Piy fɔlɔ 3:14 - ALA KA KUMA

¹⁴ Hali n'aw be tɔɔrɔ sɔrɔ aw ka koɲuman kosɔn, dagamu ye aw ta ye. Aw kana siran mɔgɔ si ɲa, aw hakili kana ɲagami.

Jula NT of Côte d’Ivoire

¹⁴ Nka hali ni o bɛ aw tɔɔrɔ terenninya kosɔn, aw ta ɲana. Aw kana siran mɔgɔw ɲa, aw hakiri fana kana ɲagami.

LAYIDUKURA

¹⁴ Hali n'aw bɛ tɔɔrɔ sɔrɔ aw ka konyumankɛ kɔsɔn, dagamu ye aw ta ye. Aw kana siran mɔgɔ si nya, aw hakili kana nyagami.

Piy fɔlɔ 3:14 Iomraidhean Croise

Zanaw 3:25

Kana siran gwɛrɛgwɛrɛ ɲa, walima mɔgɔjuguw ka benkanni ɲa.

Ezayi 51:12

Masaba ko: «Ne le y'aw dusu saalobaga ye. Mun na aw be siran adamaden ɲa? Fɛɛn min bena sa. A ka koo ni biin ta bena kɛ kelen ye.

Yeremi 1:8

I kana siran mɔgɔ si ɲa, bari ne be n'i ye k'i kisi. Ne Masaba le ko ten.»

Yeremi 15:15

I b'a lɔn sa, Masaba! I hakili to n na ka n dɛmɛ. Ne mɔnɛ bɔ n tɔɔrɔbagaw la. Kana to ka muɲu u kɔrɔ fɔɔ u ka ne faga. I k'a lɔn ko ne be nɛnili muɲuna e le kosɔn.

Ezekiyɛli 3:9

Ne bena i jaa gwɛlɛya i ko luluu janin lo cogo min na. A bena gwɛlɛya ka tɛmɛ kabakurugwɛlɛn kan. Kana siran u ɲa, i jaa kana tigɛ u ɲakɔrɔ, hali ni mɔgɔ murutininw lo.»

Matiyu 10:28

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Matiyu 10:31

O la, aw kana siran. Aw ka fisa ni kɔnɔninw ye.

Matiyu 10:39

Ni mɔgɔ min b'a fɛ ka koo bɛɛ kɛ waasa a kana bɔnɔ a nii na, o tigi bena bɔnɔ a la. Nga, ni min bɔnɔna a nii na ne kosɔn, o tigi bena tila k'a sɔrɔ.

Matiyu 16:25

Mɔgɔ o mɔgɔ b'a fɛ k'a nii tanga, o tigi bena bɔnɔ a la. Nga ni mɔgɔ min bɔnɔna a nii la ne kosɔn, o tigi bena tila k'a sɔrɔ.

Matiyu 19:29

Ani mɔgɔ o mɔgɔ min y'a ka soo to, walima a balimacɛw, n'a balimamusow, a faa n'a baa, a deenw, an'a ka foro ne kosɔn, o tigi bena o ɲɔgɔn caaman sɔrɔ, ani ka nii banbali sɔrɔ.

Marika 10:29

Yezu y'a jaabi ko: «Tiɲɛ na, ne b'a fɔ aw ye ko ni mɔgɔ o mɔgɔ y'a ka dugu to, walima a balimacɛw, walima a balimamusow, walima a faa, walima a baa, walima a deenw, walima a ka forow to yen, ne ni kibaru diman kosɔn,

Marika 8:35

Mɔgɔ o mɔgɔ b'a fɛ k'a nii kisi, o tigi bena bɔnɔ a la. Nga ni mɔgɔ min bɔnɔna a nii na ne ni kibaru diman kosɔn, o tigi ben'a nii kisi.

Yuhana 14:1

Yezu y'a fɔ a ka kalandenw ye ko: «Aw hakili kana ɲagami. Aw lara Ala la, aw ye la ne fana na.

Yuhana 14:27

Ne be hɛrɛ le di aw ma, hɛrɛ min be bɔ ne fɛ, ne be o le di aw ma, ne t'a dira i n'a fɔ diɲɛ mɔgɔw b'a kɛ cogo min na. Aw hakili kana ɲagami, aw kana siran.

Kɛwalew 9:16

A ka kan ka tɔɔrɔ minw bɛɛ kɛ ne kosɔn, ne yɛrɛ bena o bɛɛ yira a la.»

Kor 2nan 12:10

O le kosɔn, ne be nisɔndiya ne ka dɛsɛ koow la, u be ne nɛnina wo, ne dusu kasira wo, u be ne tɔɔrɔla wo, ne be nisɔndiya hali ni nisɔngoyako lo Krista kosɔn, bari ne y'a lɔn ko waati min na ne barika dɛsɛra, o waati yɛrɛ la ne be fanga sɔrɔ.

Filipikaw 1:29

Aw minw kɛra Krista ta ye, Ala ye nɛɛma min kɛ aw ye, o ye nin ye: A y'a kɛ aw y'aw jigi la a kan, o dama tɛ, aw be sigɛn sɔrɔ a kosɔn fana.

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Yakuba 5:11

Mɔgɔ minw be muɲu fɔɔ ka se a daan ma, anw k'olu dagamunin lo. Zɔbu muɲuna cogo min na, n ko aw y'o mɛn kɛ. Matigi nana min kɛ a ye laban na, aw b'o lɔn. Matigi ye ɲumanya ni makaritigi ye.

Piy fɔlɔ 3:6

i n'a fɔ Sara. A y'a yɛrɛ majigi Ibrayima ye fɔɔ ka to k'a wele ko: «N matigi.» N'aw be koɲuman kɛ, n'aw te siran fewu, aw be kɛ Sara denmusow ye.