Piy fɔlɔ 5:8 - ALA KA KUMA

⁸ Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Jula NT of Côte d’Ivoire

⁸ Aw ye aw yɛrɛ minacogo lɔn, ka aw janto aw yɛrɛ ra; sabu aw jugu Setana bɛ yaalayaala i ko jara kɔngɔtɔ bɛ kasi cogo min na, k’a ta domuta ɲini.

LAYIDUKURA

⁸ Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana b'a la ka munumunu i n'a fɔ jara, a b'a fɛ ka dɔ le minɛ k'a nyimi.

Piy fɔlɔ 5:8 Iomraidhean Croise

Ɛsitɛri 7:6

Ɛsitɛri y'a fɔ k'o cɛnnikɛbaga nin n'o jugu nin ye Aman ye, mɔgɔjugu nin! Siranya ye Aman minɛ k'a to masacɛ n'a ka muso ɲakɔrɔ.

Ayuba 2:2

Masaba ye Sutana ɲininga ko: «E bɔra min?» Sutana y'a jaabi ko: «N bɔra diɲɛ yaalayɔrɔ, ne munumununa yen.»

Zaburu 104:21

Jaradenw be sɔngɔ u ka dumuni kɔ, u b'u niyɔrɔ daalila Ala fɛ.

Zaburu 109:6

U ko: «A ka don mɔgɔjugu bolo. Jalakibaga ka sɔrɔ a la a kinibolo fɛ.

Zanaw 19:12

Masacɛ diminin be i ko jara sɔngɔtɔ. Nga a ka ɲumanya be i ko komiji, biin kan.

Zanaw 20:2

Masacɛ diminin ni jara sɔngɔtɔ ɲasiran ye kelen ye. A dusu dimibaga be farati a nii kosɔn.

Zanaw 28:15

Mɔgɔjugu ka kɛ kuntigi ye fantanjamana na, o ni jara ŋunatɔ, walima warajugu kɔngɔtɔ ka kan.

Ezayi 50:8

Min be tiɲɛ di ne ma, ale yɔrɔ man jan. Jɔn b'a fɛ ka ne kiti? O tigi ka na, an be taga kititigɛyɔrɔ la ɲɔgɔn fɛ. Ne kɛlɛɲɔgɔn ye jɔn ye? O tigi ka gwɛrɛ ne la.

Yeremi 2:15

Jaraw ŋunanna olu kama kosɔbɛ. U y'u ka jamana halaki, u ka duguw jɛnina, u lakolon lo.

Yeremi 51:38

Babilɔnikaw bɛɛ be ŋunanna i ko jaraw, u be sɔngɔra i ko kongosogow.

Ezekiyɛli 19:7

A y'u ka masasow cɛn k'u ka duguw halaki. Jamana n'a kɔnɔ mɔgɔw bɛɛ jaa tigɛra a kasikan kosɔn.

Ezekiyɛli 22:25

A ɲamɔgɔw be i n'a fɔ jara kɔngɔtɔ, min be sogo minɛna. U bɛnna ka mɔgɔw faga, ka mɔgɔw ka wari n'u bololafɛnw soɲa, ka firiyamusow caya dugu kɔnɔ.

Daniyɛli 6:24

O tuma na, masacɛ nisɔn diyara kosɔbɛ. A y'a fɔ k'u ka Daniyɛli bɔ dingɛ kɔnɔ. U y'a bɔ dingɛ kɔnɔ k'a ye ko foyi ma kɛ a la. Bari a tun y'a jigi la a ka Ala kan.

Oze ta kitabu 11:10

U bena na tugu ne Masaba kɔ, n bena ŋunan i ko jara. Ni n ŋunanna, n deenw bena boli minɛ ka bɔ tileben fɛ ka na.

Oze ta kitabu 13:8

N'u ye wara deenw ta, a be fariya cogo min na, ne bena fariya u ma ten. Ne bena u boso le, k'u ɲimi i ko jara. Kongosogo bena u faranfaran.

Amɔsi 1:2

A ko: «Masaba be sɔngɔra *Siyɔn, a be pɛrɛnna Zeruzalɛmu. Sagaw ka ɲiminikɛyɔrɔw be halakila. Karimɛli kulu sanfɛla be jara.»

Amɔsi 3:4

Jaracɛ be sɔngɔ tuu kɔnɔ n'a ma sogo sɔrɔ wa? Jara kanbelen be kasi a layɔrɔ la n'a ma sogo dɔ minɛ wa?

Amɔsi 3:8

Ni jara sɔngɔra, jɔn lo te siran? Ni Matigi, Masaba kumana, jɔn lo t'o kiraya kɛ?

Jakariya 11:3

Sagadɛndɛbagaw kasikan be bɔra bari u ka yɔrɔɲumanw nagasira. Jaraw kasikan be bɔra bari Zurudɛn bada tuu halakira.

Jakariya 3:1

O kɔ, Masaba ye sarakalasebagaw kuntigi Zozuwe yira ne la. A lɔnin tun be Masaba ka mɛlɛkɛ ɲafɛ. Mɔgɔ jalakibaga Sutana lɔr'a kinibolo la, waasa k'a jalaki.

Matiyu 13:39

Jugu min ye binjugu kisɛ seri foro nin kɔnɔ, o ye Sutana yɛrɛ ye. Sumantigɛtuma, o ye diɲɛ laban tuma ye. Sumantigɛlaw ye mɛlɛkɛw ye.

Matiyu 24:42

O la, aw labɛnnin ka to, bari aw t'aw ka Matigi nalon lɔn.

