Piy fɔlɔ 4:16 - ALA KA KUMA

¹⁶ Nga n'aw dɔ be tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin kosɔn.

Jula NT of Côte d’Ivoire

¹⁶ Nka ni mɔgɔ dɔ bɛ tɔɔrɔra a ta lanaya kosɔn, o tigi kana maroya o ra; a ye Ala tando, sabu Kirisita tɔgɔ lara ale ra.

LAYIDUKURA

¹⁶ Nga n'aw dɔ bɛ tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin koo la.

Piy fɔlɔ 4:16 Iomraidhean Croise

Ezayi 24:15

U be Masaba tanura kɔrɔn fɛ. U be Masaba, Isirayɛli ka Ala tɔgɔ tanura kɔgɔji cɛma dugukolow kan!

Ezayi 50:7

Matigi, Masaba be ne dɛmɛ. O le y'a to, mɔgɔw ka dɔgɔya ma foyi kɛ ne la. Ne ye n ɲaa ja i ko kabakuru, ne y'a lɔn ko maloya tena ne sɔrɔ.

Ezayi 54:4

Kana siran, i tena maloya. Kan'i hakili ɲagami, i kuun tena surun. Maloya min y'i sɔrɔ i ka sunguruya waati la, i bena ɲinɛ o kɔ. I ye dɔgɔya min sɔrɔ i ka firaya waati la, i hakili tena to o la.

Kɛwalew 11:26

A y'a ye, u nana ɲɔgɔn fɛ Antiyɔsi. U ye saan kelen kɛ ɲɔgɔn fɛ o yɔrɔ la ni Krista ka jama ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o daminɛna Antiyɔsi le.

Kɛwalew 26:28

Agiripa ko a ma: «A tora dɔɔni i be ne kɛ Krista ka mɔgɔ ye.»

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Kɛwalew 5:41

Cidenw nisɔn diyanin bɔra kiti tigɛyɔrɔ la, bari Ala ye boɲa la u kan min kɛra u lɔgɔbɔko ye Yezu tɔgɔ kosɔn.

Filipikaw 1:20

Ne jigi be min kan kosɔbɛ, ni n b'a makɔnɔna sɔbɛ sɔbɛ la, ale kama ne tena maloya fɔɔ ne be jagwɛlɛya sɔrɔ le. K'a ta sisan ma ani tuma bɛɛ, ne be nii na wo, ne sara wo, ne b'a fɛ ka boɲa la Krista tɔgɔ kan,

Filipikaw 1:29

Aw minw kɛra Krista ta ye, Ala ye nɛɛma min kɛ aw ye, o ye nin ye: A y'a kɛ aw y'aw jigi la a kan, o dama tɛ, aw be sigɛn sɔrɔ a kosɔn fana.

Tim 2nan 1:12

O le kosɔn, ne be tɔɔrɔ nunu muɲuna. Nga o ma kɛ maloyako ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi be min kan, see b'a ye k'o mara n ye fɔɔ laban loon na.

Yakuba 2:7

U b'aw wele ni tɔgɔɲuman min ye, olu le te o cɛnbagaw ye wa?

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 4:11

Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!

Piy fɔlɔ 4:14

Ni mɔgɔw b'aw nɛni bari aw ye Krista taw ye, aw dagamunin lo. Bari Ala ka Nii be n'aw ye, min ye nɔɔrɔ Nii ye.

Piy fɔlɔ 4:19

Ayiwa, minw ka tɔɔrɔ ye Ala sago ye, olu k'u yɛrɛ kalifa Danbaga Ala ma, minw ye kantigi ye, ka taga ɲa n'u ka koɲuman kɛli ye.