Piy fɔlɔ 3:18 - ALA KA KUMA

¹⁸ Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Jula NT of Côte d’Ivoire

¹⁸ Ayiwa, Kirisita fana sara jurumun kosɔn siɲaga kelen, ka dan o ma. Ale mɔgɔ terennin sara mɔgɔ terenbariw kosɔn, janko ka aw ladon Ala ta jɛnɲɔgɔnya ra. A yɛrɛ sara, nka a kununa Nin Saninman* baraka ra.

LAYIDUKURA

¹⁸ Krista sara adamadenw ka kojuguw kɔsɔn sinyɛ kelenpe, a banna. Ale mɔgɔtilennin sara mɔgɔ tilenbaliw kɔsɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Piy fɔlɔ 3:18 Iomraidhean Croise

Daniyɛli 9:26

O saan bi wɔɔrɔ ni fila sigiyɔrɔman wolonwula dafawaati la, mɔgɔwolomanin dɔ bena faga. Dɛmɛbaga si tena sɔrɔ a fɛ. Kuntigi dɔ bena na n'a ka kɛlɛdenw ye ka dugu ci, ka Alabatoso ci. Nga Ala bena dimi k'a ka koo ban pepewu! A bena to kɛlɛ la ka cɛnni kɛ fɔɔ ka halaki, i n'a fɔ a latigɛra cogo min na.

Jakariya 9:9

*Siyɔnkaw, aw ye ɲanagwɛ kosɔbɛ! Zeruzalɛmukaw ka nisɔndiya ka mankan kɛ! Aw ka masacɛ natɔ filɛ aw fɛ! Mɔgɔtilennin lo, setigi lo, mɔgɔmajiginin lo. A be fali kan, a be faliden kan.

Jateri 7:15

A fana nana ni tura ye, ani sagajigi, ni sankelensaga, min bena kɛ saraka jɛnita ye,

Matiyu 27:19

K'a to kiti tigɛyɔrɔ la, a ka muso ye cii bila k'a fɔ a ye ko: «I kana i niin don mɔgɔtilennin nin ka koo la, bari kunun sufɛ ne ye sikojugu kɛ a ka koo la.»

Matiyu 27:24

Pilati y'a ye ko jama be murutira ka taga minkɛ, ko ale tena se ka foyi kɛ, a ye jii ɲini k'a tigɛ ko u bɛɛ ɲana, k'a fɔ u ye ko: «Ne seen te mɔgɔtilennin nin ka fagako la, o y'aw yɛrɛ ka koo ye.»

Yuhana 16:10

Min ye tilenninyako ye, u filila, bari ne be taga n Faa fɛ aw tena ne ye tugu.

Kɛwalew 22:14

A y'a fɔ ne ye ko: ‹An faaw ka Ala y'i woloma k'i kɛ a ta ye, janko i k'a sago lɔn, i ɲaa ka la a ka Mɔgɔɲuman kan, ka mɛnni kɛ ale yɛrɛ daa la,

Kɛwalew 3:14

Aw banna Mɔgɔsɔbɛ ni Mɔgɔɲuman na, min y'a yɛrɛ di Ala ma a sago kosɔn. Aw banna ale la ko fɔɔ Pilati ka mɔgɔfagala dɔ le labila.

Rɔmukaw 1:4

Nii Senuman y'a yira ko an Matigi Yezu Krista ye Ala Dencɛ ye, o sebagaya lɔnna a kununni fɛ a sanin kɔ.

Rɔmukaw 4:25

Yezu fagara an ka hakɛw kosɔn, nga a kununna janko k'an kɛ mɔgɔtilenninw ye.

Rɔmukaw 5:2

Ale Yezu barika la fana, an ye niyɔrɔ sɔrɔ nɛɛma nin na an jigi sababu la. An be nisɔndiya Ala ka nɔɔrɔ koo la, bari an jigi b'a la ko an bena o ɲɔgɔn sɔrɔ.

Rɔmukaw 8:11

Ala min ye Yezu Krista kunun a sanin kɔ, n'ale ka Nii b'aw la, ale kelen le bena nii don aw farisogo tolita la, a ka Nii Senuman barika la ale min b'aw la.

Rɔmukaw 8:3

Sariya siginin tun te se ka koo min kɛ, farisogo ka barikatanya kosɔn, Ala y'o kɛ, a y'a yɛrɛ Dencɛ ci, ale nana wolo i n'a fɔ hakɛkɛla, ka kɛ saraka ye hakɛ sara kosɔn. A ye hakɛ ka baga faga,

Kor 2nan 1:24

A ma kɛ ko anw b'a fɛ ka koo dɔ wajibiya aw kunna lanaya faan fɛ dɛ, nga an b'aw dɛmɛna le janko aw ka nisɔndiya, bari aw banbanin lo lanaya la.

Kor 2nan 13:4

Hali ni Krista sara lɔgɔ kan barikatanya la, a ɲanaman lo Ala ka sebagaya barika la bii. An fana, halibi, an ye barikatanw ye i n'a fɔ ale tun be cogo min na, nga Ala barika la k'an to n'ale ye, Ala b'an kɛ setigiw ye aw faan fɛ.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Galasikaw 3:13

A fɔra Ala ka kuma na ko ni mɔgɔ o mɔgɔ dulonna yiri la, k'o tigi ye dangaden ye. Krista yɛrɛ sɔnna ka kɛ dangaden ye an kosɔn, waasa k'an kisi sariya ka danga ma.

Ɛfɛsikaw 3:12

N'an lara ale la ka jɛn n'a ye, sira dinin b'an ma ka gwɛrɛ Ala la ni jigi ye.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 10:10

A ye Ala sago kɛ k'a yɛrɛ saraka siɲɛ kelenpe minkɛ, min ɲɔgɔn tena kɛ tugu, anw saniyara o le barika la.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.

Heburuw 9:26

N'a tun be ten, a tun bena tɔɔrɔ siɲɛ caaman kabini diɲɛ dantuma. Nga a nana laban tuma na sisan le ka tɔɔrɔ siɲɛ kelenpe k'a yɛrɛ kɛ saraka ye ka hakɛ fanga cɛn.

Heburuw 9:28

o cogo kelen na, Krista y'a yɛrɛ saraka siɲɛ kelen, ka mɔgɔ bɛɛ ka hakɛw yafa. O kɔ, a bena segi ka na, o tena kɛ hakɛw yafako kama tugu, nga mɔgɔ minw b'a makɔnɔna, olu kisili kosɔn lo.

Yakuba 5:6

Aw ye mɔgɔtilenninw jalaki k'u faga. U ma aw sɔsɔ.

Piy fɔlɔ 3:19

A tagara lahara kɔnɔ mɔgɔw waaju, ale Nii Senuman barika la.

Piy fɔlɔ 4:1

Krista tɔɔrɔla minkɛ, aw fana ka kɛ n'o miiriya ye. Bari mɔgɔ min tɔɔrɔla, o tigi seen te hakɛ la tugu.

Piy fɔlɔ 4:6

O kama, kibaru diman tun fɔra suuw yɛrɛ ye, janko u ka kiti i n'a fɔ mɔgɔ tɔw. U ye kibaru diman nin mɛn waasa u ka to nii la Ala sago la Nii Senuman barika la.

Zan fɔlɔ 1:9

Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.