Piy fɔlɔ 4:9 - ALA KA KUMA

⁹ Aw ka ɲɔgɔn ladon ka ɲa, ŋunuŋunu kana sɔrɔ a la.

Jula NT of Côte d’Ivoire

⁹ Aw ye sɔn ka ɲɔgɔn lajigi aw ta sow kɔnɔ; o kana kɛ ni ɲɔgɔnkɔrɔfɔ ye.

LAYIDUKURA

⁹ Aw ka nyɔgɔn ladon ka nya, ;nunu;nunu kana sɔrɔ a la.

Piy fɔlɔ 4:9 Iomraidhean Croise

Damina 24:19

Cɛɛ ye jii min ka ban tuma min na, sunguru nin ko: «Ne bena jii bɔ k'a di i ka ɲɔgɔmɛw fana ma u k'a min ka fa.»

Rɔmukaw 12:13

Aw ye banba ka Ala ka mɔgɔw dɛmɛ u dɛsɛyɔrɔ la, ka mɔgɔ wɛrɛw ladon.

Rɔmukaw 16:23

Ne ka jatigicɛ Gayusi, Krista ka jama be to ka lajɛn ale min fɛ, b'aw fo. Erasiti, ale min ye dugu bɛɛ ka nafolo kɔlɔsibaga ye, ale fana b'aw fora, n'an balima Karitusi fana. [

Kor 2nan 9:7

Mɔgɔ kelen kelen bɛɛ ka dili kɛ a yɛrɛ sago la, u kan'a kɛ ni nisɔngoya ye, a kana kɛ jagoyako ye, bari mɔgɔ min be sɔnni kɛ ni nisɔndiya ye, o tigi koo le ka di Ala ye.

Filipikaw 2:14

Aw ka koo bɛɛ kɛ, ŋunuŋunu ni sɔsɔli kana sɔrɔ a si la,

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tite 1:8

A tigi ka kan ka kɛ mɔgɔ ye min be lonanw ladon, koɲuman ka di a ye, miiriɲumantigi, mɔgɔsɔbɛ, mɔgɔsaniyanin, ani yɛrɛminɛla.

Filemɔn 1:14

Nga ne t'a fɛ k'o kɛ n'i ma sɔn, waasa koɲuman nin kana kɛ i karabako ye, ne b'a fɛ i k'o kɛ ni dusudiya ye.

Heburuw 13:16

Aw kana ɲinɛ ka ɲumanya kɛ, ani ka ɲɔgɔn dɛmɛ. O saraka nunu ɲɔgɔn le ka di Ala ye.

Heburuw 13:2

Aw hakili ka to a la ko aw ka kan ka lonanw ladon. Lonanladon sababu la, dɔw ye mɛlɛkɛw ladon k'a sɔrɔ u m'a lɔn ko mɛlɛkɛw lo.

Yakuba 5:9

N badenw, aw kana dimi mara ka to ka ɲɔgɔn kɔrɔfɔ janko Ala kana aw kiti. A labɛnnin lo kiti kama dɛ.