Piy fɔlɔ 5:3 - ALA KA KUMA

³ Minw kalifara aw ma, aw kana kuntigiya digi u la dɛ! Nga aw ka siraɲuman yira u la.

Jula NT of Côte d’Ivoire

³ Minw karifara aw ma, aw kana aw fanga digi olugu kan, nka aw yɛrɛ ye kɛ o ɲayirabagaw ye.

LAYIDUKURA

³ Minw kalifara aw ma, aw kana kuntigiya digi u la dɛ! Nga aw ka siranyuman yira u la.

Piy fɔlɔ 5:3 Iomraidhean Croise

Zaburu 33:12

Masaba ye siya min ka Ala ye, o siya nin dagamuna. A ye jama min woloma k'a kɛ a ta ye, o fana dagamuna.

Zaburu 74:2

I hakili to i ka jama na, e ye min kɛ i yɛrɛ ta ye koow daminɛ na. E niyɔrɔ siya lo, e y'i janto min na. I hakili to *Siyɔn kulu la, e ka sigiyɔrɔ.

Ezekiyɛli 34:4

Aw ma saga barikatanw dɛmɛ, aw ma saga banabagatɔw furakɛ, aw ma saga mandimininw joliw furakɛ. Saga minw tun be tagara yɔrɔ wɛrɛ, aw ma olu gwɛn ka na. Minw tununa, aw ma olu ɲini. Aw y'u mara ni fariya ye, aw ma makari u la.

Mise 7:14

I ka bere kɛ k'i ka jama mara. I ka sagakulu lo, i niyɔrɔ lo, minw siginin be u kelen na, tuu kɔnɔ, yiriforow cɛma. Taga u dɛndɛ *Basan ni Galaadi i ko a tun be cogo min na fɔlɔfɔlɔ la.

Jateri 18:7

Nga e n'i dencɛw dɔrɔn be se ka sarakalasebaara kɛ sarakabɔyɔrɔ la, ani ne sigiyɔrɔ la, soo cɛtigɛfani kɔfɛ. Ne be sarakalasebaara dira aw ma k'aw boɲa. Ni mɔgɔ o mɔgɔ gwɛrɛla ne la min te Levi kɔmɔgɔ ye, u k'a faga.»

Yuhana 13:15

Ne y'o kɛ janko k'o ɲaa yira aw la. Ne ye fɛɛn min kɛ aw ye, aw k'o ɲɔgɔn kɛ aw mɔgɔɲɔgɔnw ye.

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Kor fɔlɔ 11:11

O bɛɛ n'a ta, muso te se ka faran ka bɔ cɛɛ la, ani cɛɛ fana te se ka faran ka bɔ muso la, Matigi ɲakɔrɔ.

Kor fɔlɔ 3:5

Apolɔsi ye jɔn ye, ani Pɔli ye jɔn ye? Baarakɛlaw dama lo, minw sababu la aw sɔnna Matigi ma. U kelen kelen bɛɛ y'u ka baara kɛ, Matigi ye min d'u ma.

Kor fɔlɔ 3:9

bari anw kɛra baarakɛɲɔgɔnw ye Ala ka baara la, aw ye Ala ka foro, n'a ka soo ye a be min lɔra.

Kor 2nan 1:24

A ma kɛ ko anw b'a fɛ ka koo dɔ wajibiya aw kunna lanaya faan fɛ dɛ, nga an b'aw dɛmɛna le janko aw ka nisɔndiya, bari aw banbanin lo lanaya la.

Kor 2nan 4:5

An t'an yɛrɛ koo fɔra aw ye dɛ, Yezu Krista min ye Matigi ye, an be ale lo koo fɔra. Anw kɔni be baara kɛ aw ye Yezu kosɔn.

Sariya 32:9

Bari Masaba ye Isirayɛlidenw mara a yɛrɛ ye, a ye Yakuba kɔmɔgɔw kɛ a yɛrɛ ta ye.

Filipikaw 3:17

N balimaw, aw ka kɛ ne ladegebagaw ye, anw ye cogoɲuman min yira aw la, aw ka tugu o kɔ i n'a fɔ tɔw.

Filipikaw 4:9

Aw ye koo minw dege ne ka kuma ni n ka kɛwaliw la, aw ka jija k'olu kɛ. O la, Hɛrɛtigi Ala bena to n'aw ye.

Tes fɔlɔ 1:7

A kɛra ten, mɔgɔ minw lara Yezu la Maseduwani ni Girɛsi mara la, aw ka koo kɛra ladegeta ye olu bɛɛ fɛ.

Tes 2nan 3:9

A ma kɛ ko an tun man kan n'o ye. An tun ka kan n'a ye, nga an tun b'a fɛ ka koo le ɲayira aw la.

Tim fɔlɔ 4:12

Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Tite 2:7

fɛɛn bɛɛ la. I ka cogoɲuman yira u la, n'i b'u kalana i kɔnɔgwɛ ka o kɛ ni ɲamalɔ ye.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.