Piy fɔlɔ 3:3 - ALA KA KUMA

³ Aw kana aw ka cɛɲa yira ni masirifɛnw ye, i n'a fɔ k'i kunsigi lalaga ɲanaman, ka sanu don ka fani ɲanaman don.

Jula NT of Côte d’Ivoire

³ Aw ta kana kɛ yɛrɛmasiri dama ye, ani kundancogo dama tɛmɛninw, ani ka sanin don aw yɛrɛ ra, ka fani sɔngɔgbɛlɛnw siri.

LAYIDUKURA

³ Aw kana aw ka cɛnya yira ni masirifɛnw ye, i n'a fɔ k'i kunsigi lalaga nyanaman, ka sanu don ka fani nyanaman don.

Piy fɔlɔ 3:3 Iomraidhean Croise

Damina 24:22

Ɲɔgɔmɛw ye minni kɛ ka ban tuma min na, a ye nunnanigɛ sanulamanw di sunguru nin ma. A gwiliya tun be se garamu duuru ɲɔgɔn ma, ani bololanigɛ sanulaman deen fila, minw be garamu kɛmɛ bɔ.

Damina 24:47

Ne y'a ɲininga ko ale ye jɔn deen ye. A ko ale ye Betuwɛli denmuso ye, Nawɔri ni Milika dencɛ. Ne ye sanu don a nuun na ka dɔ don a bolo la.

Damina 24:53

O kɔ, a ye masirifɛn sanulaman ni warigwɛlamanw bɔ, ani faniw, k'u di Erebɛka ma, ka boɲafɛn sɔngɔgwɛlɛnw di a kɔrɔcɛ n'a bamuso fana ma.

Mas 2nan 9:30

Zewu tun be donna Zizireyɛli dugu kɔnɔ tuma min na, Zezabɛli y'o mɛn. A ye kale la, k'a kuun lalaga ka taga lɔ fenɛtiri la ka to ka filɛli kɛ.

Ɛsitɛri 5:1

Tile sabanan loon, Ɛsitɛri y'a ka masamusofaniw don ka taga don masacɛ ka luu ɲafɛla la ka lɔ a ka boon daa la. O y'a sɔrɔ masacɛ tun siginin be a ka masasigilan kan a ka soo kɔnɔ k'a ɲaa sin soo donda la.

Zaburu 45:9

Tulu kasadiman le b'i ka faniw kan, mire ta, ni alowɛsi ta, ani kanɛli ta. Fɔlikɛminan kandimanw le b'i nisɔn diyara ka bɔ masaso kɔnɔ, masaso min masirinin be ni samaɲin ye.

Bɔri 3:22

Musow kelen kelen bɛɛ bena minanw daali u sigiɲɔgɔnw fɛ ani musow fɛ minw b'u ka soo kɔnɔ, warigwɛtaw, ni sanutaw, ani faniw, aw bena minw don aw dencɛw n'aw denmusow kaan na. Aw bena Ezipitikaw bololafɛnw cɛ ten.»

Bɔri 32:2

Arɔn y'a fɔ u ye ko: «Sanu minw be aw ka musow tulo la, n'aw dencɛw, n'aw denmusow tulo la, aw k'olu bɔ ka na n'u ye ne fɛ yan.»

Bɔri 33:4

Jama y'o kibarujugu mɛn tuma min na, u dusu kasira. Mɔgɔ si ma sɔn k'a yɛrɛ masiri tugu.

Bɔri 35:22

Mɔgɔw bɛɛ, muso fara cɛɛw kan, minw dusu tun ka di, olu nana ni sanufɛn sifaw bɛɛ ye: tulolataw, ani bololataw, ni kannataw, ani dulontaw fani na. U kelen kelen bɛɛ nana n'u ye k'u fifa Masaba ɲakɔrɔ k'o d'a ma.

Bɔri 38:8

U ye dagaba n'a jusigilan dilan ni zira ye. Muso minw tun be baara kɛ Ɲɔgɔnkunbɛn fanibugu daa la, u ye daga nin n'a jusigilan dilan ni olu ka dubalenw ye.

Ezayi 52:1

Wili, *Siyɔn, wili joona ka barika don i yɛrɛ la. Zeruzalɛmu, dugu senuman, wili k'i ka faniɲumanw don. Bari, kɛnɛkɛnɛbaliw ni mɔgɔ minw saniyanin tɛ, olu tena don i kɔnɔ tugu.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Yeremi 2:32

Sunguru be se ka ɲinɛ a ka masirifɛnw kɔ wa? Kɔnyɔmuso be ɲinɛ a ka cɛsirinan kɔ wa? Nga ne ka mɔgɔw ɲinɛna ne kɔ kabini tumajan.

Yeremi 4:30

Fɛɛn halakinin, i bena mun le kɛ? Hali n'i be dakamanafaniw le don, ka sanu masirifɛnw don, ka kale la i ɲaa na, e b'i yɛrɛ lalagara fu. I ka ɲamɔgɔcɛw mako t'i la, u b'i ka saya le fɛ.

Ezekiyɛli 23:40

Ka fara o kan, u ye cii bila ka taga jamanajan na ka mɔgɔw wele ka na. U sera tuma min na, i kora u kosɔn, ka kale la k'i masiri.

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Piy fɔlɔ 3:2

Bari u ben'a ye ko aw taamacogo ka ɲi, ko aw be mɔgɔ boɲa.