Piy fɔlɔ 5:9 - ALA KA KUMA

⁹ Aw ka jija k'aw jigi to Matigi kan kosɔbɛ, waasa a kana se aw kɔrɔ. Aw k'a lɔn k'o tɔɔrɔ nin ɲɔgɔn b'aw baden tɔw kan yɔrɔ wɛrɛw la.

Jula NT of Côte d’Ivoire

⁹ Aw sinsinnin ye to lanaya ra ka lɔ, ka a kɛrɛ, k’a lɔn ko aw balema lanabaga minw bɛ dunuɲa kɔnɔ, ko o tɔɔrɔw ɲɔgɔnw le bɛ olugu fana kan.

LAYIDUKURA

⁹ Aw ka jija k'aw jigi to Matigi kan kosɛbɛ, waasa a kana se aw kɔrɔ. Aw k'a lɔn k'o tɔɔrɔ nin nyɔgɔn b'aw baden tɔw kan yɔrɔ wɛrɛw la.

Piy fɔlɔ 5:9 Iomraidhean Croise

Luka 22:32

nga, ne ye Ala daali i ye waasa i ka lanaya kana cɛn. N'i segira ne ma tuma min na, e k'i tɔɲɔgɔnw dɛmɛ.»

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kor fɔlɔ 10:13

Kɔrɔbɔli minw y'aw sɔrɔ, o bɛɛ ɲɔgɔn delila ka adamaden sɔrɔ. Ala ye kantigi ye, ale tena sɔn aw ka kɔrɔbɔ fɔɔ ka taga tɛmɛ aw barika danyɔrɔ kan. Ni kɔrɔbɔli sera, a bena bɔyɔrɔ d'aw ma ani ka barika don aw la ka se k'o muɲu.

Ɛfɛsikaw 4:27

Aw kana donyɔrɔ di Sutana ma.

Ɛfɛsikaw 6:16

Lanaya min b'aw la, aw k'o kɛ i n'a fɔ kɛlɛden ka nigɛkunbɛnnan, ka se ka Sutana ka biɲɛ tasumaman bɛɛ faga n'o ye.

Kɔlɔsikaw 2:5

Tiɲɛ lo, ne te aw cɛma, nga ne hakili be aw la, ne nisɔndiyanin be k'a ye ko aw bɛnnin lo kosɔbɛ, ani ko aw jijanin lo ɲɔgɔn fɛ k'aw jigi la Krista kan.

Tes fɔlɔ 3:3

waasa aw, mɔgɔ si fari kana faga tɔɔrɔ kosɔn minw y'aw sɔrɔ sisan, bari aw yɛrɛ b'o lɔn ka ban ko wajibi lo, o k'an sɔrɔ.

Tim fɔlɔ 6:12

I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Tim 2nan 3:12

Mɔgɔ minw bɛɛ b'a fɛ ka jɛn ni Yezu Krista ye ka kɛ Alaɲasiranbagaw ye sɔbɛ la, olu bena tɔɔrɔ sɔrɔ.

Tim 2nan 4:7

Ne ye baara kɛ ka ɲa i ko sɔlidasiɲuman, kɛlɛkɛyɔrɔ la. Ne sera ne ka boli danyɔrɔ ma, n jigi lanin tora Matigi kan.

Heburuw 11:33

U ka lanaya kosɔn, u sera jamana wɛrɛw kɔrɔ k'u mara, ka tilenninya sigi. Ala y'a daa di min na, u y'o sɔrɔ. U ye jaraw daaw siri,

Heburuw 12:8

Ala b'a ka deenw bɛɛ ladi. N'a t'aw ladi, o tuma na aw te a deenw ye, aw ye ɲamɔgɔdenw le ye.

Yakuba 4:7

Aw k'aw yɛrɛ majigi Ala ye ka ban Sutana ma. O la, a bena aw ye k'aw to yen.

Piy fɔlɔ 1:6

O la, hali k'aw to dusukasi la waati dɔɔni nin yɛrɛ kɔnɔ tɔɔrɔ sifa caaman na, aw ka nisɔndiya kosɔbɛ.

Piy fɔlɔ 2:21

Ala y'aw wele o yɛrɛ le kama. Bari Krista fana tɔɔrɔla aw kosɔn. A ye wale yira aw la, aw ka kan k'a nɔɔ ta.

Piy fɔlɔ 3:14

Hali n'aw be tɔɔrɔ sɔrɔ aw ka koɲuman kosɔn, dagamu ye aw ta ye. Aw kana siran mɔgɔ si ɲa, aw hakili kana ɲagami.

Piy fɔlɔ 4:13

Nga aw ka nisɔndiya bari aw y'aw niyɔrɔ sɔrɔ Krista ka tɔɔrɔ la. O la, ni Krista nana n'a ka nɔɔrɔ ye tuma min na, aw ka se ka nisɔndiya kosɔbɛ.

Yirari 1:9

An minw kɛra masadenw ye n'an be tɔɔrɔ muɲuna Yezu kosɔn, ne Zan, aw baden, ne tun be jamanadennin dɔ la kɔgɔji cɛma min tɔgɔ ko Patimɔsi, Ala ka kuma ni Yezu seereya kama.

Yirari 6:11

O la, fani gwɛman dira u kelen kelen bɛɛ ma, k'a fɔ u ye k'u ka muɲu dɔɔni, sanni u baarakɛɲɔgɔnw, n'u balimaw bɛɛ ka na, u bena minw faga i n'a fɔ olu.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.