Piy fɔlɔ 4:14 - ALA KA KUMA

¹⁴ Ni mɔgɔw b'aw nɛni bari aw ye Krista taw ye, aw dagamunin lo. Bari Ala ka Nii be n'aw ye, min ye nɔɔrɔ Nii ye.

Jula NT of Côte d’Ivoire

¹⁴ Ni o bɛ aw nɛni Kirisita tɔgɔ kosɔn, aw ta ɲana, sabu Ala Nin* nɔɔrɔman bɛ aw kan.

LAYIDUKURA

¹⁴ Ni mɔgɔw b'aw nɛni bari aw ye Krista taw ye, duba bɛ aw ye. Bari Ala Nii b'aw fɛ, o min ye Nii Senuman ye.

Piy fɔlɔ 4:14 Iomraidhean Croise

Mas fɔlɔ 10:8

Mɔgɔw ni baarakɛla minw b'i ɲakɔrɔ tuma bɛɛ ka to k'i ka lɔnniyakuma nunu lamɛn, olu dagamunin lo.

Mas 2nan 2:15

Kira jɛnkulu min tun bɔra Zeriko, olu y'a ye k'a fɔ ko: «Eli ka sebagaya b'a fɛ.» U tagar'a kunbɛn k'u kunbiri gwan a ɲakɔrɔ.

Zaburu 146:5

Yakuba ka Ala ye mɔgɔ min dɛmɛbaga ye, n'a b'a jigi la Masaba a ka Ala kan, o tigi dagamunin lo.

Zaburu 49:9

Mɔgɔ nii sɔngɔ ka gwɛlɛ haali, a te se ka sara fewu.

Zaburu 89:51

Matigi, u y'i ka baarakɛla dɔgɔya cogo min na, i hakili to o la. I hakili to a la fana ko jama nin kunko be ne le kunna.

Ezayi 11:2

Masaba ka Nii bena to n'a ye, ale min be lɔnniya, ni koo faranfasili see di, ka koo ɲanabɔli see, ni fanga di, ka Masaba lɔnko n'a ɲasiranko see di.

Ezayi 25:8

A bena saya fanga ban pewu! Matigi, Masaba bena bɛɛ ɲaji cɛ. Maloya min tun b'a ka mɔgɔw kan jamana yɔrɔ bɛɛ la, a bena o ta ka bɔ yen. Masaba le y'a fɔ.

Ezayi 51:7

Aw minw be tilenninya lɔn, n ka sariya be aw minw kɔnɔ, aw k'aw tulo malɔ ne fɛ. Aw kana siran adamadenw ka dɔgɔya ɲa, aw kan'a to u ka nɛnili k'aw jaa tigɛ.

Matiyu 5:11

«Ni mɔgɔw b'aw nɛni, k'aw tɔɔrɔ, ka galon la aw kan ko aw be kojugu sifa bɛɛ kɛ, bari aw ye ne ka kalandenw ye, o tuma na, aw dagamunin lo.

Matiyu 5:16

Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.

Luka 6:22

Ni mɔgɔw b'aw kɔniya ka ban aw la, k'aw nɛni ani k'aw tɔgɔjugu fɔ Mɔgɔ Dencɛ kosɔn, o tuma na, aw dagamunin lo.

Yuhana 15:21

U bena o bɛɛ kɛ aw la ne kosɔn bari u ma ne cibaga lɔn.

Yuhana 8:48

Zuwifu nunu y'a jaabi ko: «An ye min fɔ, tiɲɛ yɛrɛ lo. I ye Samarika ye, i ye jinatɔ ye.»

Yuhana 9:28

Fariziɲɛw y'a daminɛ ka cɛɛ nɛni, u y'a fɔ a ye ko: «E le y'a ka kalanden ye. Anw kɔni ye Musa ka kalandenw ye.

Yuhana 9:34

U y'a fɔ a ye ko: «Ele ye hakɛkɛla ye kabini e wolotuma, e be na lɔ yan ko i b'an kalan!» U y'a gwɛn ka bɔ kɛnɛma.

Kɛwalew 13:45

Zuwifuw y'o ye dɔrɔn, keliya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 18:6

Zuwifuw tun te sɔnna Pɔli ka kuma na. U tora k'a nɛni. O la, Pɔli tora k'a ka faniw furanfuran k'a fɔ u ye ko: «N daa t'aw ka koo la tugu. N'aw halakira sini, o y'aw kunko ye. Ne kɔni niin t'o la tugu. Ayiwa, ne bena taga siya wɛrɛw le waaju sisan.»

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Kɛwalew 5:41

Cidenw nisɔn diyanin bɔra kiti tigɛyɔrɔ la, bari Ala ye boɲa la u kan min kɛra u lɔgɔbɔko ye Yezu tɔgɔ kosɔn.

Kor 2nan 12:10

O le kosɔn, ne be nisɔndiya ne ka dɛsɛ koow la, u be ne nɛnina wo, ne dusu kasira wo, u be ne tɔɔrɔla wo, ne be nisɔndiya hali ni nisɔngoyako lo Krista kosɔn, bari ne y'a lɔn ko waati min na ne barika dɛsɛra, o waati yɛrɛ la ne be fanga sɔrɔ.

Kor 2nan 4:10

Tuma o tuma Yezu ka tɔɔrɔ ɲɔgɔn b'an kan, an be sɔn ka sa.

Kor 2nan 4:16

O le y'a to an jigi te tigɛ fewu, hali n'an yɛrɛ farisogo be cɛn ka taga, an nii be lakuraya loon o loon.

Galasikaw 1:24

A kɛra ten, u tun be Ala tanu ne kosɔn.

Heburuw 11:26

A banna Ezipiti nafolo la ka sɔn dɔgɔya ma i n'a fɔ Krista, bari a ɲaa tun be tɔnɔ nata la min ka fisa.

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Yakuba 5:11

Mɔgɔ minw be muɲu fɔɔ ka se a daan ma, anw k'olu dagamunin lo. Zɔbu muɲuna cogo min na, n ko aw y'o mɛn kɛ. Matigi nana min kɛ a ye laban na, aw b'o lɔn. Matigi ye ɲumanya ni makaritigi ye.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 3:14

Hali n'aw be tɔɔrɔ sɔrɔ aw ka koɲuman kosɔn, dagamu ye aw ta ye. Aw kana siran mɔgɔ si ɲa, aw hakili kana ɲagami.

Piy fɔlɔ 3:16

Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Piy fɔlɔ 4:16

Nga n'aw dɔ be tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin kosɔn.

Piy 2nan 2:2

Mɔgɔ caaman bena sɔn u ka kakalaya ma, o bena kɛ sababu ye mɔgɔw bena tiɲɛsira tɔgɔ cɛn.