Piy fɔlɔ 3:22 - ALA KA KUMA

²² ale min tagara arijana na ka to Ala kinibolo la. Mɛlɛkɛw ni setigiw, ani fangatigi minw b'o yɔrɔ la, u bɛɛ majiginin be ale ye.

Jula NT of Côte d’Ivoire

²² A yɛlɛra ka taga sankolo ra, ka taga sigi Ala kininboroyanfan fɛ; mɛlɛkɛw, ani kuntigiyaw, ani sebagayaw, o bɛɛ majigira Kirisita ta fanga le kɔrɔ.

LAYIDUKURA

²² ale min taara arijana na ka to Ala kinibolo la. Mɛlɛkɛw ni setigiw, ani fangatigi minw b'o yɔrɔ la, u bɛɛ majiginin bɛ ale ye.

Piy fɔlɔ 3:22 Iomraidhean Croise

Zaburu 110:1

Dawuda ka dɔnkili dɔ. Masa Ala y'a fɔ ne Matigi ye ko: «Sigi ne kinibolo fɛ fɔɔ ne k'i juguw cɔnkɔn i seen kɔrɔ.»

Matiyu 22:44

‹Matigi Ala y'a fɔ ne Matigi ye ko: Sigi ne kinibolo fɛ fɔɔ ne k'i juguw cɔnkɔn i seen kɔrɔ.›

Matiyu 28:18

Yezu gwɛrɛla u la k'a fɔ u ye ko: «Ala ye sebagaya bɛɛ di ne ma sankolo la ani dugukolo kan.

Marika 12:36

Dawuda yɛrɛ y'a fɔ Nii Senuman barika la ko: ‹Matigi Ala y'a fɔ ne Matigi ye ko: Sigi ne kinibolo fɛ fɔɔ ne k'i juguw cɔnkɔn i seen kɔrɔ.›

Marika 16:19

Matigi Yezu kumana kalandenw fɛ ka ban tuma min na, Ala y'a ta ka taga n'a ye sankolo la. A sigira Ala kinibolo fɛ.

Luka 20:42

Dawuda yɛrɛ y'a fɔ Ala tanuli dɔnkiliw la ko: ‹Matigi Ala y'a fɔ ne Matigi ye ko: Sigi ne kinibolo fɛ

Yuhana 13:32

Ni Ala ye boɲa sɔrɔ a barika la, Ala fana ben'a kɛ a be boɲa sɔrɔ, a bena o kɛ sisan yɛrɛ.

Kɛwalew 1:11

Cɛɛ fila nunu y'u kaan to u ma ko: «Galilekaw! A kɛra di aw lɔnin be ka sankolo filɛ ten? Aw ye Yezu min yɛlɛtɔ ye arijana na, a bena segi ka na ten ka bɔ o yɔrɔ la.»

Kɛwalew 3:21

Nga sanni o waati ka se, a siginin bena to Ala kɔrɔ fɔlɔ yanni yɛlɛmani ka don diɲɛ koow bɛɛ la, ka kɛɲɛ ni Ala ka kiraw ka kuma ye, min fɔra kabini tumajan.

Rɔmukaw 8:34

Jɔn bena u jalaki? Bari Yezu Krista sara, o dama tɛ fana, a kununna, a siginin be Ala kinibolo fɛ, ka to ka Ala daali an ye.

Rɔmukaw 8:38

Bari ne jigi b'a la ko hali saya yɛrɛ, walima sijan, walima mɛlɛkɛw, walima jinaw, walima fɛɛn minw be diɲɛ na bii, walima minw bena kɛ yen sini, walima setigiw,

Kor fɔlɔ 15:24

O kɔ, koo bɛɛ laban bena se. Krista bena kuntigi yebaliw bɛɛ ka kuntigiya cɛn, ni fangatigiw ta, ani setigiw ta, ka sɔrɔ ka masaya di Faa Ala ma.

Kɔlɔsikaw 3:1

N'aw ni Krista korila ka kunun ɲɔgɔn fɛ, fɛɛn minw be sɔrɔ arijana na, aw ka olu le ɲini, Krista siginin be yɔrɔ min na Ala kinibolo fɛ.

Heburuw 1:13

Ala delila k'a fɔ mɛlɛkɛw jumɛn ye ko: «Sigi ne kinibolo fɛ fɔɔ ne k'i juguw cɔnkɔn i seen kɔrɔ?»

Heburuw 1:3

Ala ka dawula n'a jaa tigitigi yɛrɛ lo. Diɲɛ be seen kan ale ka kuma barikaman sababu la. A y'a yɛrɛ saraka mɔgɔw ka hakɛw yafa kosɔn ka ban tuma min na, a yɛlɛla ka taga sigi Setigi Ala kinibolo fɛ arijana na.

Heburuw 1:6

Nga, a Dencɛ min kɔnna danfɛnw bɛɛ ɲa, ale wolola tuma min na diɲɛ na, a y'a fɔ ko: «Mɛlɛkɛw bɛɛ k'u kunbiri gwan a ɲakɔrɔ.»

Heburuw 10:12

Nga Krista kɔni, ale y'a yɛrɛ di siɲɛ kelenpe hakɛw yafa kosɔn, ka sɔrɔ ka taga sigi Ala kinibolo la kudayi,

Heburuw 12:2

An k'an ɲaa lɔnin to Yezu kan ale min ye an ka lanaya bɔyɔrɔ ye, n'a laban ye. A sɔnna ka tɔɔrɔ gwengwenlɔgɔ kan, a ma maloya yɛrɛ jati, bari nisɔndiya min tun b'a kɔnɔna, a ɲaa tun b'o la. Sisan, a siginin be Ala kinibolo la.

Heburuw 4:14

Ayiwa, sarakalasebagaw kuntigiba ɲanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi be min kan, an k'a to o kan.

Heburuw 6:20

Yezu kɔnna an ɲa o yɔrɔ la an kosɔn. Ale kɛra waati bɛɛ sarakalasebagaw kuntigiba ye Mɛlikisedɛki cogo la.

Heburuw 8:1

Ayiwa, an ye min bɛɛ fɔ ka tɛmɛ sisan, a kunba filɛ nin ye: an k'a lɔn k'o sarakalasebagaw kuntigiba ɲɔgɔn le b'an fɛ. A tagara sigi Setigi Ala kinibolo la sankolo la.

Heburuw 9:24

Tiɲɛ na, mɔgɔw bolo ye Alabatoso min lɔ k'a kɛ i n'a fɔ sankolo ta, a ma kɛ i ko Krista donna o le kɔnɔ dɛ! Krista donna arijana yɛrɛ le la, ka lɔ Ala ɲafɛ anw ka hɛrɛ kosɔn.