Piy fɔlɔ 3:12 - ALA KA KUMA

¹² Bari Matigi be janto mɔgɔtilenninw na, a b'a tulo malɔ u ka dalilikan na. Nga a be wili kojugukɛlaw kama.»

Jula NT of Côte d’Ivoire

¹² Sabu Matigi ɲa lɔnin bɛ mɔgɔ terenninw na, a toro bɛ o ta daarikan na fana; nka Matigi bɛ kojugukɛbagaw kɛrɛ.»

LAYIDUKURA

¹² Bari Matigi hakili bɛ mɔgɔtilenninw na, a tulo malɔnin lo u ka dalilikan na. Nga a t'a fɛ a nyaa bɛ la kojugukɛlaw kan.”

Piy fɔlɔ 3:12 Iomraidhean Croise

Lok 2nan 16:9

Masaba ɲaa be diɲɛ bɛɛ la, a ka koo be mɔgɔ minw dusu la, a be barika don olu la. I ye nalomanya kɛ dɛ. O la, kabini sisan i bena kɛlɛ sɔrɔ.»

Lok 2nan 7:15

K'a ta sisan ma, ne ɲaa yɛlɛnin lo, ne bena daalili mɛn, minw bena kɛ yan yɔrɔ la.

Zaburu 11:4

Masaba b'a ka soo kɔnɔ, a ka masasigilan be sankolo la. A ɲaa be adamadenw na, a b'u ka koow sɛgɛsɛgɛra.

Zaburu 33:18

Mɔgɔ minw be siran Masaba ɲa, a be olu mara. Mɔgɔ minw jigi b'a ka ɲumanya kan, a be olu dɛmɛ.

Zaburu 65:2

Ala, e ka kan ni tanuli ye *Siyɔn dugu kɔnɔ. Mɔgɔw ka kan k'u ka dajuruw sara.

Zaburu 80:16

i ye min tutu, a tanga, i ye barika don min na.

Zanaw 15:29

Masaba te gwɛrɛ mɔgɔjugu la, nga a b'a tulo malɔ mɔgɔtilennin daalilikan na.

Zanaw 15:3

Masaba ɲaa be yɔrɔ bɛɛ la, a be mɔgɔjugu ni mɔgɔɲumanw kɔlɔsi.

Zanaw 15:8

Mɔgɔjugu ka saraka koo ka go Masaba ye. Nga a be mɛnni kɛ mɔgɔtilennin ka daalili la.

Yeremi 21:10

Bari ne bena wili dugu nin kama ka n ɲaa sin a ma, ne tena hɛrɛ kɛ a ye, ne bena bɔnɛ lase a ma. Ne ben'a don Babilɔni masacɛ bolo, ale ben'a jɛni! Ne Masaba le ko ten!»

Yeremi 39:12

«A minɛ k'i janto a la, kana kojugu si kɛ a la. N'a ye fɛɛn min ɲini i fɛ, o kɛ a ye.»

Ezekiyɛli 15:7

Ne bena n ɲaa sin u ma. Hali n'u bɔra tasuma kɔnɔ, tasuma bena tila k'u jɛni k'u halaki. Ni ne ye n ɲaa sin u ma k'u kɛlɛ tuma min na, aw ben'a lɔn ko ne ye Masaba le ye.

Sarakalasebagaw 17:10

«Ni Isirayɛliden fɛɛn o fɛɛn ye joli dumu, walima lonan min siginin be u cɛma, ne bena wili o tigi kama k'a gwɛn ka bɔ a ka mɔgɔw cɛma.

Sarakalasebagaw 20:3

Ne yɛrɛ bena wili o tigi kama, k'a niin bɔ a ka mɔgɔw cɛma, bari a y'a deen di Milikɔmu ma ka ne ka sigiyɔrɔ nɔgɔ, ani ka ne tɔgɔ senuman cɛn.

Sarakalasebagaw 20:6

«Ni mɔgɔ min ye kakalaya kɛ ka taga sukɔrɔ welebaga, walima lagwɛlikɛla fɛ, ne bena wili o tigi kama k'a niin bɔ a ka mɔgɔw cɛma.

Sarakalasebagaw 26:17

Ne bena wili aw kama. O la, aw juguw bena se aw kɔrɔ, aw kɔniyabagaw bena kɛ aw kuntigiw ye. Aw bena boli hali ni mɔgɔ si te aw nɔɔ fɛ.

Yuhana 9:31

An kɔni b'a lɔn ko Ala te hakɛkɛla ka daalili jaabi. Nga mɔgɔ min be siran Ala ɲa n'a b'a sago kɛ, a b'ale lo jaabi.

Sariya 11:12

Jamana min lo, Masaba aw ka Ala b'a hakili to a la, a b'a kɔlɔsi tuma bɛɛ, k'a ta saan daminɛ ma fɔɔ a laban ma.

Yakuba 5:16

O la sa, aw ye hakɛ minw kɛ, aw ka olu fɔ ɲɔgɔn ye ka Ala daali ɲɔgɔn ye waasa aw be kɛnɛya. Barika be mɔgɔtilennin ka daalili la kosɔbɛ.