Piy fɔlɔ 3:21 - ALA KA KUMA

²¹ O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Jula NT of Côte d’Ivoire

²¹ Ayiwa, o ji tun ye batizeri* tagamasiyɛn le ye; an b’a yira sisan batizeri le fɛ ko an kisira. O kɔrɔ tɛ ko an farikolo le bɛ ko ka nɔgɔ bɔ a ra; o kɔrɔ ye ko an bɛ Ala daari ko a ye an jusukun saninya Yesu Kirisita kunuko sababu ra.

LAYIDUKURA

²¹ O jii nin tun kɛra batizeli taamasinyɛ ye, o min b'aw kisi bii. O ma kɛ fari saniyako ye. Nga ;naniyanyuman lo an bɛ min ta Ala faan fɛ. A b'aw kisi Yezu Krista ka kununni barika la a sanin kɔ,

Piy fɔlɔ 3:21 Iomraidhean Croise

Jakariya 13:1

«O waati la, jii bɔyɔrɔ dɔ bena dayɛlɛ Dawuda ka somɔgɔw ni Zeruzalɛmukaw ye, min bena kɛ u ka hakɛ n'u ka konɔgɔninw fura ye.»

Matiyu 28:19

O la, aw ye taga siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Marika 16:16

Ni mɔgɔ min lara a la ka batize, o tigi bena kisi, nga ni mɔgɔ min ma la a la, o tigi tena kisi.

Yuhana 13:9

A y'a fɔ Yezu ye ko: «A kana dan n seen dama ma, nga n bolo ni n kuun fana ko.»

Kɛwalew 16:33

A tagara u ka joliw furakɛ o suu nin bɛɛ la. O kɔ, ale n'a ka somɔgɔw bɛɛ batizera.

Kɛwalew 2:38

Piyɛri y'u jaabi ko: «Aw ye nimisa ka faran aw ka hakɛw la, an b'aw batize Yezu Krista tɔgɔ la janko aw k'aw ka hakɛw yafa sɔrɔ. O la, aw bena Nii Senuman sɔrɔ,

Kɛwalew 22:16

I be mun le kɔnɔ tugu? Wili an b'i batize i ka hakɛw ka yafa ale Yezu barika la.›

Kɛwalew 8:36

K'u to sira kan, u sera jii dɔ yɔrɔ la. Cɛɛ ko: «Jii filɛ nin ye, mun be se k'i bali ka ne batize?» [

Kɛwalew 8:37

Filipu y'a jaabi ko: «N'i lara Yezu la kosɔbɛ, ne be se k'i batize.» Cɛɛ ko: «Ne lara a la ko Yezu Krista ye Ala Deen ye.»]

Rɔmukaw 5:14

O bɛɛ n'a ta, k'a ta Adama ka waati ma fɔɔ ka na se Musa ka tile ma, mɔgɔw tun be sa, hali min ma hakɛ kɛ Adama ta cogo la, ale min banna ka Ala ka kuma bato. Mɔgɔ min tun ka kan ka na, Adama tun ye o tigi jaa ye.

Kor fɔlɔ 12:13

bari an bɛɛ batizera Nii Senuman kelen le barika la, an ka se ka kɛ farikolo kelen ye, k'a ta zuwifu ma wo, walima siya wɛrɛ, jɔɔn, walima hɔrɔn, o Nii Senuman kelen lo be an bɛɛ la.

Kor fɔlɔ 4:6

Ne balimaw, aw le kosɔn, ne ye kuma nin yɛlɛma k'a fɔ aw ye cogo wɛrɛ la, k'o kɛɲɛ ne ni Apolɔsi taamacogo ye, waasa n'aw ye anw cogo filɛ, aw kana se k'aw yɛrɛ boɲa, ka nɔrɔ mɔgɔ kelen na ka tɔɔ kelen kɔniya.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala ɲasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 7:1

Ne teriw, dadili nin kɛra an ye minkɛ, o kama, an k'an yɛrɛ saniya ka bɔ nɔgɔ sifa bɛɛ la, farisogo ta, ni dusu ta. An ka kɛ mɔgɔdafaninw ye Ala ɲasiran barika la.

Galasikaw 3:27

Aw minw bɛɛ batizera waasa ka jɛn ni Krista ye, aw sɔnna ka jɛn n'a ye ka kɛ kelen ye.

Ɛfɛsikaw 5:26

waasa k'a saniya batizeli barika la jii kɔnɔ ni kuma ye,

Kɔlɔsikaw 2:12

Aw batizera tuma min na, o waati la aw suu donna n'a ye, ani ka kunun n'a ye, aw jigi lanin kosɔn setigi Ala kan, ale min y'a kunun.

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Tim fɔlɔ 6:12

I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Heburuw 10:22

O la, an ka miirijuguw bɔ an kɔnɔ, k'an yɛrɛ saniya ni jiɲuman ye, ka gwɛrɛ Ala la ni lanaya dafanin ye.

Heburuw 11:19

Ibrayima lanin tun b'a la ko Ala be se ka suu kunun. O la, an be se k'a fɔ ko Ala ye Isiyaka bɔsi saya la k'a di Ibrayima ma.

Heburuw 13:18

Aw ka Ala dali anw ye. Anw kɔni lanin b'a la ko an kɔnɔ gwɛnin lo, ko an b'a fɛ an tagamacogo ka ɲa tuma bɛɛ.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.

Heburuw 9:24

Tiɲɛ na, mɔgɔw bolo ye Alabatoso min lɔ k'a kɛ i n'a fɔ sankolo ta, a ma kɛ i ko Krista donna o le kɔnɔ dɛ! Krista donna arijana yɛrɛ le la, ka lɔ Ala ɲafɛ anw ka hɛrɛ kosɔn.

Piy fɔlɔ 1:3

An ka barika la Ala ye, min ye an Matigi Yezu Krista Faa ye! A makarila an na kosɔbɛ k'an kɛ danfɛnkura ye ka jigi ɲanaman di an ma Yezu Krista ka kununni barika la ka bɔ kaburu la,

Piy fɔlɔ 3:16

Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.