Piy fɔlɔ 2:7 - ALA KA KUMA

⁷ Ayiwa, aw minw lara Yezu la, ale kɛra kabakuru nafaman ye aw fɛ. Nga minw ma la a la, olu fɛ, «bonlɔlaw banna kabakuru min na, o nana kɛ kabakuru barikaman ye, boon nɔnkɔn ta,»

Jula NT of Côte d’Ivoire

⁷ Aw minw lara a ra, a kɛra fɛn nafaman ye aw fɛ; nka lanabariw ta fan fɛ, a sɛbɛra ko: «Bonlɔbagaw banna kabakuru min na, o le kɛra kabakurusɔbɛ ye, ka kɛ bon kabakuru fɔlɔ ye.»

LAYIDUKURA

⁷ Ayiwa, aw minw y'aw jigi la o kabakuru nin kan, a kɛra fɛɛn nafaman ye aw fɛ. Nga Alalɔnbaliw fɛ, “bonlɔlaw tun banna kabakuru min na, o le nana kɛ boon kabakuruw bɛɛ la nyuman ye,”

Piy fɔlɔ 2:7 Iomraidhean Croise

Ezayi 28:5

O loon na, Masaba, Setigi bena kɛ kunnawolonfɛnɲuman ye. A ka jama tɔɔ min bena to, a bena kɛ olu ka masirifɛn ye.

Hagize 2:7

Ne bena siyaw bɛɛ ɲagami, u ka nafolow bena yɛlɛma ka na yan. Ne bena nɔɔrɔ la soo nin kan. Ne Masaba, Setigi le ko ten.

Matiyu 21:42

O kɔ, Yezu y'a fɔ u ye ko: «Min fɔra Ala ka kuma na, aw m'o mɛn ka ye wa? Ko: ‹Bonlɔlaw tun banna kabakuru min na, o nana kɛ kabakuru barikaman ye, boon nɔnkɔn ta. O koo bɔra Matigi le fɛ, a kɛra kabako ye an ɲana.› »

Luka 2:32

A bena yeelen bɔ diɲɛ mɔgɔw bɛɛ ye k'i yira u la. A bena boɲa la an Isirayɛlidenw kan, an minw ye i ka mɔgɔw ye.»

Luka 2:34

Simeyɔn ye duba kɛ u ye. O kɔ, a y'a fɔ a bamuso Mariyamu ye ko: «A filɛ, deen nin bena kɛ sababu ye Ala bena Isirayɛliden caaman jalaki, ka sɔn caaman fana na. A bena kɛ taamasiɲɛ ye, mɔgɔw bena ɲɔgɔn sɔsɔ min koo la.

Luka 20:17

Nga Yezu y'u filɛ k'a fɔ u ye ko: «Min fɔra Ala ka kuma na, o kɔrɔ bena kɛ mun ye sa? A ko: ‹Bonlɔlaw banna kabakuru min na, o nana kɛ kabakuru barikaman ye, boon nɔnkɔn ta.›

Yuhana 4:42

U tora k'a fɔ muso nin ye ko: «K'i ka kuma yɛrɛ bɔ a la, anw lara a la bari an y'a yɛrɛ lamɛn. An lanin b'a la ko nin le ye diɲɛ kisibaga yɛrɛ yɛrɛ ye.»

Kɛwalew 26:19

«Ayiwa masa Agiripa, kabini o waati, yelifɛn min yirala ne la ka bɔ sankolo la, ne ma se k'o sɔsɔ.

Rɔmukaw 10:21

Nga Isirayɛlidenw koo la, a y'a fɔ ko Ala ko: «Ne tilera ka n bolo di siya murutinin nin ma, olu minw tulo ka gwɛlɛ.»

Rɔmukaw 15:31

janko ne ka se ka kisi Zude mara Alaɲasiranbaliw ma, ani ne be taga ni dɛmɛ min ye Zeruzalɛmu, o koo ka se ka diya Ala ka mɔgɔw ye o yɔrɔ la.

Kor 2nan 2:16

Ala ye mɔgɔ minw kisi an kɛra kasadiman ye olu ye min be nii di. Minw be halaki sira kan, an kɛra kasagoma ye min be na ni saya ye.

Kɔlɔsikaw 2:10

Fɛɛn bɛɛ b'aw fɛ ale lo barika la, ale lo be setigi ni fangatigi yebaliw bɛɛ kunna.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Heburuw 11:31

Kakalamuso Araabu ka lanaya kosɔn, a ye Isirayɛlidenw ka cidenw dogo. O la, minw banna Ala la, ale ma sɔrɔ ka sa ni olu ye.

Heburuw 4:11

An ka jija o tuma na ka don o lafiɲɛyɔrɔ nin na. An k'an yɛrɛ minɛ waasa mɔgɔ si kana dɛsɛ o yɔrɔ donko la i n'a fo minw ma sɔn ka mɛnikɛ.

Piy fɔlɔ 1:8

Aw ɲaa ma la a kan, nga a koo do diyara aw ye. Aw y'aw jigi la a kan, k'a sɔrɔ aw m'a ye fɔlɔ, ka nisɔndiya kosɔbɛ nisɔndiya min te se ka lakali.

Piy fɔlɔ 2:4

Aw ye gwɛrɛ Matigi la ale min ye Kabakuru ɲanaman ye. Mɔgɔw banna ale min na i n'a fɔ bonlɔbagaw be ban kabakuru dɔ la cogo min na. Nga Ala y'a woloma, a koo ka gwɛlɛ a ma.

Piy fɔlɔ 2:8

ani «a kɛra u talonkabakuru ye, ani u ben farakuru.» U be talon a la, bari u ma la a ka kuma na. O le tun ka kan n'u ye.