sin a ma, i be nisɔndiya, maloya fana t'i sɔrɔ.

Waajurikɛbaga 9:7

Ayiwa, i ka dumuni kɛ nisɔndiya la, i nisɔn diyanin k'i ka minni kɛ. Bari Ala sɔnna i ka baaraw ma ka ban.

Yuhana 16:24

Fɔɔ ka na se sisan ma, aw ma foyi daali ni ne tɔgɔ ye fɔlɔ. Aw ka daalili kɛ, aw bena sɔrɔli kɛ, janko aw ka nisɔndiya ka dafa.»

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Ruti 2:13

Uruti ko: «Ne koo ka diya i ye, matigi! Bari i ye kumaɲuman fɔ k'i ka baaraden jigi tugu, ne do t'i ka baaraden bɔ.»

Ruti 2:2

Loon dɔ, Uruti ka bɔ Mowabu y'a fɔ Nawomi ye ko: «N b'i daali ko i ka sira di n ma, n be taga fɛfɛri kɛ mɔgɔ dɔ fɛ, min bena sɔn ka makari n na.» Nawomi y'a jaabi ko: «Taga n denmuso.»