Piy fɔlɔ 5:10 - ALA KA KUMA

¹⁰ Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Jula NT of Côte d’Ivoire

¹⁰ Ayiwa, nɛɛma bɛɛ tigi Ala min ka aw wele janko aw ye aw ninyɔrɔ sɔrɔ a ta nɔɔrɔ banbari ra, Kirisita ta jɛnɲɔgɔnya ra, ni aw tɔɔrɔra wagati dɔɔnin, ale yɛrɛ bɛna aw bɔsi, ka aw ja gbɛlɛya, ka aw baraka bonya, k’a to foyi kana se ka aw bɔ a nɔ ra.

LAYIDUKURA

¹⁰ Nga tɔɔrɔ dɔɔni tɛmɛnin kɔ, Nyumanyatigi Ala o min y'aw wele waasa aw k'ale ka nɔɔrɔ banbali nyɔgɔn sɔrɔ Krista barika la, ale le bɛna barika don aw la, k'aw ka koo sabati, bagabagali kana se aw kɔrɔ.

Piy fɔlɔ 5:10 Iomraidhean Croise

Zaburu 119:28

Dusukasi y'a to ne be kasi, ne dɛmɛ i ka fɔta kosɔn.

Zaburu 138:7

Hali ni ne be dusukasi la, e b'a kɛ n be to nii na, e ka fanga be ne kisi. E b'a kɛ n juguw ka dimi be to u la.

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Jakariya 10:12

Ne bena fanga d'u ma. U bena taama ne sago la.» Masaba le ko ten.

Jakariya 10:6

Ne bena barika don Zuda mara mɔgɔw la, ne bena Yusufu ka somɔgɔw kisi. Ne bena hɛrɛ kɛ u ye tugu, bari u makari be ne la. A bena kɛ i ko ne tun ma deli k'u fili, bari ne ye Masaba u ka Ala ye, ne bena u ka daalili jaabi.

Luka 22:32

nga, ne ye Ala daali i ye waasa i ka lanaya kana cɛn. N'i segira ne ma tuma min na, e k'i tɔɲɔgɔnw dɛmɛ.»

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 15:5

Ala min be muɲuli di mɔgɔ ma ani k'a jigi tugu, ale k'aw ka miiriya kɛ kelen ye i n'a fɔ Yezu Krista b'a ɲini cogo min na,

Rɔmukaw 16:25

An ka Ala fo, ale min be se ka barika don aw la Yezu Krista ka kibaru diman kosɔn, ne be min fɔ ka kɛɲɛ ni tiɲɛ ye an y'o min lɔn, o min tun kɛra gundo ye kabini fɔlɔfɔlɔ.

Rɔmukaw 9:11

Ala tun b'a fɛ a ka koo latigɛnin ka kɛ a ka mɔgɔ wolomani koo la minkɛ, o la, o deen nunu tun ma wolo fɔlɔ, u tun ma sɔrɔ ka koɲuman, walima kojugu kɛ fɔlɔ,

Rɔmukaw 9:24

O kɔrɔ ko a ye an minw wele, a ma weleli kɛ ka bɔ zuwifuw dama cɛma, nga a ye dɔw fana wele ka bɔ siya wɛrɛw cɛma.

Kor fɔlɔ 1:10

Ne b'aw daali n balimaw, an Matigi Yezu Krista tɔgɔ kosɔn ko aw k'aw daa kɛ kelen ye, farali kana sɔrɔ aw cɛma. Aw ka miiri ka kɛ kelen ye aw ka kolatigɛnin bɛɛ la.

Kor fɔlɔ 1:9

Ala ye kantigi ye. A y'aw wele ka kɛ a Dencɛ an Matigi Yezu Krista jɛnɲɔgɔnw ye.

Kor 2nan 13:11

Sisan n balimaw, aw ka to nisɔndiya la, ka jija ka kɛ mɔgɔdafaninw ye, ka ɲɔgɔn jaa gwɛlɛya, ka bɛn kosɔbɛ, ani ka to hɛrɛ la ɲɔgɔn fɛ. N'o kɛra, kanuyatigi Ala, min ye hɛrɛtigi ye, ale bena to n'aw ye.

Kor 2nan 4:17

Waati dɔɔni tɔɔrɔ minw b'an sɔrɔ, o te foyi ye. An bena boɲa min sɔrɔ o tɔɔrɔ nin kosɔn, o ka bon haali.

Filipikaw 4:13

Krista min be see di ne ma, ale barika la ne be se ka o koow bɛɛ kɛ.

Kɔlɔsikaw 2:7

Aw k'aw yɛrɛ d'a ma, ka nɔrɔ a la, ka jija k'aw jigi la a kan ka kɛɲɛ ni kalan ye aw ye min kɛ, ani aw ka barika la Ala ye kosɔbɛ.

Tes fɔlɔ 2:12

An y'aw ladi, k'aw jaa gwɛlɛya, ani an y'a ɲini aw fɛ kosɔbɛ ko aw k'aw taamacogo bɛn ni Ala sago ye, ale min b'aw wele janko aw ka don a ka masaya la, ani k'a nɔɔrɔ sɔrɔ.

Tes 2nan 2:14

A y'aw wele o le kama an ka kibaru diman fɔli barika la, janko aw k'an Matigi Yezu Krista ka nɔɔrɔ sɔrɔ.

Tes 2nan 2:17

olu k'aw jaa gwɛlɛya, ani ka barika don aw la koo bɛɛ la, baara ni kuma na.

Tes 2nan 3:3

Nga Matigi ye kantigi ye, a bena jagwɛlɛya d'aw ma ani k'aw tanga juguman ma.

Tim fɔlɔ 6:12

I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Tim 2nan 2:10

O le y'a to ne be koo bɛɛ muɲu Ala ka mɔgɔ wolomaninw kosɔn, waasa olu fana ka kisi Yezu Krista barika la, ani ka boɲa sɔrɔ daan te min na.

Heburuw 9:15

Krista kɛra Ala ni mɔgɔw cɛ, ka bɛnkura sigi janko Ala y'a daa di cɛɛn banbali min la, a ka mɔgɔ weleninw ka se k'o sɔrɔ Krista ka saya kosɔn. A ye min kɛ k'u tila u ka kojuguw la, u ye minw kɛ bɛnkɔrɔ tile la.

Piy fɔlɔ 1:15

Nga aw ka kɛ mɔgɔɲumanw ye aw ka kokɛtaw bɛɛ la i n'a fɔ aw Welebaga.

Piy fɔlɔ 4:10

Aw kelen kelen bɛɛ ye seko min sɔrɔ Ala fɛ, minw be danna danna, aw k'o kɛ ka tɔw mako ɲa. O la, aw bena baaraɲuman kɛ ni Ala ka nɛɛma ye.

Piy fɔlɔ 4:11

Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Zan fɔlɔ 2:25

Krista y'a daa di an ma koo min na, o ye nii banbali ye.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,