Piy fɔlɔ 4:11 - ALA KA KUMA

¹¹ Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!

Jula NT of Côte d’Ivoire

¹¹ Ni min ka kɛ waajurikɛbaga ye, o tigi ye waajuri kɛ ka kaɲa ni Ala ta fɔta ye. Ni min ka kɛ tɔw dɛmɛbaga ye, Ala ka baraka min di a ma, a ye a kɛ ka kaɲa ni o ye, janko ko bɛɛ ra bonya ye la Ala kan Yesu Kirisita tɔgɔ baraka ra. Nɔɔrɔ ni sebagaya ye ale le ta ye tuma bɛɛ, ani wagati bɛɛ. Amina.

LAYIDUKURA

¹¹ Ni mɔgɔ min bɛ waajuli kɛ, o tigi ka kuma ka kɛ Ala ka kuma ye. Min bɛ baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la bonya ka la Ala kan koo bɛɛ la. Bonya ni sebagaya ye ale min ta ye tuma bɛɛ. Amiina!

Piy fɔlɔ 4:11 Iomraidhean Croise

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Ezayi 8:20

aw k'u jaabi ko u ka mɛnni kɛ Masaba ka kuma la. Ni mɔgɔ minw ka fɔta ma bɛn o ma, olu yɔrɔ ka jan kɛnɛ la.

Yeremi 23:22

N'u tun sigira ni ne ye ka n ka kuma mɛn, u tun bena o fɔ n ka mɔgɔw ye. O la, olu tun bena u ka sirajuguw bila, ani k'u ka kɛwalijuguw dabila.»

Daniyɛli 4:3

Ne ye cii bila ka Babilɔni lɔnnikɛlaw bɛɛ wele waasa ka siko nin kɔrɔ fɔ n ye.

Daniyɛli 4:34

Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Daniyɛli 7:14

Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Yuhana 13:31

Zuda bɔra ka ban dɔrɔn, Yezu y'a fɔ ko: «Sisan kɔni Mɔgɔ Dencɛ ye boɲa sɔrɔ, Ala fana ye boɲa sɔrɔ a barika la.

Kɛwalew 7:38

Ka Isirayɛlidenw kafonin to kongokolon kɔnɔ, ale Musa le tun b'u ka koow ɲafɛ. Ale lo tun ye mɛlɛkɛ ka dalaminɛ ye an bɛmaw ka ɲɔgɔn lajɛnwaatiw la Sinayi kulu gɛrɛfɛ, ka Ala ka kuma fɔ an ye min be nii di.

Rɔmukaw 11:36

Bari fɛɛn bɛɛ bɔra ale lo la, ale lo y'u bɛɛ dan, u kɛra a ta ye. Boɲa ka la ale kan tuma bɛɛ la! Amiina.

Rɔmukaw 12:3

Ala ye nɛɛma min kɛ ne ye, o kosɔn, ne b'a fɔ aw bɛɛ ye ko aw kana aw yɛrɛ boɲa k'a dama tɛmɛ, aw k'aw yɛrɛ majigi ka kɛɲɛ ni jigi ye, Ala ye min di aw ma.

Rɔmukaw 16:27

Ala kelenpe ye hakilitigi ye. Boɲa ka la a kan Yezu Krista barika la tuma bɛɛ la. Amiina.

Rɔmukaw 3:2

O tɔnɔ ka bon cogo bɛɛ la. Ala ka kuma kalifara zuwifuw le ma.

Kor fɔlɔ 10:31

Ayiwa, aw be dumuni kɛra wo, aw be minni kɛra wo, aw be fɛɛn o fɛɛn kɛ, aw k'o bɛɛ kɛ ka boɲa la Ala kan.

Kor fɔlɔ 12:4

See sifa caaman be yen, nga Nii Senuman kelen le b'o di.

Kor fɔlɔ 3:10

Ala ka nɛɛma barika la a ye min kɛ ne ye, ne kɛra solɔlaɲuman ye, ne ye soo juu sigi, mɔgɔ dɔ wɛrɛ be lɔli kɛ a kan, nga mɔgɔ kelen kelen bɛɛ ka kan k'a ka lɔcogo kɔlɔsi,

Kor fɔlɔ 6:20

Ala le y'aw kunmabɔ, o la, aw ka boɲa la Ala tɔgɔ kan sisan n'aw farisogo ye.

Kor 2nan 2:17

Mɔgɔ caaman be Ala ka kuma kɛ jagokun ye. An te i n'a fɔ olu. Ala le y'an ci, o la, an be kuma a ɲakɔrɔ ni kɔnɔgwɛ ye Krista barika la.

