Piy fɔlɔ 3:16 - ALA KA KUMA

¹⁶ Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Jula NT of Côte d’Ivoire

¹⁶ Aw jusukun gbɛnin ye to, janko hali ni o bɛ aw tɔgɔjugu fɔ k’a kɛ i n’a fɔ aw ka kojugu le kɛ, minw bɛ aw tɔgɔ cɛnna aw ta tagamacogoɲuman kosɔn Kirisita ta jɛnɲɔgɔnya ra, olugu yɛrɛ darakuma ye o maroya.

LAYIDUKURA

¹⁶ Nga o jaabili nin ka kan ka kɛ ni dususuma, ni bonya ye. Aw bɛ kɛwalinyuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Piy fɔlɔ 3:16 Iomraidhean Croise

Daniyɛli 6:4

Daniyɛli tun ka fisa n'a tɔɲɔgɔn fila nunu ye, ani marakuntigi tɔ nunu bɛɛ. Bari, hakili tun b'a fɛ kosɔbɛ. Masacɛ tun b'a fɛ k'a sigi jamana bɛɛ kunna.

Matiyu 5:11

«Ni mɔgɔw b'aw nɛni, k'aw tɔɔrɔ, ka galon la aw kan ko aw be kojugu sifa bɛɛ kɛ, bari aw ye ne ka kalandenw ye, o tuma na, aw dagamunin lo.

Kɛwalew 24:16

O kama ne banbanin lo waasa n ka kɛ mɔgɔ kɔnɔgwɛnin ye Ala ni mɔgɔw ɲana.

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Rɔmukaw 9:1

Krista ka jɛnɲɔgɔnya barika la ne be min fɔ, o ye tiɲɛ ye, galon tɛ, Nii Senuman yɛrɛ b'a yira ne la ko ne be min fɔ, ko tiɲɛ lo.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala ɲasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 4:2

An banna dibidibiko ma maloya be min na, an te koo kɛ ni namara ye, an fana te Ala ka kuma kɔrɔ yɛlɛma fewu. An kɔni, an be tiɲɛ yɛrɛ yɛrɛ le fɔ, janko mɔgɔw k'u jigi la an kan Ala ɲakɔrɔ.

Tim fɔlɔ 1:19

I k'o kɛ ni lanaya, ni dusuɲuman ye. Mɔgɔ dɔw dɛsɛra o la, o kama u benna.

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Tite 2:8

I ka kuma ka kɛ kuma ye, mɔgɔ te se ka min sɔsɔ waasa an juguw kana fɔta sɔrɔ an kama, u ka to maloya la.

Heburuw 13:18

Aw ka Ala dali anw ye. Anw kɔni lanin b'a la ko an kɔnɔ gwɛnin lo, ko an b'a fɛ an tagamacogo ka ɲa tuma bɛɛ.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 2:15

Ala sago ye nin ye: Aw ka koɲuman kɛ, o la, kofaamubaliw tena kumayɔrɔ sɔrɔ.

Piy fɔlɔ 2:19

Mɔgɔ man kan ni tɔɔrɔ min ye, n'a b'o muɲu, o ka ɲi kosɔbɛ Ala ɲakɔrɔ.

Piy fɔlɔ 3:21

O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Piy fɔlɔ 4:4

Alalɔnbaliw be kabakoya, bari aw te jɛn n'u ye u ka koo fufafu nunu na tugu, o la, u b'aw tɔgɔ cɛn.