Piy fɔlɔ 3:15 - ALA KA KUMA

¹⁵ Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.

Jula NT of Côte d’Ivoire

¹⁵ Aw ye Kirisita* bonya aw jusu ra dɔrɔn, k’a lɔn ko aw Matigi lo. Jigiya min bɛ aw fɛ, ni mɔgɔ o mɔgɔ ka aw ɲininka o ra, aw labɛnnin ye sɔrɔ tuma bɛɛ ka o tigi jaabi; nka aw ye a kɛ ni jususuma ni bonya ye.

LAYIDUKURA

¹⁵ Aw ka Krista bonya aw dusu la, ale min ye aw ka Matigi ye. Aw jigi min lanin b'a kan, ni dɔ kɛra aw nyiningabaga ye, aw labɛnnin ka sɔrɔ tuma bɛɛ k'a tigi jaabi o koo la.

Piy fɔlɔ 3:15 Iomraidhean Croise

Zaburu 119:46

Ne bena e ka sariya koo fɔ masaw ye, ne tena maloya fana.

Zanaw 15:28

Mɔgɔtilennin be miiri ka sɔrɔ ka jaabili di. Nga mɔgɔjugu daa be juguman le fɔ.

Zanaw 22:21

Waasa ka tiɲɛkuma ni koo halala yira i la, i ka se ka jaabili tilennin di e cibaga ma.

Ezayi 1:18

Ɔnhɔn! Aw ye na, an ka sigikafɔ kɛ.» Masaba ko ten! «Hali n'aw ka kojuguw wulenna i ko joli, u bena gwɛ i ko kɔɔri. Hali n'u wulenna fɔɔ ka fin, u bena gwɛ parapara.

Ezayi 29:23

Bari, ne bena deen minw di aw ma, ni aw y'o ye tuma min na, aw bena ne ka senumanya boɲa, aw ben'a lɔn ko ne ye Yakuba ka Ala senuman ye, aw bena yɛrɛyɛrɛ ne, Isirayɛli ka Ala ɲakɔrɔ.

Ezayi 41:21

Masaba ko: «Siya ka joow, aw k'aw ka kunbɔkuma fɔ.» Yakuba ka Masa ko: «Aw bena tiɲɛ sɔrɔ ni kuma min ye, aw k'o fɔ ka na.

Ezayi 5:16

Masaba, Setigi bena boɲa sɔrɔ a ka kiti loon na. Ala b'a ka ɲumanya yira a ka tilenninya fɛ.

Ezayi 8:12

Ko u be min wele ko janfako, ko ne kan'a wele ten. Ko u be siran fɛɛn minw ɲa, ko ne kana siran o ɲa. Ko n kana siran o ɲa fewu.

Jateri 20:12

Masaba y'a fɔ Musa ni Arɔn ye ko: «Aw ma la ne la, k'a to ne k'a yira Isirayɛlidenw na ko ne ɲɔgɔn te yi, ko see be ne ye minkɛ, o la, ne be jamana min di jama nin ma, aw tena don n'u ye o kɔnɔ.»

Jateri 27:14

bari tuma min na jama murutira ne ma jiko la k'aw to Zin kongokolon kɔnɔ, aw si tun ma sɔn ka ne ka fɔta bato, aw m'a to ne k'a yira u la ko ne ɲɔgɔn te yi, ko see be ne ye.» Meriba ye jii bɔyɔrɔ ye, min be Zin kongokolon kɔnɔ Kadɛsi.

Kɛwalew 21:39

Pɔli y'a jaabi ko: «Ne ye zuwifu ye ka bɔ Tarisi, Silisi mara la. N ka dugu te dugu dogonin ye. Ne b'i daali, a to n be dɔ fɔ jama ye.»

Kɛwalew 24:25

Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Kɔlɔsikaw 1:5

Aw jigi lanin be fɛɛn min kan arijana na, aw ye o jigi nin sɔrɔ kibaru diman barika la, min ye tiɲɛkuma ye, aw kɔnna k'o le mɛn.

Kɔlɔsikaw 4:6

Aw k'aw ka kuma fɔcogo ɲa tuma bɛɛ, a ka diya bɛɛ ye, waasa aw ka se ka mɔgɔ bɛɛ jaabi ka ɲa.

Tite 1:2

O jigi nin be nii banbali kan, Ala tiɲɛtigi y'a daa di min na kabini diɲɛ ma dan fɔlɔ.

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɔbɛ, anw be kɛ a ka somɔgɔw ye.

Heburuw 6:1

O la do, Krista ka koo minw faamu man gwɛlɛ, an kana to o kalan na halibi, nga an ka jija ka taga ɲa. An kana segi kalan kɔrɔman nunu kan minw ye: an ka nimisa ka faran kojuguw la minw te foyi ɲa mɔgɔ ye, ani jigi lako Ala kan,

Piy fɔlɔ 1:17

Ɔnhɔn, aw ka dalili la, aw be Ala wele ko aw Faa. A te wolomani kɛ, a be mɔgɔ bɛɛ kiti kelen kelen u ka kɛwaliw kosɔn. O tuma na sa, aw ka taama Alaɲasiran na, k'aw to diɲɛ na.

Piy fɔlɔ 3:2

Bari u ben'a ye ko aw taamacogo ka ɲi, ko aw be mɔgɔ boɲa.

Piy fɔlɔ 3:4

Nga, aw ka kɛ sɔnɲumantigiw ye, hakili siginin, minw ka koo ka nɔgɔ. O le ka di Ala ye haali.

Sam fɔlɔ 12:7

«Sisan, aw ye gwɛrɛ ka na, ne bena aw kiti Masaba ɲakɔrɔ, a ye koɲuman minw bɛɛ kɛ aw n'aw faaw ye, o kosɔn.