Kor 2nan 9:13

N'u y'aw ka dɛmɛ nin ye tuma min na, u ben'a lɔn ko aw ye mɔgɔ sifa min ye, o la, u bena Ala tanu aw kosɔn, bari aw sɔnna Krista ka kibaru diman ma ka mɛnni kɛ a fɛ, ani aw ka timinadiya kosɔn, aw sɔnna ka olu dɛmɛ ani tɔ nunu bɛɛ.

Ɛfɛsikaw 1:19

k'a ka sebagaya kabakoman fana lɔn an faan fɛ, an minw lara Yezu la. O sebagaya kelen nin barika la

Ɛfɛsikaw 4:29

Kumajugu kana bɔ aw si daa la, fɔɔ kumaɲuman, min be se k'a mɛnbagaw dɛmɛ ani k'u mako ɲa cogo dɔ la.

Ɛfɛsikaw 5:20

Aw ka barika la an Faa Ala ye an Matigi Yezu Krista tɔgɔ kosɔn, waati bɛɛ ani koo bɛɛ la.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Filipikaw 1:11

ani janko aw ka kɛwaliɲuman kɛ sɛbɛ la, min see be sɔrɔ Krista barika la, waasa boɲa ni tanuli ka kɛ Ala ye.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Kɔlɔsikaw 4:6

Aw k'aw ka kuma fɔcogo ɲa tuma bɛɛ, a ka diya bɛɛ ye, waasa aw ka se ka mɔgɔ bɛɛ jaabi ka ɲa.

Tes fɔlɔ 2:4

Nga Ala yɛrɛ y'a ye ko an be se, o la, a y'o kibaru diman fɔko kalifa an ma, an fana b'a fɔ a cogo la. An te mɔgɔ diyanako ɲinina, nga Ala min b'an kɔnɔnakow lɔn, an be ale ta le kɛ.

Tim fɔlɔ 1:17

Boɲa ni tanuli ka kɛ tuma bɛɛ waati bɛɛ Masa Ala yebali ye, ale min te sa, ale min kelen ye Ala ye. Amiina.

Tim fɔlɔ 6:16

Ale kelen le te sa, a be kɛnɛ na mɔgɔ si te se ka gwɛrɛ min la. Mɔgɔ ma Ala ye, mɔgɔ te se k'a ye fana. Boɲa ni sebagaya ye ale ta ye tuma bɛɛ. Amiina.

Tite 2:1

Ele kɔni, mɔgɔw ladi ka kɛɲɛ ni kalanɲuman ye.

Tite 2:15

I ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye ten. Kan'a to mɔgɔ si k'i dɔgɔya fana.

Heburuw 13:7

Aw k'aw hakili jigi aw ɲamɔgɔw la. Minw ye Ala ka kuma fɔ aw ye. U sii labanna cogo min na, aw k'o jati k'u ka lanaya ɲɔgɔn kɛ.

Heburuw 5:12

Kabini tumajan, aw tun ka kan ka kɛ tɔw kalanbagaw ye. Nga Ala ka koo minw faamu man gwɛlɛ, aw b'a fɛ mɔgɔ k'aw kalan n'o ye halibi. Aw kɛra denɲɛninw ye minw be siin min. Aw te se dumuni gwiliman kɔrɔ!

Yakuba 1:19

N badenw, aw minw koo ka di ne ye, aw k'a lɔn kosɔbɛ ko mɔgɔ kelen kelen bɛɛ ka kan ka lamɛnni kɛ ka ɲa, nga a kana teliya ka kuma, a kana dimi joona.

Yakuba 1:26

Ni min y'a miiri ko ale be Alasira tagama k'a sɔrɔ a t'a kumacogo kɔlɔsi, o tigi b'a yɛrɛ nigɛ, kuun te o tigi ka Alasira koo la.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 4:10

Aw kelen kelen bɛɛ ye seko min sɔrɔ Ala fɛ, minw be danna danna, aw k'o kɛ ka tɔw mako ɲa. O la, aw bena baaraɲuman kɛ ni Ala ka nɛɛma ye.

Piy fɔlɔ 4:16

Nga n'aw dɔ be tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin kosɔn.

Piy fɔlɔ 5:11

Sebagaya ka kɛ ale ta ye tuma bɛɛ. Amiina!

Zude 1:25

ale kelenpe min y'an Kisibaga ye an Matigi Yezu Krista barika la, nɔɔrɔ ni boɲa ani sebagaya ni kuntigiya ka kɛ ale ye k'a ta a daminɛ na, ka se sisan ma ni tuma bɛɛ. Amiina.