Piy fɔlɔ 3:20 - ALA KA KUMA

²⁰ Olu minw tun murutira Ala ma, a muɲuna, Nuhun ye kurunba lalaga, mɔgɔ damani le kisira o kɔnɔ, mɔgɔ seegi dɔrɔn.

Jula NT of Côte d’Ivoire

²⁰ Olugu le tun banna Ala ta Kuma ma fɔlɔfɔlɔ, k’a sɔrɔ Ala tun muɲuna o kɔrɔ ka mɛɛn, Nuho ta kurunba lalagawagati ra; mɔgɔ dama dama, o kɔrɔ ye mɔgɔ seegi dɔrɔn le donna o kurunba kɔnɔ ka kisi ka bɔ ji ra.

LAYIDUKURA

²⁰ Olu minw tun murutira Ala ma, a munyuna, Nuhun ye kurunba lalaga, mɔgɔ damani le kisira o kɔnɔ, mɔgɔ seegi dɔrɔn.

Piy fɔlɔ 3:20 Iomraidhean Croise

Damina 6:13

O la, Ala y'a fɔ Nuhun ye ko: «Ne bena adamadenw bɛɛ halaki, bari diɲɛ fanin be u ka fariyakow la. Ne kɔni bena olu ni dugukolo halaki ɲɔgɔn fɛ.

Damina 6:3

Masaba ko: «Ne tena adamaden to nii na ka waatijan kɛ tugu a ka filiw kama, bari mɔgɔ dama lo. U sii tena tɛmɛ saan kɛmɛ ni mugan kan tugu.»

Damina 6:5

Masaba y'a ye ko mɔgɔw be juguyara ka taga dugukolo kan, k'a ye ko u ka miiriya bɛɛ tun ka jugu tuma bɛɛ,

Damina 6:8

Nga Nuhun koo diyara Masaba ye.

Damina 7:13

O loon kelen na, Nuhun n'a dencɛ Sɛmu ni Kamu ani Zafɛti, ani a muso, n'a biranmuso saba donna kurun kɔnɔ.

Damina 8:1

Ala hakili tora Nuhun la, ani kongosogow ni begɛn minw bɛɛ tun be n'a ye kurun kɔnɔ. A y'a kɛ fɔɲɔ dɔ wilila dugukolo kan, jii jigira.

Damina 8:18

Nuhun n'a dencɛw n'a muso, n'a biranmusow bɔra kɛnɛma.

Ezayi 30:18

O bɛɛ n'a ta, Masaba be waati dɔ le kɔnɔna k'aw dɛmɛ, a bena wili ka makari aw la. Bari, Masaba Ala tilennin lo. Mɔgɔ minw bɛɛ b'u jigi la a kan, olu dagamuna!

Matiyu 7:14

Aw ka sirafitini ta ka taga don ni dafitini ye, a taama kɔni ka gwɛlɛ, a taabagaw man ca, nga a be taga ni mɔgɔ ye hɛrɛ yɔrɔ la.

Luka 12:32

«Aw kɛra i n'a fɔ sagakulufitini. O n'a ta bɛɛ, aw kana siran, bari a diyara aw Faa ye k'a ka masaya d'aw ma.

Kɛwalew 2:41

Olu lara Piyɛri ka kuma na o tuma na. U y'u batize. Minw farala kalandenw kan o loon na, u tun be mɔgɔ waa saba bɔ.

Rɔmukaw 9:22

Ala tun b'a fɛ k'a ka sebagaya n'a ka dimi yira, nga a muɲuna o daga nunu kɔrɔ, minw ka kan ka cɛn.

Ɛfɛsikaw 5:26

waasa k'a saniya batizeli barika la jii kɔnɔ ni kuma ye,

Heburuw 11:7

Nuhun lara Ala la minkɛ, o le y'a to koo min ma kɛ ka ye, Ala y'a lasɔmi o la tuma min na, a siranna Ala ɲa ka kurunba dilan k'a ka soo kisi, diɲɛ halakira. A ka lanaya sababu la, Ala y'a jati mɔgɔtilennin ye.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Piy fɔlɔ 1:9

Bari aw kisira aw jigi kosɔn.

Piy fɔlɔ 2:25

Bari aw tun be i ko sagaw, minw be yaalala u kunfɛ, nga sisan, aw ɲaa yɛlɛmana ka sin aw dɛndɛbaga ma, min ye aw Kɔlɔsibaga ye.

Piy fɔlɔ 3:19

A tagara lahara kɔnɔ mɔgɔw waaju, ale Nii Senuman barika la.

Piy fɔlɔ 4:19

Ayiwa, minw ka tɔɔrɔ ye Ala sago ye, olu k'u yɛrɛ kalifa Danbaga Ala ma, minw ye kantigi ye, ka taga ɲa n'u ka koɲuman kɛli ye.

Piy 2nan 2:5

Ala ma hinɛ fɔlɔfɔlɔ mɔgɔw la fana. A ye jiba bila ka na Alaɲasiranbaliw bɛɛ halaki k'a tɔɔ to Nuhun, min tun be tilenninyako fɔ, ani mɔgɔ wolonwula.

Piy 2nan 3:15

N'aw y'a ye ko Matigi te kɔsegira ka na joona, o kɛra aw ka kisili kosɔn le. An balimacɛ n'an tericɛ Pɔli ye sɛbɛ ci aw ma o la. Ala ye lɔnniya min d'a ma, a y'o kɛ k'aw ladi.