Piy fɔlɔ 5:4 - ALA KA KUMA

⁴ O la, n'aw Kuntigiba nana, a bena masafugulan cɛnbali d'aw ma, nɔɔrɔ be min na.

Jula NT of Côte d’Ivoire

⁴ Ni o kɛra, ni sagagbɛnbagaw Kuntigiba nana a yɛrɛ yira lon min na, masafugula nɔɔrɔman min tɛ cɛn, aw bɛna o le sɔrɔ aw ta baraji ye.

LAYIDUKURA

⁴ O la, n'aw ka Kuntigiba nana, a bɛna masafugulan cɛnbali d'aw ma, nɔɔrɔ bɛ min na.

Piy fɔlɔ 5:4 Iomraidhean Croise

Zaburu 23:1

Dawuda ka dɔnkili dɔ. Masaba le ye ne marabaga ye, i ko sagadɛndɛbaga, o la, ne tena dɛsɛ foyi la.

Ezayi 40:11

A b'a ka mɔgɔw kɔlɔsi i ko begɛndɛndɛbaga. A be sagadenw minɛ k'u ta a disi la, ka tugu u bamusow kɔ dɔɔni dɔɔni.»

Ezekiyɛli 34:23

Ne bena sagadɛndɛbaga kelen bila u kunna, ale bena u kɔlɔsi. O ye ne ka baarakɛla Dawuda ye. Ale lo bena janto u la, ka kɛ u kɔlɔsibaga ye.

Ezekiyɛli 37:24

Ne ka baarakɛla Dawuda bena sigi u kunna. Marabaga kelen bena kɛ u fɛ. U bena ne ka fɔtaw bato ka ne ka kolatigɛninw kɛ ka ɲa.

Daniyɛli 12:3

Minw ye lɔnnikɛlaw ye, ani minw be mɔgɔw kalan tilenninya la, olu ka koo bena ɲa kosɔbɛ, u bena manamana tuma bɛɛ i n'a fɔ lolow.

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Yuhana 10:11

Ne ye sagaw dɛndɛbagaɲuman ye. Sagaw dɛndɛbaga ɲanaman b'a nii di a ka sagaw kosɔn.

Kor fɔlɔ 9:25

Farikolo tolonkɛlaw b'u yɛrɛ tanga fɛɛn caaman ma, waasa u ka se ka sara sɔrɔ min bena ban, nga an kɔni b'a kɛ sara kosɔn min te ban ka ye.

Tim 2nan 4:8

Sisan yɛrɛ, ne ka see sɔrɔli sara be ne makɔnɔna, o ye tilenninya sara ye, Matigi min kɛra kititigɛla tilennin ye, a bena o di ne ma laban loon na. A tena o di ne kelen dama ma dɛ, nga mɔgɔ minw b'a ka nali makɔnɔna ni nisɔndiya ye, a ben'a di olu bɛɛ ma fana.

Heburuw 13:20

Hɛrɛ tigi Ala min ye bɛɛn cɛnbali sigi n'an Matigi Yezu joli ye, ale min y'a sanin kunun k'a kɛ a ka jama kɔlɔsibaga ye,

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Piy fɔlɔ 1:4

ani ka niyɔrɔ d'an ma, min te cɛn, a te nagasi, nɔgɔ te se a ma ka ye. A maranin b'aw ye arijana na,

Piy fɔlɔ 2:25

Bari aw tun be i ko sagaw, minw be yaalala u kunfɛ, nga sisan, aw ɲaa yɛlɛmana ka sin aw dɛndɛbaga ma, min ye aw Kɔlɔsibaga ye.

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka ɲa ni dusuɲuman ye ka kɛɲɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔɲini kana sɔrɔ a la.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Yirari 1:7

Ayiwa, a bena na sankaba kan. Mɔgɔ bɛɛ ben'a ye. Hali minw tun y'a sɔgɔ, u ben'a ye. Siyaw bɛɛ bena kasi ale kosɔn. Ɔnhɔn, a bena kɛ ten. Amiina.

Yirari 2:10

Tɔɔrɔ min bena aw sɔrɔ, aw kana siran o ɲa. Ayiwa, aw cɛma, mɔgɔ damani bena kaso kɛ Sutana sababu la. A bena o kɛ k'aw kɔrɔbɔ. Aw bena tɔɔrɔ tile tan kɔnɔ. Aw ka kɛ kantigiw ye fɔɔ ka taga se saya ma, n'o kɛra, aw bena nii banbali sɔrɔ ne barika la.

Yirari 3:11

N be na yanni dɔɔni. Aw ye jija k'aw yɛrɛ kɔlɔsi waasa mɔgɔ si kana na aw ka sara bɔsi aw la.