Matiyu 25:41

O kɔ, a ben'a fɔ a numanbolo la mɔgɔw ye ko: ‹Aw ye taga ka bɔ ne kɔrɔ, mɔgɔjuguw. Aw ye taga jahanama na, min labɛnna Sutana n'a kɔmɔgɔw ye,

Matiyu 4:1

O kɔ, Nii Senuman y'a kɛ Yezu tagara kongokolon kɔnɔ janko Sutana k'a kɔrɔbɔ.

Matiyu 4:11

O tuma na, Sutana tagara k'a to yen. Mɛlɛkɛ dɔw nan'a mako ɲa.

Marika 4:15

Kuma serituma na, mɔgɔ dɔw be i n'a fɔ sirada. N'u y'o kuma mɛn dɔrɔn, Sutana be na k'o kuma bɔ u kɔnɔ.

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Luka 22:31

Yezu y'a fɔ ko: «Simɔn, Simɔn, Sutana ye sira ɲini waasa k'i yuguyugu i n'a fɔ mɔgɔ be mugu tɛntɛn cogo min na,

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini diɲɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tiɲɛ fɔ ka ye, bari tiɲɛtigi tɛ. N'a be kuma o kuma fɔ, o bɛɛ be kɛ galon ye, bari, ale yɛrɛ le ye galon faa ye.

Kor 2nan 2:11

waasa an kana sira di Sutana ma a ka see an kɔrɔ bari an b'a ka miiriya lɔn.

Ɛfɛsikaw 4:27

Aw kana donyɔrɔ di Sutana ma.

Ɛfɛsikaw 6:11

Aw ka Ala ka kɛlɛkɛminanw bɛɛ ta waasa aw ka se ka lɔ ka ɲa ka Sutana ka namaraw kunbɛn.

Tim fɔlɔ 2:15

O bɛɛ n'a ta, muso bena kisi a ka denwolo kosɔn, n'a jigi tora Ala kan, ka to kanuya la, ani k'a taamacogo bɛn Ala sago ma.

Tim fɔlɔ 2:9

O cogo kelen na fana, ne b'a ɲini musow fɛ ko u k'u yɛrɛ masiri cogo bɛnnin na, ka fani don minw b'u sutura. O ɲaji kana caya u ka masirifɛnw la, i n'a fɔ u kunsigi labɛncogo, walima ka sanu don, ani kɔnɔkisɛ ani fani sɔngɔgwɛlɛnw.

Tim fɔlɔ 3:11

Muso minw b'a fɛ k'o baara ɲɔgɔn kɛ fana, olu ka kan ka kɛ mɔgɔsɔbɛw ye. U kana kɛ mɔgɔ tɔgɔcɛnbagaw ye. U ka kan k'u yɛrɛ kɔlɔsi kosɔbɛ ani ka tilenninya kɛ koo bɛɛ la.

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Tite 1:8

A tigi ka kan ka kɛ mɔgɔ ye min be lonanw ladon, koɲuman ka di a ye, miiriɲumantigi, mɔgɔsɔbɛ, mɔgɔsaniyanin, ani yɛrɛminɛla.

Tite 2:12

Ale min b'a yira an na ko an ka siran Ala ɲa ani ka ban nin diɲɛ nigɛjuguw la, waasa k'an to bii diɲɛ na, an ka se k'an yɛrɛ minɛ ka taama tilenninya la Ala ɲakɔrɔ.

Tite 2:2

A fɔ cɛkɔrɔbaw ye k'u ka kɛ mɔgɔsɔbɛw ye, u be minw jati minw ka miiriya ka ɲi, jigi be minw fɛ kosɔbɛ, ni kanuya ni muɲuli.

Tite 2:4

O la, muso minw ma kɔrɔ fɔlɔ, u b'u dɛmɛ u k'u cɛɛ n'u deenw kanu.

Tite 2:6

O cogo kelen na fana, i ka kanbelenw ladi k'olu ka kɛ mɔgɔsɔbɛw ye

Yakuba 4:7

Aw k'aw yɛrɛ majigi Ala ye ka ban Sutana ma. O la, a bena aw ye k'aw to yen.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Yirari 12:10

O kɔ, pɛrɛnkan dɔ bɔra arijana na ko: «K'a ta bii ma, an ka Ala ka kisili n'a ka sebagaya n'a ka masaya waati sera. Ala ka Mɔgɔ wolomanin ka setigiya waati lo, bari an badenw jalakibaga ka fanga nagasira. Ale lo tun b'u jalaki suu ni tile k'u lɔ kiti la Ala ɲafɛ.

Yirari 12:12

O kama, sigiyɔrɔ b'aw minw fɛ arijana na, aw ka nisɔndiya. Nga bɔnɛ ye aw diɲɛ mɔgɔw ni kɔgɔji kɔnɔ fɛɛnw ta ye, bari Sutana dimininba jigira aw fɛ. A b'a lɔn ko a halakilon tɔɔ man jan tugu.»

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 20:10

O tuma na, u ye adamadenw lafilibaga minɛ, n'o ye Sutana ye, k'a fili jahanama kɔnɔ, kiribi mananin be min kɔnɔ. A tagara Sogo nin n'a yɛrɛ ka kira sɔrɔ yen. U bena tɔɔrɔ yen tuma bɛɛ, u tena bɔ abada.

Yirari 20:2

A ye Sogojugu nin minɛ, min ye sakɔrɔ nin ye, n'o ye Sutana ye fana. A y'a minɛ ka jɔrɔkɔ kɛ a la, a ka kan ka saan waa kelen kɛ jɔrɔkɔ la.

Kititigɛbagaw 14:5

A tagara n'a facɛ n'a bamuso ye Timuna. K'o to sira kan, u sera *ɛrɛzɛnforow cɛma, minw ye Timunakaw ta ye, jarakanbelen dɔ bɔr'a kama n'a be sɔngɔra.