Piy fɔlɔ 4:7 - ALA KA KUMA

⁷ Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Jula NT of Côte d’Ivoire

⁷ Fɛn bɛɛ laban surunyara; aw ye aw tagamacogo lɔn, ka aw yɛrɛ minacogo lɔn, janko ka to Ala daarira.

LAYIDUKURA

⁷ Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 4:7 Iomraidhean Croise

Damina 19:35

U ye duvɛn di u faa ma o sufɛ tugu, a y'a min fɔɔ a tun te a yɛrɛ kala ma. Dɔgɔmuso donna ka la n'a ye, facɛ tun te a yɛrɛ kala ma a latuma n'a wilituma na.

Damina 6:13

O la, Ala y'a fɔ Nuhun ye ko: «Ne bena adamadenw bɛɛ halaki, bari diɲɛ fanin be u ka fariyakow la. Ne kɔni bena olu ni dugukolo halaki ɲɔgɔn fɛ.

Waajurikɛbaga 7:2

Ka taga sangayɔrɔ la, o ka fisa ka taga ɲanagwɛyɔrɔ la. Bari, o ye bɛɛ labanyɔrɔ ye. Mɔgɔw ka kan ka miiri o la.

Yeremi 5:31

Kiraw be galonkiraya kɛ, sarakalasebagaw b'o ka nafa dɔrɔn le ɲinina. O le ka di ne ka mɔgɔw ye. Nga aw bena mun kɛ a laban na?»

Ezekiyɛli 7:6

Laban sera! Laban sera! A be sera aw kama! A sera ka ban!

Matiyu 24:42

O la, aw labɛnnin ka to, bari aw t'aw ka Matigi nalon lɔn.

Matiyu 25:13

O la, aw labɛnnin ka to, bari aw t'o loon n'a waati lɔn.

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Luka 22:46

A y'a fɔ u ye ko: «Mun na aw be sinɔgɔ? Aw ye wili ka Ala daali waasa aw kana don kɔrɔbɔli la.»

Rɔmukaw 12:12

Jigi min b'aw la, aw ka nisɔndiya o kosɔn, tɔɔrɔ tuma, aw ka muɲu, aw ye jija ka Ala daali.

Kor fɔlɔ 15:24

O kɔ, koo bɛɛ laban bena se. Krista bena kuntigi yebaliw bɛɛ ka kuntigiya cɛn, ni fangatigiw ta, ani setigiw ta, ka sɔrɔ ka masaya di Faa Ala ma.

Kor fɔlɔ 7:29

Ayiwa n balimaw, n b'a fɔ aw ye ko waati caaman t'an bolo. Kabini sisan, cɛɛ minw furunin be, olu ka kɛ i n'a fɔ muso t'u fɛ.

Ɛfɛsikaw 6:18

Aw ka Ala daali kosɔbɛ tuma bɛɛ Nii Senuman barika la ni daalili sifa bɛɛ ye. Aw ye jija o la kosɔbɛ ka daalili kɛ Ala ka mɔgɔw bɛɛ ye.

Filipikaw 4:5

Aw ka kɛ mɔgɔsabalininw ye tuma bɛɛ. Matigi natuma surunyana.

Kɔlɔsikaw 4:2

Aw ka jija Aladali la, ka barika la a ye kosɔbɛ.

Tim 2nan 4:5

Nga ele kɔni, i k'i yɛrɛ minɛ kosɔbɛ koo bɛɛ la. I ka sigɛn muɲu, k'i ka baara kɛ ka ɲa min ye kibaru diman fɔli ye.

Tite 2:12

Ale min b'a yira an na ko an ka siran Ala ɲa ani ka ban nin diɲɛ nigɛjuguw la, waasa k'an to bii diɲɛ na, an ka se k'an yɛrɛ minɛ ka taama tilenninya la Ala ɲakɔrɔ.

Heburuw 10:25

An kana ban ka taga an ka ɲɔgɔnlajɛnyɔrɔ la, i n'a fɔ dɔw be to k'a kɛ cogo min na. Nga an ka ɲɔgɔn jaa gwɛlɛya, bari aw yɛrɛ ɲaa b'a la ko Matigi ka loon surunyana ka ban.

Heburuw 9:26

N'a tun be ten, a tun bena tɔɔrɔ siɲɛ caaman kabini diɲɛ dantuma. Nga a nana laban tuma na sisan le ka tɔɔrɔ siɲɛ kelenpe k'a yɛrɛ kɛ saraka ye ka hakɛ fanga cɛn.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 3:7

Cɛɛw, aw fana k'aw ka musow minɛ ka ɲa ni hakilitigiya ye bari aw barika ka bon n'u ta ye. Aw k'u boɲa bari nɛɛma kelen le bena kɛ aw bɛɛ ye. Aw ka to k'a kɛ ten, waasa aw be dalili minw kɛ, koo si kana na o bali.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Yirari 16:15

O la, Matigi ko: «Ni mɔgɔ min tora ɲana ani k'a ka fani mara, o tigi bena dagamu. Ni taatuma sera, a suturanin ka taga, a kana maloya. Bari ne bena na i n'a fɔ soon.»