Piy fɔlɔ 4:4 - ALA KA KUMA

⁴ Alalɔnbaliw be kabakoya, bari aw te jɛn n'u ye u ka koo fufafu nunu na tugu, o la, u b'aw tɔgɔ cɛn.

Jula NT of Côte d’Ivoire

⁴ Nka sisan o mɔgɔw bɛ kabakoya k’a ye ko aw tɛ o kojugu dama tɛmɛninw kɛra ni olugu ye tuun; o kosɔn o bɛ aw tɔgɔ cɛn.

LAYIDUKURA

⁴ Alalɔnbaliw bɛ kabakoya, bari aw tɛ jɛn n'u ye u ka koo fufafu nunu na tugu, o la, u b'aw tɔgɔ cɛn.

Piy fɔlɔ 4:4 Iomraidhean Croise

Matiyu 23:25

Bɔnɛ b'aw ye, aw sariya karamɔgɔw ani Fariziɲɛ namaramɔgɔw, aw be jifilen ni tasa kɔfɛlaw ko k'o gwɛ, k'a sɔrɔ benkanni ni miirijuguw le fanin be aw kɔnɔ.

Luka 15:13

Tile damani tɛmɛnin kɔ, dɔgɔman nin ye fɛɛn minw sɔrɔ cɛɛn na, a y'u feere ka taga n'a wari ye jamanajan dɔ la, k'o bɛɛ cɛn kakalaya la.

Kɛwalew 13:45

Zuwifuw y'o ye dɔrɔn, keliya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 18:6

Zuwifuw tun te sɔnna Pɔli ka kuma na. U tora k'a nɛni. O la, Pɔli tora k'a ka faniw furanfuran k'a fɔ u ye ko: «N daa t'aw ka koo la tugu. N'aw halakira sini, o y'aw kunko ye. Ne kɔni niin t'o la tugu. Ayiwa, ne bena taga siya wɛrɛw le waaju sisan.»

Rɔmukaw 13:13

An ka taama tilenninya la i n'a fɔ mɔgɔ be taama cogo min na tilefɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Ɛfɛsikaw 5:18

Aw kana fa duvɛn na, o be mɔgɔ mako sa, aw ka fa Nii Senuman na.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 3:16

Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Piy 2nan 2:12

O mɔgɔ nunu ka kɛwaliw ni begɛnw ta kɛra kelen ye. U laban ni begɛnw ta bena kɛ kelen ye. U bena halaki. U te fɛɛn min lɔn, u be kumajugu fɔ o le koo la.

Piy 2nan 2:22

U ta kɛra i n'a fɔ talen nunu b'a fɔ cogo min na ko: «Wulu be segi k'a fɔɔnɔ dumu.» Ani ko: «Lɛɛ kotɔ, a nɔgɔtɔ.»

Zude 1:10

O mɔgɔ nunu te fɛɛn minw lɔn, u be olu le lɔgɔbɔ. Lɔnniya min b'u fɛ, o ye adamaden ta ye, o ni kongosogo bɛɛ ta ka kan, o le b'u bila halakili la.